Angelbachtal

Basisdate
Bundesland:	Bade-Württebärg
Regierigsbezirk:	Charlsrue
Chreis:	Rhy-Necker-Chrais
Höchi:	159 m ü. NHN
Flächi:	17,9 km²
Iiwohner:	5238 (31. Dez. 2023)
Bevölkerigsdichti:	292 Iiwohner je km²
Poschtleitzahle:	74916–74918
Vorwahl:	07265
Kfz-Chennzeiche:	HD
Gmeischlüssel:	08 2 26 102
Gmeigliderig:	2 Ortsteile
Adress vo dr; Gmeiverwaltig:	Schloßstraße 1; 74918 Angelbachtal
Webpräsenz:	www.angelbachtal.de
Burgermeischter:	Frank Werner (CDU)
Lag vo vo dr Gmei Angelbachtal im Rhy-Necker-Chrais
	Karte

Angelbachtal (sidfränkisch Angelbachdal) isch e Gmai im Rhy-Necker-Chrais z Bade-Wirttebärg. D Gmai het 5238 Iiwohner (Stand: 31. Dezember 2023).

Geografi

Angelbachtal lyt am Waldangelbach sidli vu Heidelberg im Kraichgauer Higelland. Dr Baan bstoht us 60,2 % Landwirtschaftsflechi, 22,7 % Wald, 15,7 % Sidligsflechi un 1,5 % sunschtiger Flechi.^[2] Dr Schlosspark Eichtersheim stoht wäg sym alte Baumbstand unter Landschaftsschutz. Glych au dr Weschtli Kraichgau, e 930 Hektar groß Biet, wu iber dr Baan vu Angelbachtal, Mühlhausen, Rauenberg un Dielheim goht. Dr Hermannswald sich as flächehaft Naturdänkmol yygstuft.^[3]

Nochbergmaine vu Angelbachtal sin d Sinsheimer Stadtdail Eschelbach, Dühren un Waldangelloch, un d Gmaine Östringen (Landkrais Charlsrue) un Mühlhausen.

Gmaigliderig

Zue Angelbachtal ghere d Derfer Eichtersheim un Michelfeld. Uf em Baan vu Michelfeld lyt di abgange Kapell Weibronn oder Wihenbronnen.^[4]

Gschicht

Eichtersheim isch zum erschte Mol anne 838 as Uhtritesheim im Lorscher Codex gnännt wore.^[5]

Um 1200 het s Dorf dr Ritter vu Steinach ghert. Im 14. Jorhundert isch Eichtersheim e kurbfälzisch Lääche gsii. Ab 1541 hän d Freiherre vu Venningen d Grundherrschaft uusgiebt.

Ab 1779 ghet s Dorf zum Ritterkanton Kraichgau ghert, anne 1806 isch s an s Großherzogtum Bade chuu. Vu 1807 bis 1810 het Eichtersheim zum Oberamt Waibstadt ghert, druf zum Bezirksamt Neckarbischofsheim, ab 1813 zum Amt Wiesloch un ab 1850 zum Bezirksamt Sinsheim.

Michelfeld isch zum erschte Mol anne 831 as Michilunfelt au im Lorscher Codex gnännt wore.^[6].

Eb mit em allodium in Michilinvelt, wu 1188 in eme Verdrag zwische em Chaiser Friedrich I. Barbarossa un em Chenig Alfons VIII. vu Kaschtilie as Dail vu dr Morgegab zue dr Hochzyt vum Konrad, em Suhn vum Friedrich, mit dr Berengaria, em Alfons syre Dochter, gnännt wird, des Michelfeld gmaint gsii^[7] isch oder s Michelfeld bi Schwäbisch Hall, isch nit sicher. Uf alli Fäll isch s Dorf anne 1508 in Bsitz vum Orendel vu Gemmingen chuu. Wu Herre vu Gemmingen-Michelfeld anne 1613 im Mannesstamm uusgstorbe sin, isch d Herrschaft an d Herre vu Gemmingen-Hornberg gange.

S Dorf het zum Ritterkanton Kraichgau ghert, anne 1806 isch s an s Großherzogtum Bade chuu. Michelfeld het wie Eichtersheim au Amt Wiesloch ghert un ab 1850 zum Bezirksamt Sinsheim.

D Gmai Angelbachtal isch entstanden am 1. April 1972 dur d Fusion vu Eichtersheim un Michelfeld.^[8] Im Rame vu dr Kraisreform isch dr Landkrais Sinsheim zum 1. Jänner 1973 ufglest wore, Angelbachtal sin derno zum neie Rhy-Necker-Chrais chuu.

Yywohnerentwicklig

Johr	1871	1890	1910	1939	1950	1961	1970	1987	1991	1995	2000	2005	2010	2015	2020
Yywohner	2154	2101	2207	1796	2991	2737	3296	3724	3992	4427	4792	4917	4960	4929	5119

Religion

Angelbachtal isch draditionäll evangelisch bregt, noch em Zweete Wältchrieg isch dr Aadail vu dr Katholike nodisno aagstige.

