Kanton Appenzell Ausserrhoden
Kantoo Appezäll Osserrhode
|
|||
|---|---|---|---|
| Basisdate | |||
| Hauptort: | Regierungssitz; Herisau Gerichts- und Polizeisitz; Troga |
||
| Flächi: | 243 km² (Rang 23) |
||
| Iwohner: | 52'800 (2004) (Rang 21) |
||
| Bevölkerigsdichti: | 217 Iw./km² (Rang 12) |
||
| Bitritt zue dr Eidgnosseschaft: | 1513 | ||
| Abchürzig: | AR | ||
| Sproche: | Dütsch | ||
| Websyte: | Kantoo Appezäll Osserrhode | ||
| Karte | |||
 |
|||
Appezäll Osserode isch än Halbkantoo i dä Oschtschwiz. Hoptort ischt hüt eigentli Herisau, wil döt s'Parlamänt taged und d'Regierig eren Sitz hät. Da ischt bis 1877 aber z'Troga gsy. Dä Sitz vom Gricht und dä Kantons-Polizei ischt hüt no z'Troga. D'Landsgmänd ischt bis si 1997 abgschafft worde ischt, abwäxligswys z'Troga und z'Hondwyl gsy. 1858 ischt da Kanton i drü Bezirk uuftält worda. Syt 1995 gits offiziell kei Bezirk me, aber d'Nämma vo däna Regione wärdid immer no prucht. Dia drüü ehemoliga Bezirk und hütiga Regiona send:
- Henderland (Gmeinde: Herisau (ehem. Bezirkshoptort), Hondwil, Schönegrond, Schwöllbronn, Stää AR, Urnäsch, Waldstatt)
- Mettelland (Gmeinde: Büäler, Gääs, Spycher, Tüüfe (ehem. Bezirkshoptort), Troga)
- Vorderland (Gmeinde: Gruab, Hääde (ehem. Bezirkshoptort), Lutzebärg, Rehtobel, Räüti, Wald AR, Walzenhuuse, Wolfhalde)
A Lischtä vo allne 20 Gmeinde mit wytere Aagoobe findet me onder Gmëënde vom Kantoo Appezäll Oosseroode.
Entstande isch de Kanton Osserhode bi de Landsteilig vom Kanton Appezäll im Johr 1597, wo sich die innere und össere Rhode us konfessionelle Gründ trennt hend. Sit do isch Appezell Osserrhode traditionell mehrheitlich reformiert und de Kanton Innerode katholisch.
De höchst Berg isch de Säntis mit 2502 m. ü. M., wo zum Bergmassiv Alpstei ghört. Uf em Gipfel tröffid sich dia beide Appezäller Halbkantön mit em Kanton Sangalla. Zu de bekannte Osseröödler ghört zum Bispyl de Titus Tobler.
D'Appezöller hönd wiä fascht älli Kantö ächli än speziölle Dialekt. Er ghört zum Ostschwizerische.
Während em letschte Johrhundert isch de Kanton allerdings schtarch in Verruef cho. Vor allem de Dialekt het sich dem vo St. Galle aagliche und isch demnoh keis Markezeiche meh. Z Osserrohde hend drum die meischte Gmeinde au e rückläufig Iiwohnerzahl, Usnahm isch Tüüfe, wo sit es paar Johre riichi Lüüt miteme niidrige Stüürsatz alockt.
[ändere] Lueg au
[ändere] Allmänd
Allmänd (Commons): Kantoo Appezäll — Witeri Mulitimediadateie zum Artikel
