Rätoromanische Sprache

Us der alemannische Wikipedia, der freie Dialäkt-Enzyklopedy

Dialäkt: Vorarlbärgisch

Dia Rätoromanischa Schprocha im witara Sinn, also alle Alparomanischa Sprocha zämm, sin a Gruppa vo romanischa Sprocha und Dialekti, wo in a paarna Alpatäla in da Schwiz und Z‘Italia (Ladinisch) gschprocha werent. Wissaschaftlich isch dia Exischtenz vo dera Schprochgruppa aba no ziemli umschtritta.

Im engara Sinn moant ma mit Rätoromanisch meischtns s Bündnerromanische, wo sit m 20. Februar 1938 neabs (schwiza)dütsch, französisch und italienisch dia vierte offizielle Schproch vo da Schwitz isch. Ersch 1982 hot‘s Bündnerromaische als Rumantsch Grischun (Graubündner Rumantsch) a oagene Schriftschproch kriagt und isch in füf oanzelne Dialekte untatoalt wora, wo o vaschieda gschrieba werent.

Inhaltsverzeichnis 1 Iiteilung 2 Gschicht 3 Bischpiil 4 Netzgleicher (Weblinks)

[ändere] Iiteilung

Dia Diskussion, wia ma denn dia rätoromanischa Schprocha itoala müsst, isch untaram Nama „questione ladina“ bekannt wora. Zwoa Schprochforscha, Graziadio Isaia Ascoli (1829-1907) und Theodor Gartner (1843-1925) gond davu us, dass es an Art rätoromanische Urschproch gea hot, zwüscha m Oberalppass i da Schwiz und m Friaul in Italien, us dera se noch und noch oanzelne Dialekt entwicklat hond. Hüt untascheidet ma deane Dialekte:

• Bündnerromanisch
  • Surselvisch (Sursilvan, 13.879 Muattaschprochla), hot früha "Obwaldisch" khoassa und wir in da Region Ilanz gredet.
  • Zentral- oda Mittelbündnerisch
    • Sutselvisch (Sutsilvan, 571 Muattaschprochla) im Untarhi
    • Surmeirisch (Surmiran, 2.085 Muattaschprochla) dans les vallées de l'Albula et du Julier,
  • Engadinisch (Ladin)
    • Oberengadinisch (Puter, 2.343 Muattaschprochla)
    • Unterengadinisch (Vallader, 5.138 Muattaschprochla)
• Weschtliche Sittatäla vo da Etsch
  • Nonstal/Val di Non (Nones) und Sulztal/Val di Sole
• Ladinisch
  • Gherdeina in Gröden/Gherdëina (im Dialekt Gräden und Grädner), Fascian im Fassatal/Fascia und Mareo/Badiot im Gadertal/Val Badia (im Dialekt Padia und Badioten)
  • im Flussgebiet vo da Piave: Buchenstein/Fodom und Ampezzo/Anpezo (Sprechen obr koan ladinisch).
• Furlanisch oder Friaulisch (Furlan). Das Furlanische schot a bizle andasch us wia dia andara rätoromanischa Schprocha, wils koa rätisches Substrat hot.

[ändere] Gschicht

Chur isch bis ins 15. Johrhundat s Zentrum vo da bündnerromanischa Schproch gsi, im obara Vinschgau, wo glei daneaba liegt, hot ma bis ins 17. Johrhundat rätoromanisch gredet. Dia Idiome im Nonstal/Val di Non und im Sulztal/Val di Sole sind döt o no weniga vo da norditalienischa Dialekte igfärbt gsi als wia hüt. Die Gegend um Cortina d'Ampezzo umme isch ersch mit da Olympischen Winterspiele vo 1956 richtig italienisch schprochig wora. Agfanga hot da Rückgang vom rätoromanischa in Graubünda wia Chur brennt hot. Viele vo da Handwerka, wo d’Schtadt wieda ufbot hond, sind von Untaland ku und wia d Schtadt fertig gsi isch, sind se bliba. Drum isch Chur innerhalb vo a paar Johr a dütschsprochige (alemannisch-sprochigi) Schtadt wora.

Ts Vôraadlbêrg haiz o nô im zibtsehanta (17.) jôrhúndrt rätoromanische tialêkt gia, mit şimpfnamma "Pompalúserisch". Dr vacuztrugg iş Arlbergromanisch.

Hüt goht die Zahl vo da Muattaschprochla um eppa 15% im Johr zruck, drum befürchtet ma meh und meh, dass dia Schproch ussterba künnt.

I de Abstimmig vom 17. Juni 2007 het s Bündner Volk e Vorlag zum Schutz vom Rätoromanische agnoo. Somit gelt ab jetzt e Gmaind mit 40% Rätoromane as "aisproochig" und s Rätoromanische isch somit Amts- und Schuelsprooch i dene Gmainde. De grööscht Widerstand isch us de grosse Ortschafte Chur, Arosa und Davos und usem Prättigau cho, dagege hend starch bidrooti Gmainde wie Sammoritz die Vorlag dütlich agnoo.

[ändere] Bischpiil

Alemannisch	Surselvisch	Sutselvisch	Surmeirisch	Puter	Vallader	Rumantsch Grischun	Idaliänisch	Latynisch
Gold	aur	or	or	or	or,aur,ar	aur	oro	aurum
hart	dir	dir	deir	dür	dür	dir	duro	durus
Oog	egl	îl	îgl	ögl	ögl	egl	occhio	oculus
liicht	lev	leav	lev	liger	leiv	lev	leggero	levis
drü	trais	tres	treis	trais	trais	trais	tre	tres
Schnee	neiv	nev	neiv	naiv	naiv	naiv	neve	niveus
Rad	roda	roda	roda	rouda	rouda	roda	ruota	rota
Kääs	caschiel	caschiel	caschiel	chaschöl	chaschöl	chaschiel	formaggio	caseolus
Huus	casa	tgeasa	tgesa	chesa	chasa	chasa	casa	casa
Hund	tgaun	tgàn	tgang	chaun	chan	chaun	cane	canis
Bäi	comba	tgomba	tgomma	chamma	chomma	chomma	gamba	gamba
Hennile	gaglina	gagliegna	gagligna	gillina	giallina	giaglina	pollo	gallina
Katz	gat	giat	giat	giat	giat	giat	gatto	cattus
alls	tut	tut	tot	tuot	tuot	tut	tutto	totus
Form	fuorma	furma	furma	fuorma	fuorma	furma	forma	forma
Ich	jeu	jou	ja	eau	eu	jau	io	ego

[ändere] Netzgleicher (Weblinks)

D Wikipedia uff Rätoromanisch — e freii Enzyklopädy

• Internetsite vo da Lia Rumantscha
• Radio Televisiun Rumantscha
• Infos üba Rumantsch