Wikipedia:Stammtisch

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Laufenburg AG 2012-10-17 Mattes (23).JPG
Willkomme bim Wikipedia-Schtammtisch


Die Syte isch es Wikipedia-Forum für alles, was mit dr alemannische Wikipedia und em alemannische Schprochruum z’due hot! Do ka mer nuie Vorschläg macha und driber abschtimma.

» An neije Bytrag aafange «

Archivibersicht Archiv 2004 - 2005/1 - 2005/2 - 2006/1 - 2006/2 - 2007/1 - 2007/2 - 2008/1 - 2008/2
2009/1 - 2009/2 - 2010/1 - 2010/2 - 2011/1 - 2011/2 - 2012/1 - 2012/2 - 2013/1
2013/2 - 2014/1 - 2014/2 - 2015/1 - 2015/2 - 2016/1 - 2016/2 - 2017/1 - 2017/2
2018/1 - 2018/2 - 2019/1


Wikistats wird yygstellt[Quälltäxt bearbeite]

Di klassisch Wikipedia-Statischtik wird ändgiltig yygstellt. Dr Erik Zachte het die Statischtik urspringli as Wikipedianer entworfe un bedribe un isch derno zytwys au bi dr Wikimedia Foundation doderfir aagstellt gsii. Wun er vor e baar Johr wäggange isch vu dr WMF, het er verchindet, ass er irgedwänn ufhert mit däne Statischtike. Mit dr letschte Rächnig fir Dezämber 2018 cheme si jetz zum Änd. E Noofolger git s mit Wikimedia Statistics v2, wu aber laider nit alles ibernuu het vum Erik Zachte. --Holder (Diskussion) 06:56, 3. Feb. 2019 (MEZ)

AdminConvention 2019[Quälltäxt bearbeite]

Apfelwein Geripptes Bembel.jpg

Z Frankfurt am Main findet vum 12. bis 14 April im Hotel Monopol di sibt AdminConvention statt. Ab sofort lauft di offiziäll Aamäldig, no bis zum 13. Merz. S git 60 Blätz, wu no Yygang vu dr Aanmäldige vergee wäre. Wänn si mee Lyt aamälde, git s e Nochrucklischt. Uf däre Syte cha mer no bis Ändi Merz Themewinsch- un aagebot yydrage. --Holder (Diskussion) 07:05, 13. Feb. 2019 (MEZ)

300 Jahre Fürstentum Liechtenstein 2019[Quälltäxt bearbeite]

S Firschtedum Liechteschtai fyrt desjohr s 300-jehrig Johr-Jubliäum. Us däm Aaloss git s am Pfingschtwuchenänd (Frydig, 7.– Mendig, 10. Juni 2019) e Dräffe vum WikiProjäkt Alpeforum z Schaan-Vaduz. Uf däre Syte cha mer si aamälde. --Holder (Diskussion) 09:08, 15. Feb. 2019 (MEZ)

P.S.: Wie wär s, wämer desjohr Liechteschtai zum Schrybwettbewärbs-Thema mache? --Holder (Diskussion) 09:08, 15. Feb. 2019 (MEZ)
Ja, vo mier us scho. Übrigens: Zum Programm vom Wuchenänd, wo zurzyt no nid ganz fertig definiärt isch, ghöört au e Bsuech im Walsermuseum Triesebärg und Sprachufnahme i de Liechtesteiner Dialäkt. Gruess vom Initiant und Mitorganisator --Pakeha (Diskussion) 10:48, 20. Feb. 2019 (MEZ)
Ab jetzt isch s detaillierte Programm online. --Pakeha (Diskussion) 19:31, 5. Mär. 2019 (MEZ)

HLS[Quälltäxt bearbeite]

S HLS het chürzlech d Beta-Version vom Lexikon ufgschaltet, mit Bilder und aktualisierten Artikel und no meh, wie men i sim Newsletter 1/2019 gseht. Frogt sech, wie me do mit däm nöie Agebot söll umgoo. --Ark001 (Diskussion) 14:20, 18. Feb. 2019 (MEZ)

