Heddesbach

Wappe	Dütschlandcharte
	49.4813888888898.8272222222222204
Basisdate
Bundesland:	Bade-Württebärg
Regierigsbezirk:	Charlsrue
Chreis:	Rhy-Necker-Chrais
Höchi:	204 m ü. NHN
Flächi:	8,21 km²
Iiwohner:	472 (31. Dez. 2024)
Bevölkerigsdichti:	57 Iiwohner je km²
Poschtleitzahl:	69434
Vorwahl:	06272
Kfz-Chennzeiche:	HD
Gmeischlüssel:	08 2 26 027
Adress vo dr Gmeiverwaltig:	Hauptstraße 2 69434 Heddesbach
Webpräsenz:	www.heddesbach.de
Burgermeischter:	Volker Reibold
Lag vo vo dr Gmei Heddesbach im Rhy-Necker-Chrais
Karte

Heddesbach (pfälzisch Heddesbach) isch e Gmai im Rhy-Necker-Chrais z Bade-Wirttebärg. D Gmai het 472 Iiwohner (Stand: 31. Dezember 2024). Si ghert zue dr Metropolregion Rhy-Necker.

Geografi

Heddesbach lyt im Ulfenbachdal im Odewald an dr Gränze zue Hesse. Dr Baan isch Dail vum Naturpark Neckerdal-Odewald. Dr Baan bstoht us 18,9 % Landwirtschaftsflechi, 75,5 % Wald, 5 % Sidligsflechi un 0,6 % sunschtiger Flechi.

Nochbergmaine vu Heddesbach sin Eberbach, Schönau un Heiligkreuzsteinach un di hessische Gmaine Wald-Michelbach un Hirschhorn

Gmaigliderig

Zue Heddesbach ghere kaini wytere Ortsdail.

Gschicht

Heddesbach isch zum erschte Mol gnännt wore anne 1314 as Hedelspach (1322 Heddesbach).

Im Ufdrag vum Hochstift Worms het dr Bligger III. vu Steinach vor 1200 d Harfenburg nordweschtli vum hitige Ort böue un het dodermit d Linie vu dr Herre vu Harfenberg grindet. Wu d Harfenberger no 1300 uusgstorbe sin, het d Kurpfalz d Burg zäme mit dr Ortsherrschaft gchauft. Anne 1314 isch d Burg mit em Ort an d Herre vu Hirschhorn verbfändet wore, anne 1388 sin si wider yyglest wore

Wu d Kurbfalz anne 1803 im Rame vum Rychsdeputationshauptschluss säkularisiert woren isch, isch Heddesbach an s Kurfirschtedum Bade chuu, ab 1806 an s Großherzogtum Bade.

Im Badische het Heddesbach ab 1807 zum Amt Heidelberg ghert, speter Bezirksamt Heidelberg, wu anne 1939 dr Landchrais Heidelberg drus woren isch. Im Rame vu dr bade-wirttebärgische Chraisreform isch 1973 dr Landchrais Heidelberg ufglest wore un Heddesbach isch zum neie Rhy-Necker-Chrais chuu.

Yywohnerentwicklig

Johr	1577	1727	1818	1852	1905	1939	1961	1965	1970	1991	1995	2005	2010	2015	2020
Yywohner	150	134	287	378	366	342	417	412	429	476	534	494	463	475	459

Verwaltig

Heddesbach het sich mit dr Stadt Schönau un dr Gmaine Heiligkreuzsteinach un Wilhelmsfeld zuen eme Gmaiverwaltigsverband mit Sitz z Schönau zämmegschlosse.

Burgermaischter vu Heddesbach

• 1985 bis 2012: Herwig Klein
• 2012 bis 2019: Hermann Roth
• syt 2019: Volker Reibold

Partnergmai

• Obernberg am Brenner, Eschtrych

Kultur un Böuwärch

• Evangelischi Peters-Chilche (Chordurm 13. Jh., Langhuus 18. Jh., Freske im Chor us em 15 Jh.)
• Schuel- un Rothuus (1904, Jugendstil, hite Gmaizäntrum)
• Harfenburg (12. Jh., nume no Räscht)

• 
  Heddesbach
• 
  Peters-Chilche
• 
  Harfenburg, Grabe

Dialäkt

Dr Dialäkt vu Heddesbach ghert zum Pfälzisch.

Literatur

• Staatl. Archivverwaltung Baden-Württemberg in Verbindung mit d. Städten u.d. Landkreisen Heidelberg u. Mannheim (Hg.): Die Stadt- und die Landkreise Heidelberg und Mannheim: Amtliche Kreisbeschreibung.
  • Bd. 1: Allgemeiner Teil. Karlsruhe 1966
  • Bd. 2: Die Stadt Heidelberg und die Gemeinden des Landkreises Heidelberg. Karlsruhe 1968

Weblink

 Commons: Heddesbach – Sammlig vo Multimediadateie

• Websyte vu Heddesbach
• Heddesbach uf LEO-BW