Eidgenossenschaft
Us der alemannische Wikipedia, der freie Dialäkt-Enzyklopedy
 |
Dä Artikel behandlet die Schwiizerischi Eidgenosseschaft. Für anderi Bedütige vom Begriff "Eidgenosseschaft" lueg do |
Eidgenosseschaft isch de offizielli Name für de Schwiizerischi Bundesstaat vo 1848. Er berueht uf de Ideeä vom 19. Jahrhundert über de Rütlischwur, luut em Bundesbrief en Eid, wo 1291 die drüü Urkantön gleischtet händ, mitem Inhalt, dass si sich gäge d Habsburger biischtaa händ welle und en eigeni Grichtsbarkeit underhalte.
Eidgenosse isch die konventionelli Übersetzig vom latinische Begriff conspiratores (eigentlich "Verschwörer") im Bundesbrief worde, und de Begriff Eidgenosseschaft wird speziell uf de alti Bund, vo 1353 bis 1501 "acht-ortig", und vo 1513 bis zum Iimarsch vo de Franzose 1798 13-ortig agwändet.
De offizielli Name Schweizerische Eidgenossenschaft isch nach 1848 ehner äs nostalgisches Relikt, und i de andere Bundes-Spraache heisst d'Schwiiz eifach "Schwiizerbund" (und uf Latiinisch, Confoederatio Helvetica "Helvetische Bund", au en ehner anachronistische Name, wo vor allem dur d'Romantik erchlärt isch). Eidgenoss als ä Bezeichnig für en Schwiizer wird dementsprächend au fascht nume no ironisch pruucht.
Übrigens chunnt s franzeesisch Wort Huguenot vo "Idgenoot/Idgenoos"(Eidgenoss), wo urschprünglich die franzeesische Proteschtante bezeichnet het (d Hugenotte).
[ändere] Lueg
