Aarau
| Wappe | |
|---|---|
 |
|
| Basisdate | |
| Kanton: | Aargau |
| Bezirk: | Aarau |
| BFS-Nr.: | 4001 |
| PLZ: | 5000 |
| Koordinate: | 47° 24' n. Br. 8° 3' ö. L. |
| Höchi: | 381 m ü. M. |
| Flächi: | 8.94 km² |
| Iwohner: | 19.652 (31. Dezämber 2010) [1] |
| Website: | www.aarau.ch |
| Karte | |
 |
|
| Dialäkt: Aargauerdüütsch |
Aarau esch d'Hauptschtadt vom Kanton Aargau.Wäret de Helvetik esch Aarau för es paar Mönet d'Hauptschtadt vo de Schwiiz gsi, de Tetel het si aber leider bald weder verlore. D'Schtadt liit ofemene Fels ade Aare, südlech vom Jura. D'Altschtadt esch sehr schön. Vor allem d'Gebel send berüemt, veli send konschtvoll bemolt. Em Schtadtbeld schtäche vor allem d'Schtadtchele, de Torm Rohre (Rothus), de Obertorm ond leider au s'AEW Hochhus is Aug. Es betzeli osserhalb vode Altschtadt liit s'Schlössli. Es esch öppe om 1200 pout woorde ond esch för d' Bewachig vode Aarebrogg gsii. Dor d'Altschtadt flüüsst de Schtadtbach. Früener het er d'Energii för Möline, Saagine ond anders Gwärb gleferet. Er esch aber scho sed Jorzäänte zueteckt. Vo de Bachschtroossmöndig aa bachufwärts esch er aber no offe. 1367 esch z'Aarau e Gloggegüüsserei pout woorde, wo's höt no get. Si heisst höt H. Rüetschi AG ond güüsst als einzigi e de Schwiiz no Cheleglogge. Vo 1904 bes 1981 het Aarau au e Glüeberefabrek ghaa.
[ändere] Feschtbrüüch z'Aarau
Di zwöi wechtigschte Fescht z'Aarau send de Mäjezoog ond de Bachfeschet. Mäjezoog heisst's wäge de Bluemeschtrüss (Mäje) wo d'Chend am Omzoog träged. Eimool em Joor het ame de Schtadtbach potzt wäärde müesse. Vorhär het me ne leergfeschet ond Füürli lo abeschwömme. Dezu het me gsonge:
Füürio, de Bach brönnt! D'Soorer händ ne aazöndt. D'Aarauer händ ne glösche. D'Chüttiger, d'Chüttiger riite of de Frösche!
[ändere] Schuele
Aarau het alli Schuele vo der Primaarschuel öber Sekondaarschuel ond Bezerksschuel bes zo de Gümnaasie. Es het en alti ond e nöji Kanti (Kantoonsschuel). Wiiter gets de o.a. au no es KV, en Bruefsschuel ond zwöi Ableger vo de FHNW (Pädagogik sowie Konscht ond Gschtaltig).
[ändere] Berüemti Lüüt vo Aarau
- Maximilian Oskar Bircher-Benner, de Erfender vom Birchermüesli
