Urmein

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Urmein
Wappe vo Urmein
Basisdate
Staat: Schwiiz
Kanton: Graubünde (GR)
Bezirk: Hinterrhyw
BFS-Nr.: 3670i1f3f4
Poschtleitzahl: 7427
Koordinate: 752589 / 17217446.6833319.4333331264Koordinaten: 46° 41′ 0″ N, 9° 26′ 0″ O; CH1903: 752589 / 172174
Höchi: 1'264 m ü. M.
Flächi: 4,33 km²
Iiwohner: 116 (31. Dezämber 2012)[1]
Karte
Lago di Lei Lago di Monte Spluga Lago di Luzzone Lai da Marmorera Sufnersee Zervreilasee Italie Kanton Tessin Bezirk Albula Bezirk Imboden Bezirk Maloja Bezirk Moesa Bezirk Plessur Bezirk Surselva Almens Andeer Avers GR Casti-Wergastai Cazis Donat GR Ferrera GR Ferrera GR Flerda Fürstenau GR Hinterrhii Lohn GR Masein Mathon GR Nufenen GR Paspels Pratval Rodels Rongellen Rotabrunna Scharans Sils im Domleschg Splügen GR Sufers Thusis Tomils GR Tschappina Urmein Zillis-ReischenKarte von Urmein
Iber des Bild
www

Urmein (rätoromanisch Urmagn) isch e politischi Gmeind im Kreis Thusis im Bezirk Hinterrhy vum Kanton Graubünde. Es isch mit fascht 1300 Meter über em Meer nooch Tschappina di Gmeind am Heinzeberg, wo am hööggschte gläge isch.

Gschicht[ändere | Quälltäxt bearbeite]

In de Mitti vum 12. Joorhundert het Urmein zum Grosshof Flerde vum Chloschter Cazis ghört. Bis 1337 sin d Vazer d Landherre gsi, deno d Werdeberger un Rhäzünser, un schliessli ab 1475 de Bischof vo Chur. De Usschauf vo de bischöfliche Rächt het 1709 stattgfunde. Urmein isch zwüsche 1530 un 1540 zur Reformation überträtte.[2] Bis 1670 het Urmein zämme mit Flerde un Portein e Chilchegmeinschaft bildet, un het sich deno mit Flerde vo Portein glööst; syt 1725 isch Urmein deno bis 1877 in chilchlich unabhängig gsi. Deno het Urmein zämme mit Tschappina un Flerde e Pastorationsgmeinschaft bildet. Vercheerstechnisch isch de Ort syt 1901 mitenere Strooss uff Thusis aabunde. Wirtschaftlich isch Ackerbau un Viewirtschaft betrybe worde, wo au hüt no en wichtige Erwerbszwyyg isch.[3]

S Wappe vo Urmein zeigt uffeme rote Grund en halbe goldene (gääle) Leu, wo en goldene Pfyyl mit enere silbrige Spitz in de rächte Doobe het.

Bevölcherig[ändere | Quälltäxt bearbeite]

Yywohnerentwigglig
Joor 1803 1850 1900 1950 2000 2010
Yywohnerzaal 158 133 89 90 81 110

Di ursprüngli Sprooch vo Urmein isch s Sutselvisch, e Mundart vum Rätoromanische. S Romanisch isch z Urmein aber warschynts scho im 19. Joorhundert ussgstorbe. Im 18. Joorhundert isch de Ort wohl no ganz romanisch gsi, un im Schuelbericht vo 1838 wird erwäänt, dass d Schuel vor churzem ganz zum Dütsche gweggslet hät. De Mathias Kundert goot devo uss, dass s Dütsch öbe in de 1830er s Romanisch als Umgangssprooch abglööst het; scho in de erschte Volchszäälig vo 1860 isch de Aadeil vo Dütschsproochige über 90%. Mer goot devo uss dass Urmein vo de Walsersiidlig Tschappina uss germanisiert worde isch. Näbe de geographische Nööchi zue Tschappina, wo dertemool de einzig dütschsproochig Ort in de unmittelbare Umgebig gsi isch, spricht au defür dass di dütsch Mundart vo Urmein als einzigi ehemooligi romanischi Gmeind, en starche Yyfluss vum Walserdütsch het.[4]

Literatur[ändere | Quälltäxt bearbeite]

  • Die Gemeinden des Kantons Graubünden. Chur/Zürich, 2003. ISBN 3-7253-0741-5
  • Kundert, Mathias: Der Sprachwechsel im Domleschg und am Heinzenberg (19./20. Jahrhundert). Kommissionsverlag Desertina, Chur 2007, ISBN 978-3-85637-340-5.

Weblink[ändere | Quälltäxt bearbeite]

 Allmänd (Commons): Fotis vo Urmein – Sammlig vo witere Multimediadateie

Fuessnote[ändere | Quälltäxt bearbeite]

  1. Statistik Schweiz – STAT-TAB: Ständige und Nichtständige Wohnbevölkerung nach Region, Geschlecht, Nationalität und Alter (Ständige Wohnbevölkerung)
  2. http://www.hls-dhs-dss.ch/textes/d/D1494.php
  3. Kundert pp. 78
  4. Kundert pp. 78-79