Bad Säckingen
| Wappe | Dütschlandcharte | |
|---|---|---|
 |
|
|
| Basisdate | ||
| Dialekt: | Alemannisch | |
| Hauptvariante: | Hochalemannisch | |
| Regionalvariante: | Hotzewälderisch | |
| Verbreitig: | ? | |
| Bundesland: | Baden-Württemberg | |
| Regierigsbezirk: | Friburg | |
| Landkreis: | Waldshuet | |
| Höchi: | 291 m ü. NN | |
| Flächi: | 25,3 km² | |
| Iiwohner: |
16.694 (31. Dez. 2011)[1] |
|
| Bevölkerigsdichti: | 659 Iiwohner je km² | |
| Poschtleitzahle: | 79701–79713 | |
| Vorwahlen: | 07761/07763 | |
| Kfz-Chennzeiche: | WT | |
| Gmeischlüssel|Gmeischlüssel: | 08 3 37 096 | |
| Adress vo dr Stadtverwaltig: |
Rathausplatz 1 79713 Bad Säckingen |
|
| Webpräsenz: | ||
| Burgermeischter: | Martin Weissbrodt | |
| Lag vo dr Stadt Bad Säckinge im Waldshuet | ||
 |
||
Bad Säckinge isch e Kuurstadt im Landchreis Waldshuet in Bade-Württebärg (Ditschland) am Hochrhy, ungfähr 40 km flussufwärts vo Basel glege.
Inhaltsverzeichnis |
Geografi [ändere]
Bad Säckinge litt am Rhy, wo d'Gränze zu de Schwiz darstellt. Es isch am südlige Rand vom Hotzewald, wo de südlig Usläufer vom Schwarzwald isch.
Ortschafte in dr Umgebig [ändere]
- Nochi Umgebig (<15 km): Wallbach, Währ, Murg am Hochrhy, Laufeburg, Stein AG, Rhyfälde AG, Badisch-Rhyfälde, Rickebach, Harpolinge
- Witeri Umgebig (>15 km): Waldshuet-Tienge, Schopfe, Lörrach, Basel, Brugg AG, Aarau, Züri, Schaffhuuse, Sankt Bläsi, Todtmoos, Friburg im Brisgau, Görwihl, Herrischried
Stadtglyderig [ändere]
D'Stadt bstoht uss de ehemolige Gmeinde Harpolige, Rippolige, Säckinge und Wallbach; si sin emol selbständig gsi. Zu de ehemolige Gmeind Harpolige ghöre s glychnamig Dorf, d'Höf Lochmiehli und Rüttehof und d'Hüser Holdmatt. Zu de ehemolige Gmeind Rippolige ghöre s glychnamig Dorf, s Ghöft Flüet und d'Hüser Santihof. Zu de ehemolige Stadt Säckinge ghöre di glychnamigi Stadt, de Stadtdeil Obersäckige und d'Hüser Am Bergsee. Zu de ehemolig Gmeind Wallbach ghört numme s glychnamig Dorf.
Gschicht [ändere]
Vom Wort här gältet Säckige als Gründig vom Alamann Secco. De Name isch aber wohrschints durch d'Ydütschig vo me römische Name entstande.
Im latynische Tekscht vo de Fridolinsvita (970) wird Säckige als Secanis und Seconis gnännt; e urkundligi Erwähnig als Seconia git's uss em Johr 1207.
Seconis isch e Ortskasus vo Seconia, wo sich vo Sequaniacum (= de Sequana ihr Heiligdum) ableitet. Noch de Kälte ihrem Glaube hät sich d'Göttin vo de Quälle, Heilkunscht und Gsundheit in de sumpfige Ärde vo de Kochsalztherme vo Säckinge zeigt (seik = in Dropfe fließe; Sequana = Dochter vo de Quälle).
De Verfasser vo de Fridolinsvita hät sich an e Konzäpt ghalte, wo's wohrschints scho sit em 8. Johrhundert git und de voralamannisch Ortsname bevorzugt gha hät. S Stürkataster vo de Franke, wo am entstoh gsi isch, hät aber nit chönne uff Seckinga verzichte.
In de Dokumänt uss em 13. Johrhundert isch deno de keltorömisch Ortsname no mol verwändet worre: Sigillum Civium Seconiensium = Sygel vo de Bürger vo de Stadt Seconis ("bim Seconia-Tämpel"; 1275).