Es git übrigens jetz au s HBLS online, wome drin Sache cha finde, wo s HLS nid ufgnoo het. --Ark001 (Diskussion) 16:22, 18. Feb. 2019 (MEZ)
I würd no keini Links uf Artiggl i dr Beta-Version setze, well sich d'Adrässe beta.hls-dhs-dss.ch sicher no änderet sobalds halt kei Beta me isch. Gestumblindi (Diskussion) 02:12, 21. Mär. 2019 (MEZ)

Elsassische Ortsnamen[Quälltäxt bearbeite]

Mr kennd doch en dr frWP d elsässische Ordsnama aidraga. ? Gruß AVS - Beidräg zom Portal:Schwoba 08:43, 20. Feb. 2019 (MEZ)

Jo mach rueig, sottsch aber villicht vorhär no luege, eb d fr:wp Regle fir sonigs het. --Holder (Diskussion) 10:21, 20. Feb. 2019 (MEZ)
Nix gfonda. Oifach probierd (Quatzenheim. AVS - Beidräg zom Portal:Schwoba 14:12, 20. Feb. 2019 (MEZ)

Tomi Ungerer[Quälltäxt bearbeite]

Der Artikel über de Tomi Ungerer hört ja zmitzt drin uuf. Falls öpper Luscht hät, dëë fërtig z schrybe, wëër das schöön … --Freiguet (Diskussion) 08:27, 12. Mär. 2019 (MEZ)

Webzine vu Carola „source d'initiatives“[Quälltäxt bearbeite]

Fer s Friehjohr fer unseri Schproch màcht d Wàsser-Firma Carola Werbung fer d Àlemànnischa Wikipedia: www.sourcedinitiatives.fr/Articles/Wikipedienne-alsacienne-00447.html (uf facebook: www.facebook.com/sourcecarola/)

Ìch hà mìt em Autor àm Telefon gredt, àwer d Gschìcht vum Ààfàng hàt'r nìt gànz rìchtig verstànda. Ìch hoff àss dr Stephele sìch nìt dràà steert... blinzel  's ìsch trotzdam a güeta Werbung. --MireilleLibmann (Diskussion) 21:43, 14. Mär. 2019 (MEZ)

Des isch nit nume ne Wärbig fir l’alemannische Wikipédia, nai, au fir la wikipédienne alsacienne blinzel . Super! --Holder (Diskussion) 22:14, 14. Mär. 2019 (MEZ)
Schön! :-)  --Freiguet (Diskussion) 07:52, 15. Mär. 2019 (MEZ)
Ja, ich finds super, dass d Schwaelmele-Prysträger nid vergässse wärdid. D Foti isch vo mier, aber leider ohni Erwähnig vom Urheber. Und als Initiant müessti eigetlich de Alexis Dufrenoy erwähnt wärde. --Pakeha (Diskussion) 10:27, 15. Mär. 2019 (MEZ)
Ja, 's stìmmt. Ìch hà-n-ìhm dàs àlles àm Telefon expliziart, d Lizanz vum Bìld un dr Grìnder wo leider nìt witterscht gmàcht hàt. Leider ìsch's noochhar doch ànderscht üssa kumma. Un 's ìsch zitter em 01.03.2019 aso online... Àwer ìch kàà-n-ìhm doch noch a Email schìcka, vìllìcht wìrd'r dàs noch korrigiara. --MireilleLibmann (Diskussion) 12:58, 15. Mär. 2019 (MEZ)
Isch jetz alles korrigiert! --Holder (Diskussion) 08:05, 22. Mär. 2019 (MEZ)

Het di geschtrig Abschaltig vo de dütsche Wikipedia Folge für ois gha?[Quälltäxt bearbeite]

Grad han ich d Abruefstatistik vo de Hauptsite aaglueged. Mir hend geschter en zimliche Usrisser nach obe gha. Ich vermuete, dass einigi Lüt, wo schuscht bi de dütsche Wikipedia glueged hetted, bi ois glanded sind 😉 --Badener (Diskussion) 07:17, 22. Mär. 2019 (MEZ)

