Bürgerlich-Demokratische Partei

Basisdate

Gründigsdatum:

1. November 2008

Gründigsort:

Glarus

Präsidium:

Hans Grunder

Vizepräsidium:

Barbara Janom

Mitgliider im Bundesroot:

Eveline Widmer-Schlumpf

Mitgliider:

5'500^[1]
(Stand: 2009)

Nationalroot:

5 Sitz

Ständeroot:

1 Sitz

Kantonali Parlament:

65 Sitz (GR, BE, GL, AG)
(Stand: August 2010)

Kantonali Regierige:

4 Sitz (2xGR, BE, GL) ^[2]
(Stand: April 2010)

Parteigliiderig:

11 Kantonalparteie

Adresse:

Postfach 119
3000 Bern 6

Website:

www.bdp.info

Di Bürgerlich-Demokratischi Partei (BDP) isch e Partei, wo am 1. November 2008 i de Schwiiz gründet worden isch. Si isch us de drei kantonale Parteie vo Graubünde, Bärn un us em Glarnerland entschtande, wo mim gliiche Näme scho im Lauf vom Johr 2008 gründt worde sin.

Vorgschicht [ändere]

Nach de Wahl vo de Eveline Widmer-Schlumpf i de Bundesrot am 12. Dezänber 2007 het ihri damaligi Partei, d SVP welle, dass sie usgschlosse wird. S Recht uf de Usschluss von erem Parteimitgliid hät aber nach de Parteistatute numme e kantonali Sektion. D SVP Graubünde het sich aber gweigeret, d Eveline Widmer-Schlumpf uszschliesse und so het d SVP Schwiiz am 1. Juni 2008 die ganz Bündner Kantonalpartei usgschlosse^[3]. D Bündner hei uf en Rekurs verzichtet un de Name vo de Kantonalpartei zunächscht in Bürgerlichi Partei gändret. Obwohl de Entscheid, d Bündner us de SVP uszschliesse mit ere grosse Mehrheit gfallen isch, het de Usschluss in Bärn un Glarus zu Abspaltige vo de SVP gführt. Wil s aber scho e Partei mit em Name Bürgerpartei git, het me sich für de Name Bürgerlich-Demokratische Partei entschiide, wo denn au d'Bündner Partei aagnoh het.

Parteileitig [ändere]

De erscht Präsident vo de BDP isch de Bärner Nationalrot Hans Grunder. Vizepräsidentin isch di Bündner Regierigsrötin un Juschtizdirektorin Barbara Janom Steiner. Doderzu chunnt e dreiköpfigi Gschäftsleitig mit de Kantonalpräsident vo Bärn, Graubünde un Glaris, d Beatrice Simon, de Marcus Hasler un de Martin Landolt.