Universität Zürich
Us der alemannische Wikipedia, der freie Dialäkt-Enzyklopedy
D Universität Züri, churz UZH isch d Universität vom Kantoo Züri und di gröscht Uni vo de Schwiz. Si litt i de Stadt Züri. Di maiste Gebäude vertailet sich uf s Univiertel und uf de Campus Irchel mitem Irchelpark. Agschlosse a de Universität Züri sind au Musee und Bibliotheke. D Uni Zöri zällt momentan rund 26'100 Studente und rund 7'600 Mitarbaiter.
Ggründet wore isch si ane 1833 und het im erste Joor 161 Studente und 55 Dozente ghaa. Si isch d Noochfolgeri gsy vo de Höchere Schuele für Theology (sit 1525), Jurisprudänz und Medizin.
Fakultäte [ändere]
- Theologischi Fakultät
- Rechtswüsseschaftlichi Fakultät
- Wirtschaftswüsseschaftlichi Fakultät
- Medizinischi Fakultät
- Vetsuisse-Fakultät
- Philosophischi Fakultät
- Mathematisch-naturwüsseschaftlichi Fakultät
