Kanton Basel-Landschaft
Kanton Basel-Landschaft
|
|||
|---|---|---|---|
| Basisdate | |||
| Abchürzig: | BL | ||
| Sproche: | Deutsch | ||
| Hauptort: | Lieschtel | ||
| Flächi: | 518 km² (Rang 18) |
||
| Iwohner: | 275'536 (März 2011) (Rang 10) |
||
| Bevölkerigsdichti: | 532 Iw./km² (Rang 4) |
||
| Bitritt zue dr Eidgnosseschaft: | 1501 | ||
| Websyte: | www.BL.ch | ||
| Karte | |||
 |
|||
Dr Kanton Basel-Landschaft, in dr Umgangsschprooch Baselbiät, isch e Kanton in dr Schwyz. Er umfasst s dicht besidlete südliche Induschtriivorortgebiet im Bezirk Arlese, s weniger besiidlete obere Baselbiet mit de Bezirk Liäschtl, Sissach und Waldeburg und em Bezirk Laufe, wo 1994 vom Kanton Bärn zum Baselbiet gwächslet het. Es isch e stark induschtrialisiärts Buureland mit Milchwirtschaft und Obschtbau. D Industrii broduziert Textilie, Iise, Maschiine, Chemikalie, Elektronik, Don und Zemänt, im Jura wärde au Uhre härgschtellt. D Rhyhäfe Schwyzerhalle und Äu sy wichtig für en Import vo Flüssigdrybschtoff und Brennschtoff.
Inhaltsverzeichnis |
[ändere] Vrfassig
Nach dr Vrfassig (mit Änderige), wo am 1. 1. 1987 in Chraft drädde isch, litt d'Legislative bim Landroot (90 Abgeordneti, für vier Joor gwehlt; Schtimm- und Wahlrächt für Fraue syt 1968) und d'Exekutive bim Regierigsroot (5 Mitgleedr). D'Vrfassig wie au d'Gsetz könne numme dur e Volksabschtimmig rewidiert wärde.
[ändere] Schdedd und Ordschafde
- Fyr e kompletti Ufflischtig vo allne Gmeinde lueg under Gmeinde vom Baselbiet.
S Baselbied umfassd 86 Gmeinde in fünf Bezirg. Grösseri Stedt git s keini. Über 10'000 Yywooner hän und gälte dodrmit statistisch als Stadt (em Alphabet noch): Aesch, Allschwil, Binnige, Birsfälde, d'Kantonshauptstadt Lieschtel, Münchestai, Muttez, Oberwil, Brattele und Rynach, wo die gröschti Gmeind im Kanton isch.
All die Gmeinde befinde sich im Bezirk Arlise (usser Lieschtel und Brattele, beidi im Bezirk Lieschtel) und usser Lieschtel sins alles Gmeinde vo dr Agglomeration Basel. Dr Bezirk Arlise isch drumm au mit Abstand dr bevölkerigsriichscht Bezirk. Lieschtel bildet e eigni glaini Agglomeration, wo mit de unmittelbare Nochberort uff knapp 40'000 Yywooner kunnt. Usser Lieschtel sin aber alli gressere Ort kei historischi Stedt, sondern frieneri Derfer. Näbe Lieschtel hän au no Waldeburg und Laufe s'Stadträcht und sin friener Schtedt gsi, mit nume no guet 1'000 resp. 5'000 Ywooner sin die Ort hytte aber relativ glai.
[ändere] Bezirk
- Arlise - (145'586 Yywooner, Haupdort isch Arlise)
- Laufe - (18'190 Yywooner, Haupdort isch Laufe)
- Lieschtel - (55'954 Yywooner, Haupdort isch Lieschtel)
- Sissech - (32'248 Yywooner, Haupdort isch Sissech)
- Waldeburg - (15'560 Yywooner, Haupdort isch Waldeburg)
Zahle vo 2004
[ändere] Allmänd
Allmänd (Commons): Kanton Basel-Landschaft — Witeri Mulitimediadateie zum Artikel
[ändere] Weblink
- www.bl.ch - Offizielli Webside vom Kandon Basel-Landschaft
- www.baselland-tourismus.ch - Tourismus Side vom Baselbied