Stimmt! D dewiki cha rueig ab un zue als emol abgstellt wäre. --Holder (Diskussion) 08:04, 22. Mär. 2019 (MEZ)
Da chan aber o e Tail vo de Taktik gsii sii d Sperrig uf de tütsche WP umzgoo. I ha för da selber üsi WP e paarmool missbruucht. De Trick: Uf die „Letschte Änderige“ goo und denn dai uf s tütschi Interwiki drucke, denn die Sitte isch nöd schwarz woore. Hett mer da gschafft, isch mer schomol dine gsii ond nöme schwer gsii, anderi Filterli ono umzgoo (i ha verschidnigi Weg gfunde d Hindertörli uufzbreche). Hett mer ermöglicht uf de tütsche WP umezfingerle, bis i denn im Oobe e no besseri Löösig gfunde ha.
@Holder: Hesch Du för s Abschaalte gstumme: 1) Demit mer bi üs profitieret, 2) Well Du di tütsch WP ev. nöd magsch, 3) Us politische Öberzüügig? Kai Angst, i chan as Straikbrecher dodemit lebe, äh, i main, Straikbrecher lebid jo grad vo komische Aktione blinzel . --al-Qamar (Diskussion) 09:20, 22. Mär. 2019 (MEZ)
Der Beschluß isch blos vo a baar (~ 160) Leid bschlossa worra. Ond do hend se au blos a baar Schbezi mid Ping drzua aufgfodrd. Aazoigd hend se s erschd, wo d Zeid fir s Abschdemma vorbei war. D fr WP hod ned midgmachd. AVS - Beidräg zom Portal:Schwoba 13:04, 22. Mär. 2019 (MEZ)
Insgsamt hän 215 Lyt mitgmacht bi sällere Abstimmig. Des isch e guete durschnittlige Wärt fir e Abstimmig uf dr dewiki, im Ibrige isch die au iberall bekannt gee wore, wu iber sonigs normalerwys brichtet wird (MB-Syte, Autore-Portal, Kurier). S ainzig isch, ass d Abstimmig mit aire Wuche e weng churz gsii isch, aber des isch halt doodraa gläge, ass s EU-Barlemänt Druck s Verfahre schnäller het welle mache.
@al-Qamar: Ich haa do us bolitischer Iberzygig derfir gstimmt. Ass Lyt derno zue uns cheme, dodermit haan i nit gräächnet um im Ibrige haan i au di dytsch(sproochig) Wikipedia gäärn.
--Holder (Diskussion) 13:50, 22. Mär. 2019 (MEZ)
Die wichtegi politischi Froog isch dank dere ungwönleche Akzion au i de Schwiizer Meedie prominänt behandlet worde. – Und bi dr französische Wikipedia wird no intensiv diskutiert, wie me dört wott reagiere.--Ark001 (Diskussion) 14:01, 22. Mär. 2019 (MEZ)
Under Umständ het die "Abschaltig" o för üüs chöne negativi Folge haa, as nämli bi gwössne User o üsi Sitte schwarz dargstellt wore sind! I waiss vo Lütt, wo hend wöle uf die englischi WP uuswiiche und si hend denn schwarzi Sitte mitem tütsche Protesttegscht öberchoo und hend dai o nünt chöne mache.
Die "Abschaltig" nämmli isch numen e Öberschriibig vo de Siite gsii (womer drum hett chöne umgoo). Da haisst, gescht sind ali Sittene miteme politische Tegscht ufeme schwarze Hindergrund öberschribe wore. Debii hetses verschidnig Situatioone ggee. Nödagmeldeti User/Leser hend wenn si uf die Tütschi (und Dänisch, Tschechisch und Slowakischi) Wikipedia gggange sind, e schwarzi Sitte öberchoo usser si hend vomene mobiile Gräät us d Wikipedia agluegt, die hend nämmli gär nünt gmerkt. Mer isch drom o scho gest mittag uufgfalle, ass fast all Biarbaitige vo mobile Gräät us choo sind!
