Solothurn (Stadt)

BW

Wappe
Basisdate
Kanton:	Soledurn
Bezirk:	Solothurn
BFS-Nr.:	2601
PLZ:	4500
Koordinate:	47° 13' n. Br. 7° 32' ö. L.
Höchi:	430 m ü. M.
Flächi:	6.29 km²
Iwohner:	16.163 (31. Dezämber 2010) [1]
Website:	www.stadt-solothurn.ch
Karte
fwwww

Soledurn (dt. Solothurn, frz. Soleure, it. Soletta) isch d Houptstadt vom Kanton Soledurn, und isch e eigene Bezirk.

Soledurn bhauptet vo sich, es sig die schönschti Barockstadt vor Schwiiz. D Altstadt isch zwüsche 1530 und 1792 baut worde und isch wäge däm e Mischig vo Archtiektur-Stil us verschidene Ziite. Im Johr 2010 het Soledurn e chli meh as 16 duusig Iwohner gha.
Soledurn isch ar Aare und am Jurasüdfuess.

Sehenswürdigkeite z Soledurn si d Altstadt, dr Zitgloggedurm, d St.-Urse-Kathedrale und d Jesuitechile.
Ganz ir Nöchi vo Soledurn isch d Verenaschlucht mit dr Einsiedelei und s Schloss Waldegg. Dr Gipfel vum Husbärg Wisseschtei erreicht me am bequemschte mit dr Sässelbahn.

Gschicht

• ca. 14–37: Neu-Gründig vom wohl ehemols keltische Salodurum ir Ziit vom römische Kaiser Tiberius. Es isch e Marktfläcke im Bereich vom hütige Stalde bis ca. Juden-/Schaalgass. Um 300 muess wäge de Alemanne-Ifäll ä Befeschtigungs-Muur drum ume baut wärde. Überräschte dervo gits no z.B. uf em Friedhofplatz. Bi dr hütige St. Urse-Kathedrale schteit damals ä heidnische Tämpel.
• 932: Gründig vom geischtleche St.-Urse-Stift dür d' Burgunder-Königin Bertha
• ca. 1033: Soledurn isch zur Richsstadt worde
• 1218: Solothurn isch e freji Richsstadt, es cha jetz si Schultheiss säuber wähle. D Schtadt-Feschtig isch mittlerwile usbaut worde: Nach Norde und vor allem Oschte, aber au d' Vorschtadt isch entschtande. Dr hütig Zytglogge-Turm isch no ne simple Beobachtigs-Turm; si unter Teil isch aber s' öutischte no exischtierende Bauwärk vo dr Stadt.
• 1318 het d Schtadt-Befeschtigung anere Belagerig vom habsburgisch Herzog Leopold I. standghalte, und au d Gugler hei 1375 nume zwöi benachbarti Dörfer chönne brandschatze.
• 1481 isch Soledurn dr Eidgenosseschaft biträte. Ungfähr glichzitig isch dr Chrumm Turm im Weschte baut worde.
• 1523–1533: Reformations-Wirre, Soledurn blibt aber letschtlech katholisch. I die Zit fallt dr Bau vom Baseltor.
• 1530–1792 het die französischi Botschaft bir Eidgenosseschaft in Soledurn residiert. I die Zit vom adlige Ancien Régime fallt dr Bau vo de Schanze, wo hüt z.T. no exischtiere und vo de vile Schlössli und Landsitze i dr Stadt und Umgäbig; au vo dr St Urse-Kathedrale vo 1776.
• Um 1800 si bim Kapuziner-Chloschter zwe Linde pflanzt worde. Das si hüt zäme mit einige wenige Bäum uf de Schanze die öutischte Bäum i dr Schtadt.
• Dr gross Usbau und s Wachstum vo dr Stadt erfolgt nach dr liberale Revolution ab em 19. Johrhundert, mit dr Induschtrialisierig.

Soledurn und d 11

Soledurn het e spezielli Beziehig zur Zahl öuf: ir St.-Urse-Kathedrale hets öuf Altär und öuf Glogge, und zur Kathedrale ufe führt e Stääge mit 11 Stufe pro Abschnitt. E Soledurner Brauerei heisst Öufi-Bier.

Anderer sits gits o vili Mythä. Zum Bischspiü isch Soledurn nid dr öuft Kanton gsi, wo dr Altä Eidgenosseschaft biträtä isch, sondern dr zähti.

• 

  d St.Urse-Kathedrale

• 

  d Aarä

Netzgleicher (Weblinks)

• Offizielle Homepage der Stadt

Quälle