Arno Camenisch

de Arno Camenisch (links) zämme mit em romanische Sänger Pascal Gamboni im März 2012

De Arno Camenisch (*1. Februar 1978 z Brigels) isch en Schriftsteller uss Graubünde wo im rätoromanische Idiom Sursilvanisch un uff Dütsch schrybt. Er schrybt Prosa, Lyrik un Theaterstügg. Überregional bekannt worde isch er dur syn Buech Sez Ner, wo uff Romanisch un Dütsch gschrybe isch, un en Summer uss Sicht vo de Älpler beschrybt.

Er isch 1978 in de Fraktion Tavanasa vo de Gmeind Brigels uff d Wält cho, un het dört au d Primar- un Sekundarschuel bsuecht. Deno het er s Lehrseminar z Chur absolviert un deno mehreri Reise dur Europa, Australie un Südamerika gmacht. Vo 2004 bis 2007 her z Madrid gläbt, un syt 2007 isch er Studänt am Schwiizerische Literaturinstitut (HKB) z Biel, wonner au läbt.

Vo 2005 bis 2009 het er Byträg für d Sändig Impuls uffem Radio Rumantsch gmacht.

Werch

• Ernesto ed autras manzegnas,Prosa, Ed. Romania, 2005.
• Sez Ner, Prosa, Urs Engeler Editor, Basel/Weil am Rhein, 2009.
• Hinter dem Bahnhof, Prosa, Engeler Verlag, Holderbank, 2010.
• Hörbuch: Sez Ner, Chasa Editura Rumantscha, Chur, Mai 2010.
• Ustrinkata, Prosa, Engeler Verlag, Solothurn, 2012.

Pryys

• 2010: ZKB Schillerpreis für "Sez Ner".
• 2010: Berner Literaturpreis für "Sez Ner".
• 2007: Shortlist Rauriser Literaturpreis mit "Sez Ner".
• 2007 Werkbeitrag der Pro Helvetia.
• 2006 Werkbeitrag der GiuRu.
• 2003 Publikumspreis an den Rätoromanischen Literaturtagen.
• 2001: Plema d'aur.

Weblink

• Di offizieli Websyte vum Arno Camenisch
• Arno Camenisch im Lexicon vum Verein vo de Autorinne un Autore vo de Schwiiz (ADS)
• Profil vum Arno Camenisch uff de Syte vo de Radiotelevisiun Rumantscha