Wallbach (Baden-Württemberg)

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Vorlage:Infobox Gemeinde in Deutschland/Adresse fehlt

Wallbach
(Wallbach)
Wappe Charte
Wappe vum Ortsdeil Wallbach
Markierung
Dütschlandcharte, Position vu Wallbach hervorghobe
Dialekt: Alemannisch
Hauptvariante: Hochalemannisch
Regionalvariante: Hotzewälderisch
Lokalvariante: {{{DIALOC}}}
Verbreitig: {{{DIAACT}}}
politischer Status
Ortsdeil vo Bad Säckige
igmeindet sit em 1. Abril 1972
Basisdate
Staat: Dütschland
Bundesland: Bade-Württeberg
Regierigsbezirk: Fryburg
Chreis: Waldshüet
Gmei: Bad Säckige
Geographischi Lag: 47° 35′ N, 7° 55′ O
Höchi: 290 m ü. NN
Iwohner: 1500 [1]
Boschtleitzahl: 79713
Vorwahl: 07761
Nummereschild: WT
Ortsdeilgliderig: keini Ortsdeil oder Wyler
Dialäkt: Markgräflerisch (Lörrach)

Wallbach isch e ehemoligi Gmeind im Landchreis Waldshüet und hütt e Ortsdeil vo Bad Säckige.

De Ortsdeil litt öbbe drei Kilometer nordwestlig vo Bad Säckige uff 290 Meter über em Meerspiegel am Rhy und an de Gränze zu Wallbach AG, Schwiz.

Di erschte Sydler sin vom benochberte Wallbach im Kanton Aargau cho; sälli hän de nydrig Rhy lycht chönne überquere. Sit 1256 hät s Chloster vo Klingeberg z Basel wie au s Chloschter Säckige Zinsrächt und Gieter z Wallbach gha. Di erschti urkundligi Erwähnig goht uff s Johr 1283 zruck; „Walabuck“ hät de Habsburger ghört, nochdem d'Grafschaft Wehr an sälli übergange isch. Nochdem de Rudolf von Schönau im Johr 1350 d'Burg Schwörstedt und dodemit au Wallbach chauft gha hät, sin sini Nochfahre fümf Johrhundert lang Bsitzer gsi und hän di nyderi Grichtbarkeit usgiebt. Noch de Schönauer Erbdeilig (1628) hät de Ort mit Öflige e Vogtei bildet.

Friehner isch in de Landwirtschaft hauptsächlig Ackerbau bedrybe worre. Durch d'Nöchi zum Rhy hän aber au d'Schifffahrt und d'Fischerei e wichtigi Rolle gspylt. Vo de Mitglyder vo de Rhygnosseschaft hän d'Lüt vo Wallbach e wesentlige Adeil usgmacht; sälli Gnosseschaft hät bis 1911 elei s Fischerrächt uff em Rhy gha.

1972 isch Wallbach in d'Stadt Bad Säckige ygmeindet worre und isch sither de gröscht Ortsdeil.

Im Summer findet jedes Johr s Wallbacher Dorffest statt. An säller Verastaltig chönne d'Bsüecher, wo au uss em Usland chömme, sich uff vyli verschydeni Arte underhalte lo und d'Landschaft oder d'Chuchi vo de Region gnieße.

E witeri Bsunderheit vo Wallbach isch s Müllmuseum. De Erich Thomann, wo uff de Müllhalde z Wallbach gschafft gha hät, hät während zwanzig Johr diversi Abfäll uss de Müllhalde in siner Schüre gsammelt, wo sit 1991 als Müllmuseum bi freiem Ydritt cha bsüecht werre.

Quelle[ändere | Quälltäxt bearbeite]