SBB Ae 6/6
| SBB Ae 6/6 Ae 610 | |
|---|---|
 | |
| Nummerierig: | 11401–11520 Ae 610 401–Ae 610 520 |
| Azahl: | 120 |
| Hersteller: | SLM Winterthur, BBC Badè, MFO Züri |
| Baujohr: | 1952, 1955–1966 |
| Usmusterig: | ab 2002 |
| Achsformel: | Co'Co' |
| Längi über Puffer: | 18'400 mm |
| Höchi: | 4'500 mm |
| Breiti: | 2'970 mm |
| Dienstmasse: | 120 t |
| Höchstgschwindigkeit: | 125 km/h |
| Duuerleistig: | 4300 kW (5830 PS) |
| Afahrzugkraft: | 392 kN |
| Bauart vom Fahrstufenschalter: | N28i vo BBC mit Flachbaanwääler, Übberschaltwiderschtand un 3 Laschtschalter |
| Dialäkt: Glarnertüütsch |
D Ae 6/6 isch ursprünglich e Gotthardloggi, wu mer nüt nuch uf em ganze Netz vu dr Schwiizerische Bundesbaan vor Güeterzüüg aatrifft. D Ae 6/6 drait dè Bynamè D Königin vum Gotthard.
I dr Ziit nach em Zwäite Wältchriäg het d Isebaan e vill grössers Vercheersuufkomme z bewältige gchaa als früecher. Me het di tüppische Gotthardloggene zur Verfüegig gchaa wie zum Bischpil s Krokodil und ander Schtangeloggene. D SBB het es Pflichteheft für e nüüi schtarchi Loggi useggii, und s Konsorzium us Brown Boveri, der Schwiizerische Loggi- und Maschinefabrigg und der Maschinefabrigg Örlike het dr Zueschlaag gwunne. Drii Jaar – vom Nüünevierzgi bis zum Zweiefüfzgi – sind vergange, bis dr Prototyp fertig entwiggled gsii isch. Der het zwii Stromabnämer und zwii Drääigschtell mit je drii Achse gchaa. Laufachse het er keini überchuu.
Am 4. Septämber 1952 isch denn au d Brown Boveri z Münchäschtäi fertig wordä mit em eleggtrische Täil, und me hät dr Prototyp uf d Streggi gschiggt. Er isch 124 Tonne schwär gsii und het chänne mit 120 Stundekilometer fare. Im Driiefüfzgi isch denn dr zwäiti Prototyp erschine, und me het si im Regeldiänscht uf dr Gotthardschtreggi iigsetzt. Dänn sind aber gravierendi technischi Mängel vürechuu. Mängmal sind Faarmotore uusgschtige, und me het si müese vum Gotthard abzie. Im Flachland sind sie mängmaal mit füüf Faarmotore und me Balascht iigsetzt wordä. S ganz Syschtem händs müese wiiterentwiggle.
Lokdaufènè
[ändere | Quälltäxt bearbeite]Au d Extrafahrtè aalässlich vo dè Lokdaufènè ghöred zum Betrybsysatz vo dè Ae 6/6. Mo hèt èn Bruuch uss Ängland übbernõ, idèmm mo d Loggi mit Kantons- un Gemeindewappè gschmückt hèt. S sin feschtlichi Aaläss gsi, un jedè Kanton hèt «sini» eigni Ae 6/6 übberchõ. D Fahrzüüg 11426 bis 11520 hèn Gmeindswappè vo Kantonshauptört un vo wichtigè Vokeerszentrè chriègt.
.svg){kind=small}
.svg){kind=small}
.svg){kind=small}
Bedrybsysätz bis i d 1960er Johr
[ändere | Quälltäxt bearbeite]Vom 1955i bis is 1966i isch d Seriieprodukziuu ggange. Im Ganze sind 120 Ae-6/6-Loggene gmacht wordä. Iri grööschte Iisätz hends i de Füfzger- und Sächzgerjaar gchaa.
Bedrybsysätz vo dè 1970er Johr bis i d 1990er Johr
[ändere | Quälltäxt bearbeite]D Ae 6/6 isch abglööst wordä vu de Buuräihä Re 4/4 III und Re 6/6. Si sind aber nuch lang nüd wädzdängge gsii us em Vercheer vu dr Isebaan. Fascht überaal uf em Normaalschpurnetz vu dr Schwiiz het mer si chänne bruuche. Mit dr Umschtrukturierig vu dr SBB hends ali 120 Stuck dr Divisiuu Güetervercheer zueteilt, so dass si hüt nur nuch mit Güeterzüg fare dörfed. D Jaartuusigwändi hend nuch ali überschtande. Dänn sind aber di erschte Uusrangschierige chuu. Gad verschideni Loggene hends uusrangschiert und zum Teil abbroche. Di andere schtönd mäischtens uf Abschtellgläis vu groosse Güeterbaanhöf, oder si fared nuch mit Güeterzüg.
Literatur
[ändere | Quälltäxt bearbeite]- E. Meyer: Die Lokomotive Ae 6/6 für die Gotthardstrecke der Schweizerischen Bundesbahnen.
Schweizerische Bauzeitung, Band 71 (1953), Heft 6 (Teil 1) (retro.seals.ch, PDF 4.9 MB)
Schweizerische Bauzeitung, Band 71 (1953), Heft 7 (Teil 2) (retro.seals.ch, PDF 5.6 MB)