Verwaltig

Angelbachtal het e Verwaltigsgmainschaft veryybart mit dr Stadt Sinsheim un dr Gmai Zuzenhausen

Burgermaischter:

1979–2008: Fritz Brandt (CDU)
asyt 2008: Frank Werner (CDU)

Kultur un Böuwärch

Schloss Eichtersheim (16. Jh., 1978 bis 1980 saniert un umböue, hite Rothuus) mit Schlosspark
Katholischi Schlosschilche Eichtersheim (1782)
Evangelischi Chilche Eichtersheim (1792, barock, Durm 1886, di eltscht Glocke vu 1506)
historische Marstall, Eichtersheim
dr alt Guetshof, Eichtersheim (1768)
s alt Rothuus, Eichtersheim (1773)
Schloss Michelfeld (1753)
s alt Jegerhuus, Michelfeld (1752)
Evangelischi Chilche Michelfeld (1767, barock)
Katholischi Hailig-Chryz-Chilche (1968) zwische Eichtersheim un Michelfeld

Ev. Chilche Eichtersheim
Schloss Eichtersheim
Schlosschilche Eichtersheim
Schloss Michelfeld
Ev. Chilche Michelfeld
Hailig-Chryz-Chilche

Dialäkt

Dr Dialäkt vu Angelbachtal ghert zum Sidfränkisch.

Literatur

Angelbachtal – Zwei Dörfer, eine Gemeinde. Angelbachtal 1994
Adolf M. Hirn, Gabriele Süskind (Red.), Jürgen Schütz (Hrsg.): Der Rhein-Neckar-Kreis. Stuttgart 1991, ISBN 3-8062-0597-3
Joachim Hahn, Jürgen Krüger: Synagogen in Baden-Württemberg. Band 2, Stuttgart 2007, S. 10–13.

Weblink

Commons: Angelbachtal – Sammlig vo Multimediadateie

Websyt vu Angelbachtal
Angelbachtal uf LEO-BW

Fueßnote

↑ Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2023 (Fortschreibung auf Basis des Zensus 2022) (Hilfe dazu).
↑ Statistisches Bundesamt: Bodenfläche nach Art der tatsächlichen Nutzung - Stichtag 31.12. - regionale Tiefe: Gemeinden, Samt-/Verbandsgemeinden (bis 2011)
↑ Landesanstalt für Umwelt, Messungen und Naturschutz Baden-Württemberg
↑ Das Land Baden-Württemberg. Amtliche Beschreibung nach Kreisen und Gemeinden. Band V: Regierungsbezirk Karlsruhe Kohlhammer, Stuttgart 1976, ISBN 3-17-002542-2, S. 413–415
↑ Minst, Karl Josef [Übers.]: Lorscher Codex (Band 4), Urkunde 2621, 24. Februar 838 – Reg. 3295. In: Heidelberger historische Bestände – digital. Universitätsbibliothek Heidelberg, S. 187, abgruefen am 14. Februar 2016.
↑ Minst, Karl Josef [Übers.]: Lorscher Codex (Band 4), Urkunde 2554, Jahr 857 – Reg. 3432. In: Heidelberger historische Bestände – digital. Universitätsbibliothek Heidelberg, S. 169, abgruefen am 14. Februar 2016.
↑ Peter Wanner: Der staufisch-kastilische Ehepakt des Jahres 1188. Erkenntnisse aus Anlass einiger "kleiner" Stadtteils- und Gemeindejubiläen 2013. In: Christhard Schrenk/Peter Wanner (Hrsg.): heilbronnica 6. Beiträge zur Stadt- und Regionalgeschichte. Heilbronn 2016, S. 453–460, hier: S. 458–459. PDF 366 kB.
↑ Historisches Gemeindeverzeichnis für die Bundesrepublik Deutschland. Namens-, Grenz- und Schlüsselnummernänderungen bei Gemeinden, Kreisen und Regierungsbezirken vom 27.5.1970 bis 31.12.1982. W. Kohlhammer, Stuttgart / Mainz, ISBN 3-17-003263-1, S. 479.

[Metadaten_Einwohnerzahl_DE-BW-1] Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2023 (Fortschreibung auf Basis des Zensus 2022) (Hilfe dazu).

[2] Statistisches Bundesamt: Bodenfläche nach Art der tatsächlichen Nutzung - Stichtag 31.12. - regionale Tiefe: Gemeinden, Samt-/Verbandsgemeinden (bis 2011)

[3] Landesanstalt für Umwelt, Messungen und Naturschutz Baden-Württemberg

[4] Das Land Baden-Württemberg. Amtliche Beschreibung nach Kreisen und Gemeinden. Band V: Regierungsbezirk Karlsruhe Kohlhammer, Stuttgart 1976, ISBN 3-17-002542-2, S. 413–415

[5] Minst, Karl Josef [Übers.]: Lorscher Codex (Band 4), Urkunde 2621, 24. Februar 838 – Reg. 3295. In: Heidelberger historische Bestände – digital. Universitätsbibliothek Heidelberg, S. 187, abgruefen am 14. Februar 2016.

[6] Minst, Karl Josef [Übers.]: Lorscher Codex (Band 4), Urkunde 2554, Jahr 857 – Reg. 3432. In: Heidelberger historische Bestände – digital. Universitätsbibliothek Heidelberg, S. 169, abgruefen am 14. Februar 2016.

[7] Peter Wanner: Der staufisch-kastilische Ehepakt des Jahres 1188. Erkenntnisse aus Anlass einiger "kleiner" Stadtteils- und Gemeindejubiläen 2013. In: Christhard Schrenk/Peter Wanner (Hrsg.): heilbronnica 6. Beiträge zur Stadt- und Regionalgeschichte. Heilbronn 2016, S. 453–460, hier: S. 458–459. PDF 366 kB.

[8] Historisches Gemeindeverzeichnis für die Bundesrepublik Deutschland. Namens-, Grenz- und Schlüsselnummernänderungen bei Gemeinden, Kreisen und Regierungsbezirken vom 27.5.1970 bis 31.12.1982. W. Kohlhammer, Stuttgart / Mainz, ISBN 3-17-003263-1, S. 479.

[1]

[2]

[3]

[4]

[5]

[6]

[7]

[8]