Bellinzona

Wappe

Basisdate
Kanton:	Tessin
Bezirk:	Bellinzona
BFS-Nr.:	5002
PLZ:	6500
Koordinate:	46.199996 n. Br. 9.016659 ö. L.
Höchi:	227 m ü. M.
Flächi:	19.1 km²
Iwohner:	17.373 (31. Dezember 2010) [1]
Website:	www.bellinzona.ch
Piazza Collegiata
Karte
f w w

Bellinzona (lombardisch Belinzòna, dytsch veraltet Bellenz) isch e Stadt im Kanton Tessin in dr Schwyz. Si ghert zum Chrais (circolo) Bellinzona im Bezirk Bellinzona. Mit 17373 Yywohner (31. Dezämber 2010) isch si no Lugano di zwootgreescht Stadt im Kanton.

[ändere] Geografi

Bellinzona lyt in dr Dalebeni eschtlig vum Fluss Tessin am Fueß vum Gotthardmassiv in dr Nechi vu dr Gränze vum Sopraceneri (em nerdlige Tessin) un em Sottoceneri (em Sidtessin). Zue dr Gmai ghere au no d Fraktione Artore, Carasso, Daro un Ravecchia.

[ändere] Gschicht

Bellinzona isch zum erschte Mol gnännt wore anne 590 as Belitio oder Belintiona, derno as Berinzona, Beliciona, Birrinzona un 1168 Birizona, 1218 as Bilizone. Dr Ort isch strategisch wichtig gsii vor dr d Bäss St. Gotthard, Lukmanier un San Bernardino. D Stadt Como het Bellinzona anne 1242 an Mailand verchauft. No verschidene Bsitzwächsel isch s schließli im Johr 1503 vum franzesische Chenig Ludwig XII. im Verdrag vu Arona an Uri, Schwyz un Unterwalde chuu.

Anne 1907 sin di bishärige Gmaine Carasso, Daro un Ravecchia zue Bellinzona yygmaindet wore.

[ändere] Verwaltig

Dr Burgermaischter (Sindaco) vu Bellinzona isch dr Brenno Martignoni.

[ändere] Bevelkerigsentwicklig

Johr	1850	1860	1870	1880	1888	1900	1910	1920
Yywohner	3209	3462	3950	4038	5553	8255	10406	10232
Johr	1930	1941	1950	1960	1970	1980	1990	2000
Yywohner	10706	10948	12060	13435	16979	16743	16849	16463

[ändere] Dialekt

Dr lombardisch Dialäkt vu Bellinzona ghert zum Ticinese.

[ändere] Kultur

Piazza Blues Festival (syt 1989 alljohr im Juli mit rund 30'000 Zueschauer)
Rabadan, d Fasnet vu Bellinzona. No dr Tradition soll s d Fasnet z Bellinzona scho syter 1862, dr Uusdruck Rabadan (vum piemontesische Wort fir "Chrach") isch syter 1874 belait.

[ändere] Böuwärch

Drei Burge vu Bellinzona (syt 2000 UNESCO Wälterb): Burg Castel Grande (S. Michele), Burg Montebello (S. Martino, hite mit em Museo Civico), Burg Sasso Corbaro (S. Barbara)
d Stadtmuure (Murata)
Chilche SS. Pietro e Stefano (13. Jh., umböue im spote 14. un frieje 15. Jh. un wider 1733-64)
Chilche S. Maria delle Grazie (15. Jh.)
Chilche S. Maria del Ponte (14. Jh.)
Chilche S. Biagio, Ravecchia (romanisch, mit Freske us em 14. un 15. Jh.)
Chilche S. Sebastiano, Daro
Chilche S. Roco (14. Jh.)
Evangelisch-Reformierti Chilche
Teatro Sociale (1847)