Kanton Schaffhausen
| Kanton Schafuuse | |
|---|---|
 |
|
| Basisdate | |
| Staat: | Schwiiz |
| Abchürzig: | SH |
| Amtssproche: | Dütsch |
| Hauptort: | Schafuuse |
| Flächi: | 298 km² (Rang 20) |
| Iwohner: | 77'936[1] (31. Dezämber 2012) (Rang 19) |
| Bevölkerigsdichti: | 262 Iw./km² (Rang 8) |
| Bitritt zue dr Eidgnosseschaft: |
1501 |
| Websyte: | www.SH.ch |
| Lag | |
 |
|
| Charte | |
 |
|
De Kanton Schafuuse isch de nördlichscht Kanton vode Schwiiz und gränzt mit öppe 150 Kilometer a Dütschland. Näbed Basel, Stei am Rhii und Eglisau isch Schafuuse di einzig Schwiizer Schtatt nördlich vom Rhii.
De Kanton Schafuuse beschtoht us drei Kantonsteil. De westlich Tail isch s Chleggi, wo Wii aabaut wird. S Schtettli Stei am Rhii mit de Gmeinde Ramse, Hemishofe und Buech rundume erreicht me nu über Düütschland oder über d Kantön Züri und Thurgau. Gnauso ischs mit de Gmeinde Rüedlinge und Buechberg.
Inhaltsverzeichnis |
[ändere] Dialäkt
De Schafuuser Dialäkt ghört zu de Gruppe vo de Ostschwiizer Dialäkt. Öppis im Schafuuser Dialäkt: «E Zaane voll Saapfe d Laatere durab schlaapfe …» was sovill heisst we e Zeine voll Seife d Leitere abe schleike. Leider nid grad än represäntative Satz, aber eine, wo wiit ume bekannt isch. De Satz isch im typische Chläggi-(Chlettgauer-)Dialekt. De Dialekt vo de Stedt, wo nöcher bi Züri sind, wie Schafuuse oder Neuhuuse, ähnled hüt em Zürcher Dialekt scho meh.
E paar typisch schafuusischi Usdrück:
- Dünne – i andäre Dialäkt Wääie oder Flade
- Meietrindli – än Meiechäfer (älei für das Wort gits no über 30 wiiteri Bezeichnige im Kanton Schafuuse)
[ändere] Gmeinde im Kanton Schafuuse
De Kanton Schafuuse umfasst 27 politischi Gmeinde (Iiwoner Stand 30. Juni 2008; Flächi):
|
Baarge (250; 827 ha) Begginge (530; 1258 ha) Beringe (3'373; 1419 ha) Buech (300; 380 ha) Buechberg (807; 604 ha) Büttehardt (350; 400 ha) Döörflinge (788; 582 ha) Gäächlinge (790; 713 ha) Guntmadinge (245; 449 ha) Hallau (2'021; 1532 ha) Hemishofe (411; 788 ha) Looh (646; 487 ha) Löhninge (1'156; 683 ha) Merishuuse (710; 1757 ha) |
Neuhuuse am Rhiifall (10'090; 798 ha) Nüüchirch (1'828; 1791 ha) Oberhallau (426; 604 ha) Ramse (1'317; 1350 ha) Rüedlinge (646; 549 ha) Schafuuse (34'048; 3100 ha) Schlaate (1'692; 2163 ha) Siblinge (790; 942 ha) Staa am Rhii (3'197; 606 ha) Stette (1'065; 473 ha) Thäynge (4'160; 1192 ha) Traadinge (589; 414 ha) Wilchinge (1'689; 2110 ha) |
- 1947 isch d Gmeind Buechthale id Stadt Schafuuse igmeindet wore.
- 1964 isch d Gmeind Herblinge id Stadt Schafuuse igmeindet wore.
- 2004 händ d Gmeinde Baarze und Thäynge fusioniert.
- 2005 händ d Gmeinde Osterfinge und Wilchinge fusioniert.
- 2009 wird d Gmeind Hämmedal a d Stadt Schafuuse aaglideret.
- 2009 händ au Gmeinde Aaltdorf, Bibere, Hofe und Opfertshofe mit Thäynge funsioniert.
[ändere] Referänze
- ↑ Zahlen und Fakten – Schaffhausen in Zahlen, Kanton Schaffhausen.
[ändere] Weblink
Allmänd (Commons): Kanton Schaffhausen – Sammlig vo witere Multimediadateie
.svg)
