Historisches Lexikon der Schweiz

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Das send die erschte föif Bänd vom HLS in drü Sproche

S Historisch Lexikon vun d Schwyz, kurz HLS (französisch Dictionnaire Historique de la Suisse, kurz DHS, italienisch Dizionario Storico della Svizzera, kurz DSS) isch ä Projekt, wo de Stand vum Wisse yber d Gschicht vun dr Schwyz in de Form vun ere Enzyklopädie zämmegstellt wird. Des HLS isch 1990 ggründet worre. 2002 isch dr erscht Band erschiene, sither ei Band pro Johr. Vorgängerin vum HLS isch s HBLS, des Hischtorisch-Biographisch Lexikon vo dr Schwyz vun 1923-1929.

Des HLS erschint in drej vun de viir Landessproche (Dütsch, Französisch, Italienisch). D Originalbiiträg vo de Autore werde in d jeweilige andre Sproche ibersetzt. E Teilusgab in dr vierte Landessproch Rätoromanisch, s Lexicon istoric retic, wird separat publiziert. Des Lexikon umfasst pro Sprôchusgabe ugfähr 36.000 voschiedeni Artikel zue de Theme Biografi, Familie, geografischi Name un Theme. Persone werde numme ufgnumme, wenn si scho tot sin, vor 1935 geboreni worre sin oder Bundesrät oder Nobelpriisträger sin. D Ruth Metzler isch möglicherwis d jüngsti Person, wo im HLS en eigene Artikel het.

Sitem Härbst 1998 git s au e Online-Version im Internet . Des so gnannte e-HLS het d volli Stichwörterlischt un die Artikel wo d Schlussredaktion freigebe het, aber ohni Illuschtratione. In de druckte Form sin bislang nüün Bänd erschine. Pro Johr soll ä witere Bônd erschine. Blant sin drizeh Bänd.

Rusgeberi vum HLS isch d anne 1988 grindet Stiftung Historisches Lexikon der Schweiz (HLS), wo unterem Patronat vun dr Schwyzerische Akademi für Geisteswisseschafte un dr Schwyzerische Gsellschaft fyr Gschichte stoot. Finanziert wird s HLS vom Schwizer Bund us Stüürgälder. Wege dem soll s e-HLS au nochem Erschine vo de druckte Bänd koschtelose Zugriff ermögliche.

Publikation[ändere | Quälltäxt bearbeite]

Vereffenligt sin (ditschi Usgab):

  • Band I: Aa bis Basel (Fürstbistum), Basel 2002, 793 S.
  • Band II: Basel (Kanton) bis Bümpliz, Basel 2003, 854 S.
  • Band III: Bund bis Ducros, Basel 2004, 850 S.
  • Band IV: Dudan bis Frowin, Basel 2005, 882 S.
  • Band V: Fruchtbarkeit bis Gyssling, Basel 2006, 880 S.
  • Band VI: Haab bis Juon, Basel 2007, 886 S.
  • Band VII: Jura bis Lobsigen, Basel 2008, 911 S.
  • Band VIII: Locarnini bis Muoth, Basel 2009, 901 S.
  • Band IX: Mur bis Privilegien, Basel, 2010, 906 S.

Blant sin:

  • Band X: Von Pro bis Schawischwili, blant fir 2011
  • Band XI: Von Scheck bis Stitelmann, blant fir 2012
  • Band XII: Von Stock bis Vock, blant fir 2013
  • Band XIII: Von Vodoz bis Zyro, blant fir 2014

Weblink[ändere | Quälltäxt bearbeite]