D'Stadt Säckinge isch um s Chloster mit em glyche Name entstande; säll isch vom heilige Fridolin gründet worre. D'Heiligevita vom Fridolin, wo allerdings als unsicheri Quälle ygschätzt wird, berichtet, dass s Chloster under em Schutz vom Franke-Chönig Chlodwig I. stoht. Dass es eso frieh entstande isch, zwyfelt mer aber mittlerwyli a; vylmeh nimmt mer a, dass es im 7. Johrhundert, also under em Chlodwig II. entstande isch. Es isch im 9. Johrhundert erstunlig noch zu de Karolinger gsi; sällemols sin dört e Dochter vom Ludwig em Dütsche, d'Berta, und d'Frau vom Karl III. gsi. Usserdem hät's e entfärnti Verbindig zum Ottone-Gschlächt gee. Im 10. Johrhundert isch d'Reglind, d'Großmüeter vo de Adelheid vo Burgund, Äbtissin vom Chloster gsi. Noch de Zerstörige vo me Großdeil vo de Stadt (yschließlig d'Stifts-Chirch) vo me Brand hät mer um 1300 s gotisch Fridolinsmünschter agfange baue.
Bevor mer de rächt Arm vom Rhy 1830 züegschüttet hät, isch d'Stadt uff re Rhyinsle gläge und mit Brucke mit de Umgebig verbunde gsi. Hütt git's zwei Brucke vo de dütsche Site uff d'Schwizer Site (Stei): d'Holzbruck isch mit 203,7 Meter di längsti deckti Holzbruck vo Europa. D'St.-Fridolins-Bruck für de Chraftfahrzügverchehr isch sit em Johr 1979 befahrbar. Uff säller Bruck stoht e Fridolinsstatur vom Schwizer Bildhauer Rolf Brem.
D'Wasserchraft wird z Bad Säckinge mit me Flusschraftwärk im Rhy, wo 1966 ygweiht worre isch, intensiv gnutzt; usserdem git's e Bumpspeicherchraftwärk, wo i-n-re Kavärne mit me Speicherbäcke z Egg ygrichtet und 1967 ygweiht worre isch.
1973 isch de Landchreis Säckinge (SÄK) uffglöst; sither ghört d'Stadt zum Landchreis Waldshüet.
S "Bad" isch Bad Säckinge 1978 verlihe worre.
1997 sin z Bad Säckinge und in sinem Nochberort Wehr d'Heimetdäg Bade-Württebärg gsi.
Durch de europawit Wättbewärb Entente Florale isch Bad Säckinge am 19. Septämber 2003 als eini vo de fümf schönste Städt uszeichnet worre. Di internationali Jury hät säll vor allem mit de Lag am Rhy, de Parkalage (z.B. de Schlosspark), de restaurierte Gebäude, de renaturierte Wasserläuf und de Revitalisierig vom Bergseeufer begründet.
Öffetlichi Irichtige [ändere]
- Kinder- un Jugendhus
Bildigsirichtige [ändere]
- Scheffel-Gymnasium
- Gwerbschuel
- Kaufmännischi Schuel
- Hüswirtschaftlichi Schuel
- Hindenburgschuel
- Weihermatteschuel
- Grundschuel Wallbach
- Grundschuel Obersäckinge
- Josef-Anton-Sickingen Grundschuel
- Hauptschuel Hans Thoma
- Werner-Kirchhofer-Realschuel
Politik [ändere]
Gemeinderootswahl 2004:
- CDU: 10 Sitz;
- SPD: 6 Sitz;
- Freie Wähler: 5 Sitz
- Bündnis 90 / Di Griene: 4 Sitz;
- FDP: 3 Sitz
G'meidroot [ändere]
|
|||||||||||||||||||||
|
|||||||||||||||||||||
|
|
|||||||||||||||||||||
Walter Leirer [ändere]
Dr Walter Leirer isch Gmeidroot in Segginge gsi. Bore isch er 1912 z'Todtnau; gstorbe anno 2000 z'Segginge.
Persönlichkeite [ändere]
- St. Fridolin, Gründer vom Chloster Säckinge
- Wolfgang Burger
- Thomas Körner, Comiczeichner
- Joseph Victor von Scheffel, Verfasser des Trompeter von Säckingen
- Dr. Rudolf Eberle, CDU Wirtschaftsminister, gest. 17.Nov.1984
Städtpartnerschafte [ändere]
- Sanary-sur-Mer, Frankrich (1973)
- Purkersdorf, Öschtrich (1973)
- Nagai, Japan (1983)
- Santeramo, Italie (1983)
- Näfels, Schwiz (1988)
Weblink [ändere]
- Offizielle Internetsyte vo dr Schtadt
- Bad Säckingen: Internetsyte mit Gschichtle un Bilderle vo dr Schtadt
- Ortsteil Wallbach
Fueßnote [ändere]
