Wikipedia:Tutorial

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Tutorial-Logo
Wikipedia-Tutorial
Tutorial-Logo
1. Bearbeitige mache | 2. Teggschtgstaltig | 3. Bilder yybaue | 4. Syte neu aalege | 5. Diskussionssyte | 6. Schlusspunkt

Sali und härzlig willkomme bim Wikipedia-Tutorial, de Schritt-für-Schritt-Aleitig durch d Wikipedia!

D Wikipedia isch e Internet-Enzyklopädy, wo vo vyle Lüt zämme bearbeitet wird. Alli, wo’nen alemannische Dialäkt beherrschen und öppis zumene Thema wüsse, chöü mitschrybe. Me mues kei Wüsseschaft studiert ha, me mues kei Büecher chönne schryben un mer muess sich au nit bewerbe. Des Tutorial zeigt dr, wie de sofort chasch aafange mitschrybe!

Dodeby müesch im Chopf bhalte, dass des do e Churzaleitig isch und kei usgarbeiteti Beschrybig vo de Wikipedia-Regle oder vo allne möglige Fähigkeite vo de Software. Wenn dr dich für Details interessiersch, no findsch im ganze Tutorial Gleicher uff anderi Wikipedia-Site, wo usfiehrliger über d Theme vom Tutorial informiere.

Usspropiere chasch dyn neus Wüsse jederzit im Sandchaste. Des isch e Syte, wo numme zum ussprobiere doo isch, un sunscht kei Inhalt het.

OK? Jetz fange mr a!