Buggs SG

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
S SG im Lemma isch s offiziell Chürzel vom Kanton Sanggale und wird bruucht, zum Verwächslige mit Yträäg vom Name Buchs vermyde, wo öppis anders meined.
Buchs
Wappe vo Buchs
Basisdate
Staat: Schwiiz
Kanton: St. Galle (SG)
Wahlchrais: Werdebergw
BFS-Nr.: 3271i1f3f4
Poschtleitzahl: 9470
UN/LOCODE: CH BUC
Koordinate: 753749 / 22595447.1666689.466664448Koordinaten: 47° 10′ 0″ N, 9° 28′ 0″ O; CH1903: 753749 / 225954
Höchi: 448 m ü. M.
Flächi: 15.95 km²
Iiwohner: i12'414 (31. Dezämber 2015)[1]
Website: www.buchs-sg.ch
Buggs vom Schloss Werdebärg us gsäh

Buggs vom Schloss Werdebärg us gsäh

Charte
Seealpsee (Appenzeller Alpen)SämtiserseeFälenseeSchwendiseeVoralpseeChapfenseeWaleseeLiechtestaiÖschtriichKanton Appezäll InneroodeKanton GraubündeWahlchrais RhintelWahlchrais SarganserlandWahlchrais ToggeburgBuchs SGGams SGGrabsSennwaldSeavalaWartauCharte vo Buchs
Iber des Bild
w
di evangelisch Cherche
di katholisch Cherche
di Interstaatlich Hochschuel för Technik Buchs (NTB)

Buggs (amtlich Buchs) isch e politeschi Gmaind und sit es paar Johr e Stadt, wo zum Waalchrais Werdeberg im Kanton Sanggale i de Schwiz ghört.

Geografii[ändere | Quälltäxt bearbeite]

Buggs liit im Zäntrum vom obere Sanggaller Rhintl. De Rhii isch im Oste d Gmainds- und Staatsgränze zum Liechtasta. Dur e Stroosse- und e Ysebahnbrugg öber de Alperhii isch Buggs mit de Liachtastaaner Gmaind Schaa verbunde. De tüüfschti Punkt isch uf 441 m ü. M. und de höchschti Punkt isch uf em Glannachopf mit 2'232 m ü. M.

Zu Buggs ghöred d Ortstail Buggs, Altedorf, Räfis und Burgerau. D Nochbergmainde sind Grabs, Gams, Seevele und Sennwald, im Förschtatum Liachtaschta usserdem no d Gmainde Escha, Schaa und Vadoz.

Gschicht[ändere | Quälltäxt bearbeite]

S Dorf isch ane 765 im Testament vom Churer Bischof Tello s erschte Mol erwäänt worde. Im Mittelalter het de Ort zur Grofschaft Werdebärg ghört. 1526 isch vom Glarner Landvogt Jost Tschudi ou z Buggs d Reformazioon iigfüert worde. Ab 1798 hät d Gmaind innerhalb vo de Helvetische Republik zum Kanton Linth und 1803 schliesslech zum Kanton Sanggale ghört. Si isch bis Endi 2002 Bezirkshauptort vom ehmolige Bezirk Werdebärg gsi.

Im 1970gi isch z Buggs s Neu-Technikum Buchs (NTB) eröffnet wore. Träger vo däre Fachhochschuel sind d Kantön Sanggale und Graubünde und s Förstetum Liechtasta. Sit 1999 isch s NTB aini vo de vier Tailschuele vo de Fachhochschuele Ostschwiz FHO. D Schuel ghaisst sit dänn Interstaatliche Hochschule für Technik Buchs, d Abchörzig NTB isch aber blebe.

Vecheer[ändere | Quälltäxt bearbeite]

Im Johr 1858 hät Buggs en Bahof öbercho, will de Abschnitt RhineggChur vo de Rhiitallinie (Bahnstrecki Chur–Rorschach) eröffnet woren isch. Im Oktober vo 1872 isch de erst Zug öber de Rhii uf Schaan und witer bis uf Feldkirch gfahre. Wäge däm isch Buggs en Gränzbahof för de internazonal Persone- und Güetervecheer wore und de Rangierbahof hät möse rächt uusbaut wöre. Underdesse gits z Buggs no en witere Bahof, d Haltstell Räfis-Burgerau, wo zwösched Buggs und Seavala liit.

Buggs liit a de Hoptstrooss 13, wo vo Samagrethe ufe chunnt und em Rhii noo witer uf Sargans goht. Zuesätzlich gits d Hoptstrooss 16, wo vo Buggs öber Gams, Grabs und Wildhuus is Toggeburg und witer bis uf Wiil abe füert. Uf däre Strecki fahred Postauto vo Buggs bis Nesslau. Buggs hät sit de 1970er-Johr o en Autobahnaaschluss a de A13 (Samagrethe–Bellinzona).

Bevölkerig[ändere | Quälltäxt bearbeite]

Bevölkerigsentwicklig
Johr 1831 1850 1900 1950 1990 1992 1995
Iiwohner 1'781 2'015 3'851 5'204 9'788 10'001 10'214
Johr 2000 2005 2010 2014 2015 2016 2017
Iiwohner 10'399 10'547 11'242 12'048 12'414 12'531

Am 31. Dezember 1992 hät d Gmaind Buggs s erschtmol öber 10-tuusig Iiwohner gha und ischt sit do rain statistisch gseh a Stadt. Im 2014 hät da Gmaindroot bschlossa, as Buggs sich o as Stadt söll bezaichne und us em Gmaindroot en Stadtroot söll wäre. Uf de 1. Jänner 2015 isch dänn o s Logo aapasst wore.

Logo Gemeinde Buchs SG 2014.jpg Logo Stadt Buchs SG 2015.jpg
s Logo vo de Gmaind Buggs bis am Endi 2014
s Logo vo de Stadt Buggs sit aafangs 2015

Persönlichkaite[ändere | Quälltäxt bearbeite]

Weblink[ändere | Quälltäxt bearbeite]

 Commons: Buchs SG – Sammlig vo Multimediadateie

Fuessnote[ändere | Quälltäxt bearbeite]

  1. Statistik Schweiz – STAT-TAB: Ständige und Nichtständige Wohnbevölkerung nach Region, Geschlecht, Nationalität und Alter (Ständige Wohnbevölkerung)