De technischi Lapsus aber isch de gsii: Het sich näbert mit sim WP-Konto agmolde, so sind bi emm alli Sitte uf allne Wikipedie, (englisch, französisch oder ebe o alemannisch) öberschribe wore, wenn er as Oberflächesprooch tütsch (oder "da", "cs", "sk") gwäält hett. Drum hett mer chöne as agmuldne User d Öberschriibig chöne umgoo, wemmer en anderi Oberflächesprooch (aso "en" oder "fr" z.B.) gwäält hett! Da isch natüürli i minenen Augen e painliche Feeller. Zom Glück hani do as Oberflächesprooch "als" und uf de englische "en" gwäält, so as nume die tütschi WP igschwärzt woren isch. Gsetzt de Fall, i hätti do as Oberflächesprooch "de" ghaa (wa natürli painlich wääre), hätti de Vandalismus vo gest nöd chöne rückgägnig mache! Da sött me velicht emole a de verantwortlich Techniker under d Nase schriibe.
Wa s Mainigsbild agoot, so isch ärgerlich, as en Abstimig i de Regle zwoo Wuche duuret, die aber nume ai. Zodem - da isch mini Mainig - sööt mer bi ase wichtige Entschaid ali stimmberechtigte User bsundrigs druf hiiwiise. Grüüsig isch aber as die user wo sich nochene bischwert hend zom Tail echt grüüsig abegmacht wore sind und grad as populistischi Dummchöpf, Wuetbürger und Bubi lächerlich gmacht wore sind. Aber da ghört natürli nöd do ane, da isch en Aglegehait vo de tütsche WP. --al-Qamar (Diskussion) 16:18, 22. Mär. 2019 (MEZ)
Ych bi au vom Händi nu uf schwarze Syte choo, al-Qamar. Und ych finde, s Yschwërzen isch e gueti Sach gsy. Wäiss äigetli nööd, wurum d di eso uufregsch. En Gruez us Wien, —Freiguet (Diskussion) 07:58, 23. Mär. 2019 (MEZ)
Da mit de mobile Gräät hend s im Nomitaag gänderet, woses gmerkt hend. Si hend o im Verlauf vom Taag offesichtlich no anderi noiji Filter iibaut, wells gmerkt hend, as gwössi Lütt trotzdem no wittermachid. S hett übrigens recht wenig Vandalisme ggee, und die sind maist im Stiil vom Alegge vomene noie Bnutzerkonto gsii mit Näme wie "Wann schaltet ihr endlich die Wikipedia ganz ab?" oder so. Und da mitem Ufrege isch ase: I ha mini Mainig chundtue, dast ales, ghört zomene gsunde politische Disput und isch en Uusdruck vo freie Mainigsüüserig (wie au de AVS dune). I ha niemert apfurret nume well er för e Sperrig gsii isch, umgikert hend vili "schlechti Siiger" wüest umepfurret gege die, wo de Mainig sind, as s Mainigsbild e Farce gsii isch. Uf de tütsch WP gits aifach zvill Lütt wo nume Stritt suechid. --al-Qamar (Diskussion) 09:13, 23. Mär. 2019 (MEZ)
Des isch e guete durschnittlige Wärt fir e Abstimmig uf dr dewiki, im Ibrige isch die au iberall bekannt gee wore, wu iber sonigs normalerwys brichtet wird . Jedr Kääs griagd a Banner (z.B. Geldeisammla, Convention), mo älle seha kennad. Abr do drbei hod ma – se hen scho gwissd morom – hod s blos fir dia Seida groichd, mo en Haufa – jo ned blos, abr bsondrs – dia Gschafdlhubr schdondalang ibr a baar Schoofböbbl schdreidad. Drbei isch des mendeschdens so wichdig wia a Convention odr so. AVS - Beidräg zom Portal:Schwoba 08:15, 23. Mär. 2019 (MEZ)