Ortsteil

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

En Ortsteil isch en abggrenzte bzw. mit eigenem Name versehene Teil vonere Stadt oder Gmeind. Drum seit men au Stadtteil bzw. Gmeindsteil. Synonym bruucht me für Stadtviertel i de Schwiiz au s Wort Kwartier.

Entweder handlets sich um d Sidlige, zum Bischpiil Dörfer oder Ort, us ehemals selbstschtändige Gmeinde, wo dur en Iigmeindig binere Gmeinsreform iri Selbstschtändigkeit uufgee händ müesse und zu Gmeindsteile vonere benachbarte oder neue Gmeind worde sind. Denn sind d Ortsnäme erhalte blibe. Oder es handlet sich um neui entstandeni Wohnviertel vonere Schtadt oder Gmeind, also "Neubaugebiet", mit eme nöie Name, wenn d Besidelig fertig isch.

z Düütschland[ändere | Quälltäxt bearbeite]

In Düütschland chönnd je nach Regelig i dr Gmeindsordnig vome Bundesland d Ortsteil au Ortsteilvertretige (Ortschaftsrat, Ortsrat, Ortsbiirat) und eigeni Ortschaftsverwaltige und en Ortsvorschteher bzw. en Ortsbürgermeischter haa. Deet redt mer dänn meischt von ere Ortschaft im rechtliche Sinn.

D Benennig vo neue Ortsteile isch Aaglegeheit vo de jewiilige Gmeinde. Debii muess si verschideni Schtelle (z. B. Archivverwaltig, Schtatistischi Ämter, Poscht, Vermessigsämter etc.) aalose und druuf achte, dass innerhalb vo dr Gemeinde kei gliichluutendi Ortsteilname uuftreted.

In Poschtadrässe chann dr Name vonere Ortschaft au wiiterhii verwendet werde. Dr Name vom Ortsteil wird dänn i dr Zeile über dr Strassebezeichnig gnännt. Früeher isch er dur en Bindeschtrich a de Gmeindsname aaghängt worde, wies au oft i amtliche Ortsteilbezeichnige heisst (z. B. „Sankt Augustin-Menden“ oder „Troisdorf-Sieglar“).

I grössere Städt werded Ortsteil je nach Bundesland als Stadtbezirk bezeichnet oder zu sellige zämeegfasst. Im Gegesatz zu Ortsteile, wo e eigeni Ortschaftsvertretig chönnd haa, isch es so, dass Stadtbezirk meischt e derigi haa müend. Der Name, der Wahlmodus und d Zueschtändigkeite vo dene Bezirksvertretige variiered ebefalls vo Bundesland zu Bundesland.

In nordrhii-westfälische Grossschtädt bilded Ortsteil inoffizielli Gebiet vo Schtadtteile, wo sälber Teili vomene Schtadtbezirk sind.

i der Schwiiz[ändere | Quälltäxt bearbeite]

I der Schweiz händ vil politische Gmeinde es baar Ortschafte. Vil vo dene händ eigeni Poschtleitzahle.

I de Kantöön Graubünde, Tessin und Waadt seit me de Gmeinddeil Frakzioone, z Davos sind s d Frakzioonsgmeinde, im Bärnbiet kännt me d Viertelsgmeinde und im Bärner Oberland d Büürte, im Kanton Züri chömed d Ussewachte vor und im Fläcke Schwyz d Filiale.

Lueg au[ändere | Quälltäxt bearbeite]

Information icon.svg Dä Artikel basiert uff ere fräie Übersetzig vum Artikel „Ortsteil“ vu de dütsche Wikipedia.

E Liste vu de Autore un Versione isch do z finde.