Aare

Aare
D Aare z Bärn mit em Bärner Münster
Date
Laag	Schwiiz
Längi	288.24
Quelle	Oberaar- und Unteraargletscher im Grimselgebiet
Quellhechi	2310
Mündig	Bi Koblenz (CH) in Rhii
Mündigshechi	311
Yzugsgebiet	17620
Grossstedt	Bärn
Mittelstedt	Thun, Biel/Bienne
Gleistedt	Münsige, Solothurn, Olte, Aarau
Rächti Näbeflüss	Zulg, Emme, Önz, Murg, Pfaffneren, Wigger, Suhre, Bünz, Reuss, Limmat, Surb
Linggi Näbeflüss	Lütschine, Kander, Gürbe, Saane, Zihl, Dünnern
Schiffbar	Nidau - Solothurn

D Aare isch en Fluss wo vo ihrer Quelle im Grimselgebiet, dur de Kanton Bern, Solothurn und Aargau flüsst und denn bi Koblenz in Rhii mündet. Mit ere Längi vo 291 km isch si de längschti Fluss wo vor Quele bes zur Mündig ide Schwiiz isch.

Basisdate

• Längi = 291 km
• Gfäll = 1565 m
• Iizugsgebiet = 17'620 km²
• mittlere Abfluss 590 m³/s

Verlauf

Ursprung

D Aareschlucht

• Oberaar- und Unteraargletscher im Grimselgebiet
• Quelhöchi = 2'310 m ü. M. (Oberaargletscher)

Im Grimselgebiet entspringt d Aare em Ober- bzw. em Unteraargletscher wo ide Nöchi vo Guettanne liged. Churz drufabe muess si sich dur di tüüf igschnittni Aareschlucht be Meiringe kämpfe, womer au als Touristeattraktion chan goge aaluege. Be Brienz mündet si in Brienzersee wo si in Interlake weder verloht. Churz nachem Uusfluss mündet d Lütschine i si. Drufabe durchquert si de Thunersee wo au d Kander (mit Simme und Engstlige) driimündet.

Wiitere Verlauf

Z Thu flüsst d Aare dur es breits Tal nach Bern. In Belpmoos mündet d Gürbe und d Giesse zsämme id Aare. In Bern macht si en Boge um d Aldstadt (wo be Hochwasser au öppe mol chli nass wird) und e bitz witer une bildet drai Mäander d Engihalbinsle und nocher wird de Fluss im Wohlesee gstaut.

Nach der Iimündig vo de Saane bi Oltinge wird d Aare dur de Hagneck-Kanal in Bielersee umgleitet. Be Nidau werd si weder dur en Kanal, de Nidau-Büren-Kanal i ihres alte Flussbet zruggfüehrt. Di alti Flussschtrecki zwüsched Aarberg und Büre, di sogenannti "alti Aare" isch es grooses naturbelassnigs Gebiet. D Strecki vo Nidau isch di einzig Strecki vo de Aare wo, ussert de drüü See, mit em Schiff chan befahre werde. I dem Teil vo de Aare isch de Solothurner See gsi, de isch jedoch unterdesse verlandet und bildet en grossi Ebeni.

In Luterbach mündet d Emme id Aare. Di jetzt doch scho beträchtlich Wassermengi wo si füehrt macht si ideal zum s Wasserfahre trainiere, so durchflüsst si dertmänge bekannte Pontonierort wie Aarwange, Murgethal, Aarbig oder Brugg. Churz nach Brugg nimmt si d Rüüs und denn d Limmat uf, drum sait me d Gegend um Brugg au s Wasserschloss vor Schwiz.

Mündig

• Rhii bi Koblenz (CH)
• Mündigshöchi = 311 m ü. M.

Vo Brugg weg flüsst d Aare dur en Klus im Jura nach Norde wo si zwüsched Felsenau und Koblenz, vis-a-vis vo Waldshuet in Rhii mündet. Was no interessant isch, dass d Aare mit 590 m³/s eigentli de wasserricheri Fluss isch als de Rhii (439 m³/s).

Bildergalerie

• 

  D Aare bi Thun um 1900

• 

  D Aare bim Dählhölzli z Bärn

• 

  D Aare i de Stadt Bärn

• 

  D Brück über d Aare bi Arch

• 

  D Aare z Aarau

• 

  D Aare im Wasserschloss a de Mündig vo de Rüss

• 

  D Aaremündig bi Koblenz