Walser

Us der alemannische Wikipedia, der freie Dialäkt-Enzyklopedy

D Walser sind e Volksgruppe, wo sich im Mittelalter vom Wallis uus verschidnig Bergtäler bisidlet hend, bsundrigs im Augstertal, im Piemont, im Bündnerland und im Vorarlberg. Ere Tielekt werd as Walsertütsch bizaichnet, wo zum grösste Tail zum Höchstalemannische und zum chliinere Tail zum Hochalemannische ghört.

[ändere] Verbreitig

Abem 13. Joorhundert hend tütschsproochige Biwoner vom Wallis afange i abglegne Bergregione noiji Sidlige gründe:

• im Wallis sälber no s Dörfer Simplu und Gondo
• im Berner Oberland: Luterbrunne, Mürre, Planalp und no e paar chliini Sidlige im Bernbiet.
• wiiteri chlliini Dörfer, wo aber uufgee wore sind im Waadtland und in Savoye
• i Alpetäler z Italie:
  • im Augschtertal: Greschuney und Eischeme im Chrämertal, im gliche Tal au no Goabi, wo nüm Tütsch gredt wird und e dezue no a paar chliini Sidlige i andere Täler, wo hüt au nüm Tütsch gredt werd, wo mer aber a de Näme no d Walserherchumft cha gseh, wie Les Allemands bi Morzine un Les Allemands bi Samoëns.
  • im Piemont:
    • Provinz Wertschaal: Im Land, Riifu, Arimmu, Remmalju. Z Chalchoufu werd hüt nüm Tütsch gredt.
    • Provinz Provinz Verbania-Cusio-Ossola: Makanaa, Pumatt und die baide Dörfer Saley und Ager wo nüm bewohnt sin. Z Urnafasch, z Opsu un z Miggiandone werd hüt nüm Tütsch gredt.
  • im Tessin: Gurinn.
• im Bündnerland:
  • Rhiiwald
  • Obersaxe, Vals, Signina (Gmaind Riein)
  • Safietal, Tenna, Valendas, Versam, Tschappina, Avers, Mutte
  • im Schanfigg
  • s oberi Landwassertal mit Davos und em Prättigau
• i de Ostschwiiz, im Liechtestai und Vorarlberg:
  • Calfeisetal und Taminatal im Kanto Sanggalle
  • Trisabärg im Liechtensteinische
  • s Grooss und Chlii Walsertal im Vorarlbergisch, e paar Gmeinde im Tirol un Gerschtrube z Dütschland

[ändere] Gschicht

Dialäkt: Laindertitzschu

Vïr vil hunderk jori šind d Walser im Gomstol, im Wallis g'stande. Dua haind d' ljit im Wallis Walliser g'haisse.
Fun d' berge haind si dan boude g'pflanzud und haind Chüa, Gais und Schof ufzouche.
Wa si šind fast ormi und nid frij gsi.
D'eidilmanna haind da' Walliser d' frihait und niwws land z' pflanzu in da' fremdi berge versproche. So haind d'Walser ds Gomstol verlo' und šind in Länder um dan Gourner g'fore. Uber d' pass šind si im Piemont cheme und haind niwwu hiser und niwwu deirfer g'buwwe: Pomat und Makinjò.
Darnoh šind si van Makinjò uber ds Tïrlji Im Land g'gange.
Auch hia haind d' Walser niwwu hiser und deirfer g'buwwe. Z'erst šind z' Kantmud g'stande.
D'Laindra šind darnoh vam Land bis in Rimu g'gange.
D'andru Walliser šind im Liachtestai und im Öisterich g'fore. D'Walser šind aiford im jor im Wallis erwunde und haind šich in Fairu ong'troffe. Do haind si ihru Dingi g'handlud.
Hit ontraffind šich allji Walser jedri dri Jori im Walsertreffen.

[ändere] Literatur

• Hans Kreis: Die Walser. Ein Stück Besiedlungsgeschichte der Zentralalpen. Francke Verlag, Bern 1958
• Paul Zinsli: Walser Volkstum in der Schweiz, in Vorarlberg, Liechtenstein und Italien. Verlag Huber, Frauenfeld 1968

De Artikel Walser isch leider no zimlig churz! Wenn dr meh züe dem Thema weisch, no schrib s dezüe und entfern nochher d Markierig {{Stumpen}}. Wenn de no nie e Stumpe erwitert häsch, no findsch do Hilf dezüe.