Epfenbach

Wappe	Dütschlandcharte
	49.3372222222228.9111111111111212
Basisdate
Bundesland:	Bade-Württebärg
Regierigsbezirk:	Charlsrue
Chreis:	Rhy-Necker-Chrais
Höchi:	212 m ü. NHN
Flächi:	13 km²
Iiwohner:	2448 (31. Dez. 2024)
Bevölkerigsdichti:	189 Iiwohner je km²
Poschtleitzahl:	74925
Vorwahl:	07263
Kfz-Chennzeiche:	HD
Gmeischlüssel:	08 2 26 017
Adress vo dr Gmeiverwaltig:	Hauptstraße 28 74925 Epfenbach
Webpräsenz:	www.epfenbach.de
Burgermeischter:	Pascal Wasow (SPD)
Lag vo vo dr Gmei Epfenbach im Rhy-Necker-Chrais
Karte

Epfenbach (sidfränkisch Epflbach) isch e Gmai im Rhy-Necker-Chrais z Bade-Wirttebärg. D Gmai het 2448 Iiwohner (Stand: 31. Dezember 2024). Si ghert zue dr Metropolregion Rhy-Necker.

Geografi

Epfenbach lyt am glychnamige Bach im nerdlige Kraichgau am Rand vum Chlaine Odewald un ghert zum Naturpark Neckerdal-Odewald. Dr Baan bstoht us 48,7 % Landwirtschaftsflechi, 37,5 % Wald, 12,8 % Sidligsflechi un 1 % sunschtiger Flechi.

Nochbergmaine vu Epfenbach sin Lobbach, Reichartshausen, Helmstadt-Bargen, Neidenstein, Eschelbronn un Spechbach.

Gmaigliderig

Zue Epfenbach ghere näb em glychnamige Dorf au no dr Wyler Keitenhöfe un dr Wohnblatz Wagenfurter Mühle.

Gschicht

Epfenbach isch zum erschte Mol gnännt wore anne 1286 as Epphinbach. Anne 1325 het s Erzbischtum Mainz d Ortsherrschaft gchauft, 1344 isch d Herrschaft an Ritter Engelhard vu Hirschhorn verpfändet wore. 1380 isch Epfenbach unter d Herrschaft vu dr Kurbfalz chuu un het dert zue dr Stüber Zent ghert. Wu d Kurbfalz anne 1803 im Rame vum Rychsdeputationshauptschluss säkularisiert woren isch, isch Epfenbach an s Kurfirschtedum Bade chuu, ab 1806 an s Großherzogtum Bade.

Ab 1810 isch s Dail vum Bezirksamt Neckarbischofsheim gsii un ab 1864 vum Bezirksamt Sinsheim. Anne 1939 isch us em Bezirksamt Sinsheim dr Landchrais Sinsheim wore. Im Rame vu dr bade-wirttebärgische Chraisreform isch 1973 dr Landchrais Sinsheim ufglest wore un Epfenbach isch zum neie Rhy-Necker-Chrais chuu.

Yyohnerentwicklig

Johr	1871	1890	1910	1939	1950	1961	1970	1987	1991	1995	2000	2005	2010	2015	2020
Yywohner	1146	1076	1214	1124	1723	1682	1931	2206	2264	2354	2374	2517	2504	2429	2400

Verwaltig

Epfenbach het sich mit dr Stedt Waibstadt un Neckarbischofsheim un dr Gmaine Helmstadt-Bargen, Neidenstein un Reichartshausen zuen eme Gmaiverwaltigsverband mit Sitz z Waibstadt zämmegschlosse.

Burgermaischter vu Epfenbach:

• 1991–2007: Meinhard Seel
• 2007–2023: Joachim Bösenecker
• syt 2023: Pascal Wasow

Kultur un Böuwärch

• Haimetmuseum im ehmolige Fronhof vum Chloschter Lobenfeld (1718)
• Evangelischi Chilche (1836)
• Alti Katholischi Chilche (1742, hite Atellier)
• Katholischi Johannes-Chilche (1962-1966)
• Alti Fachwärchhyser
• s Alt Schuelhuus (1910)
• s Alt katholisch Schuelhuus (1847)
• s Alt evangelisch Schuelhuus (1838)

• 
  s eltsch Wohnhuus, 16. Jh.
• 
  Ehmolige Fronhof
• 
  Evangelischi Chilche
• 
  Alti Katholischi Chilche
• 
  Katholischi Johannes-Chilche
• 
  s Alt Schuelhuus
• 
  Fachwärchhuus

Dialäkt

Dr Dialäkt vu Epfenbach ghert zum Sidfränkisch.

Literatur

• Gemeinde Epfenbach (Hrsg.): 700 Jahre Epfenbach 1286–1986. Ein Dorf zwischen Kraichgau und Odenwald. 1986.
• Emil Zapf: Epfenbach – Heimatbuch eines Dorfes. Epfenbach 1969
• Emil Zapf: Unsere Heimat und Sippe – Die Geschichte des Dorfes Epfenbach im Kraichgau und eines Teiles seiner Einwohner von 1600–1935. Heidelberg 1936
• Adolf M. Hirn, Gabriele Süskind (Red.), Jürgen Schütz (Hrsg.): Der Rhein-Neckar-Kreis. Stuttgart 1991, ISBN 3-8062-0597-3

Weblink

 Commons: Epfenbach – Sammlig vo Multimediadateie

• Websyte vu Epfenbach
• Haimetmuseum
• Epfenbach uf LEO-BW