Türkische Sprache
| Türkisch (Türkçe) | ||
|---|---|---|
| Verbreitig: | Türkei, Zypere, Balkan, Gagausie, Krim, Aserbaidschan, Iran, Irak | |
| Sprecher: | 70 Millione | |
| Linguistischi Klassifikation: |
||
| Unterteilige: |
|
|
| Offizieller Status | ||
| Amtssprooch vo: | Türkei, Republik Zypere, Türkischi Republik Nordzypere | |
| Sproochchürzel | ||
| ISO 639-1 |
tr |
|
| ISO 639-2 |
tur |
|
| ISO 639-3 |
tur |
|
| SIL | ||
D Türkischi Sproch isch eini vu dr Turksproche. D Sälbschtbezeichnig vu däre Sproch isch Türkçe. Mit Türkisch isch in däm Artikel Türkei-Türkisch gmeint.
Die türkischi Sproch (Türkei-Türkisch) isch d Müttersproch vo ca. 80% vo Bevölkerig in dr Türkei.
Inhaltsverzeichnis |
[ändere] Verbreitig
Türkisch isch Amtssproch vo de Türkei und vo me Deil vo Zypre. Wältwit isch es noch em Stand vo 2007 d Müetersproch vo 58 Millione Lüt (vor allem in de Türkei und in de Länder drum umme, z.B. Griecheland, Zypre un Bulgariä) und wird vo insgsamt über 80 Millione Mensche gschwätzt.
[ändere] Verwandtschaft
Türkei-Türkisch bildet e Dialäktkontinuum mit dr Truksproiche in Zentralasie (Kasachisch, Turkmenisch, Usbekisch, Kirgisisch). Am nächschte verwandt mit em Türkei-Türkisch isch s Aserbeidschanisch, d Sprächer vu beide Sproche chönne enand verstoh.
[ändere] Alphabet
Dr Schriftsproch in Anatoliä un im Herrschaftsbereich vu dr Osmane isch Osmanisch-Tirkisch gsii, si isch mit dr arabische Schrift gschriibe wore. Wo 1926 de Mustafa Kemal Atatürk an me Turkologe-Kongress teilgnoh hät, hät er die latynischi Schrift für die türkischi Orthografy gfordert. Des hät sich 1928 au chönne durchsetze.
Sit 1928 isch de Dialäkt vo Istanbul d Hochsproch vom Türkische. D Schrift isch e Lutschrift, des heißt, dass jedem Lut genau ei Büchstabe züegordnet isch. S Alphabet hät 29 Büchstabe:
a b c ç d e f g ğ h ı i j k l m n o ö p r s ş t u ü v y z
[ändere] Ussproch
D Büechstabe, wo in de folgende Tabelle nit uffgfiehrt ßin, werre glych wie im Dütsche usgsproche.
| Büechstabe | IPA-Zeiche | Beschrybig |
| c | [dʒ] | Affrikate: d + stimmhafts sch |
| ç | [tʃ] | Affrikate: t + stimmloses sch |
| e | [ɛ] | wie s churze e oder z.D. ä uff Alemannisch und Dütsch |
| ğ | [:], [j] | Noch de helle Vokal wie j ußgsproche, sust zur Dehnig brucht |
| ı | [ɯ] | ungrundete gschlossene dunkle Lut |
| j | [ʒ] | stimmhafts sch (j chunnt numme in Främdwörter vor) |
| o | [ɔ] | churzes o wie uff Alemannisch |
| ö | [œ] | kurzes ö wie uff Alemannisch |
| r | [r] | grollts r mit mehrere Zungeschläg |
| s | [s] | stimmloses s wie alemannischs Doppel-S oder ß |
| ş | [ʃ] | stimmloses sch |
| v | [v] | wie w und deilwis v |
| y | [j] | wie Alemannischs j |
| z | [z] | stimmhafts s |
[ändere] Grammatik
[ändere] Allgemein
Türkisch isch e agglutinierendi Sproch. Des heißt, dass Suffix de Fall, d Person etc. azeige, im Gegesatz züe dr flektierende Sproche, wie dr indogermanische, wu au dr Wortstamm cha gändert wäre (z. B. Umlut). Wie in e paar andere Sproche (z. B. Ungarisch) isch d Vokalharmony entscheidend für d Suffix. Zwüsche Gschlæchter wird nit underschyde. Deilwis chunnt zwüschem Wort und de Ändig no e Hiatustilger, wo d Ussproch erlychtert (z.B. araba - arabanın statt arabaın, n isch de Hiatustilger) S Türkische kennt die folgende sechs Fäll (diä verschiidene Variante sin wäge dr Vokalharmonii - je noch dr Vokal in dr Stammsilbe mueß dä oder sälle Vokal in dr Ändig folge):
[ändere] Fäll
| Name | Erchlärig | Ändig |
| Nominativ | wer? | ‹ › |
| Akkusativ | wen? | ı / i / u / ü |
| Dativ | wem? | e / a |
| Genitiv | wem sy, hochdütsch wessen | ın / in / un / ün |
| Lokativ | in öbbs dinne | de / da |
| Ablativ | vo öbbs weg, uss öbbs use | e / a |
[ändere] Witers zu de Suffix
Au de Bsitz cha mer durch Suffix azeige, woby s vorcho cha, dass s Wort mehreri Suffixe annenand hät:
ev - s Hus
evde - im Hus
eviniz - Ihr Hus
evinizde - in Ihrem Hus
evinizdeyiz - myr sin in Ihrem Hus.
Am letschte Bispyl cha mer seh, dass au d Person durch Suffix azeigt werde.
Durch die vyle Funktione vo Suffix sin die türkische Wörter oft lang, aber in de Azahl letschtendlich weniger. Des cha mer am folgende Filmtitel seh:
Uçurtmayı vurmasınlar. (2 Wörter mit durchschnittlich 10 Büechstabe)
zum Verglych die alemannischi Übersetzig:
Sie solle de Drache nit abschieße. (6 Wörter mit durchschnittlig 5,7 Büchstabe)
[ändere] Links
S dütschsprochig Wikiquote hät Zitat zum Thema „Türkische Sprichwörter“
D Wikipedia uff Türkisch — e freii Enzyklopädy
S Wiktionary uff Türkisch — e freis Wörterbüech
Wikibooks: Türkisch — Lern- und Lehrmaterialie
Wikiversity uff Türkisch — Kursmaterialie, Forschigsprojäkt und wüsseschaftlige Usdusch
