Klettgau (Gemeinde)
| Chlettgau (Klettgau) |
||
|---|---|---|
| Wappe | Charte | |
 |
|
|
| Dialekt: Alemannisch | ||
| Hauptvariante | Hochalemannisch | |
| Basisdate | ||
| Staat: | Dütschland | |
| Bundesland: | Bade-Württeberg | |
| Regierigsbezirk: | Fryburg | |
| Chreis: | Waldshüet | |
| Geographischi Lag: | 47° 40′ N, 8° 25′ O | |
| Höchi: | 409 m ü. NN | |
| Flächi: | 45,87 km² | |
| Iwohner: | 7.420 (31. Dezember 2010) [1] | |
| Bevölcherigsdichti: | 162 Iwohner je km² | |
| Boschtleitzahl: | 79771 | |
| Vorwahl: | 07742 | |
| Nummereschild: | WT | |
| Gmeischlüssel: | 08337062 | |
| Adress vu dr Gmeiverwaltig: |
Degernauer Straße 22 79771 Chlettgau |
|
| Internetuftritt: | ||
| Burgemeischter: | Volker Jungmann (SPD) | |
| Lag vu dr Gmei Chlettgau im Landchreis Waldshüet | ||
|
||
| Dialäkt: Markgräflerisch (Lörrach) |
Chlettgau (Klettgau) isch e Gmeind im Landchreis Waldshüet, Bade-Württeberg.
Inhaltsverzeichnis |
[ändere] Geografischi Lag
D Gmeind Chlettgau litt im undere Chlettgaudal entlang de drei Bachläuf Klingegrabe, Schwarzbach und Seegrabe. S Gmeindegebiet litt zwüsche 390 und 670 Meter.
Chlettgau gränzt an d Schwizer Gmeinde Trasadinge und Wilchige im Kanton Schaffhuse, d Schwizer Gmeind Hüntwange im Kanton Züri und an di dütsche Gmeinde Öschige, Lauchrige, Küssaberg, Hochetenge am Hochrhy und Dettighofe.
[ändere] Gmeindeglyderig
D Gmeind Chlettgau bstoht uss de Ortsdeil Büehl, Erzige, Geißlige, Grieße, Rächberg, Riedere a.S. und Wiswyl (dütsch: Bühl, Erzingen, Geißlingen, Grießen, Rechberg, Riedern a.S., Weisweil). Di rümlige Gränze vo de Ortsdeil entspräche denne vo de friehnere Gmeinde mit de glyche Näme; offiziäll werre si noch de Name Chlettgau gstellt und mit me Bindestrich dodevo abtrännt. D Ortsdeil ßin noch de bade-württebergische Gmeindordnig au Wohnbezirk.
Zum Ortsdeil Büehl ghöre d Wyler Büehl, Mittelhof und Oberhof und d Höf Berchehof (Summerau) und Kaiser-(Keppele-)Hof. Zum Ortsdeil Erzige ghört s Dorf Erzige. Zum Ortsdeil Geißlige ghöre s Dorf Geißlige und s Ghöft Heideggerhof. Zum Ortsdeil Grieße ghöre s Dorf Grieße, de Wyler Reutehof und s Ghöft Bergschürhof und d Hüser Alte Mühle und Brand, Bahnstation Grieße und Zygelhütte. Zum Ortsdeil Rächberg ghöre d Dörfer Oberriedere und Underriedere. Zum Ortsdeil Wiswyl ghöre s Dorf Wiswyl und d Höf Burgstall(-hof) und Nägele(-feld-)hof.
Im Gmeindegebiet lyge sälli Wiestige und abgangene Burge: d Wiestig Hof Erwis (Ortsdeil Büehl), im Ortsdeil Erzige d Wiestige Harthuse, Schlatt, Stierehuse und nit mit Sicherheit im Ortsdeil Erzige Oberwiller; im Ortsdeil Grieße d Wiestig Münchige; im Ortsdeil Riedere a.S. d Burgruine Neukrenkige und nit mit Sicherheit dört d Wiestig Hüserhof; im Ortsdeil Wiswyl isch de Burgstall Wißeburg (Weißenburg).
[ändere] Gschicht
D Gmeind Chlettgau isch am 1. August 1971 wäge de bade-württebergische Gebietsreform uss de Ortschafte Erzinge, Grieße, Rechberg, Riedere am Sand und Wiswyl bildet worre. 1975 ßin Büehl und Gißlinge dezüecho. Si alli ßin vorher selbstänig gßi.
-
Wappe vo de ehemolige Gmeind Erzinge
-
Wappe vo de ehemolige Gmeind Grieße
-
Wappe vo de ehemolige Gmeind Rechberg
-
Wappe vo de ehemolige Gmeind Riedere am Sand
-
Wappe vo de ehemolige Gmeind Wiswyl
-
Wappe vo de ehemolige Gmeind Büehl
-
Wappe vo de ehemolige Gmeind Gißlinge
[ändere] Bolitik
|
||||||||||||||||||
|
||||||||||||||||||
|
|
||||||||||||||||||
Am 9. Novämber 2008 isch de Volker Jungmann (SPD) mit 98,22 Brozänt vo de Stimme in sinem Amt bstätigt worre. Er isch de einzig Bewerber gßi, d Wahlbedeiligung isch aber bi 48,95% gläge.
[ändere] Partnerschafte
Chlettgau underhaltet sit 1976 partnerschaftligi Beziehige zu de Gmeind Clisson in de Nöchi vo Nantes z Frankrych. Sit em Summer 2006 git's usserdëm e Partnerschaft mit em idaliänische Sanza südlig vo Neapel.
[ändere] Wirtschaft und Infrastruktur
De Adeil vom Produktionsgwerbe litt bi 67 Brozänt; de Handel, s Gastgwerbe und de Verchehr hän 18 und di sunschtige Dienschtleistige 15 Brozänt. D Markttradition z Grieße goht uff s Mittelalter zruck und hütt finde jedes Johr sechs Krämermärkt statt. In de Gmeind wird in de Ortsdeil Erzige und Rächberg Wybrau betrybe. De Räbeabau isch usserdëm in de Ortsdeil Büehl und Riedere am Sand bekannt. Sit 2002 findet jedes Johr im Friehlig e Wymäss statt, wo vo de Gmeindeverwaltig organisiert wird.
[ändere] Verchehr
Chlettgau litt an de Bundesstroß 34 (Basel - Singe (Hohetwiel)). De Ortsdeil Erzige hät e Bahnhof mit IRE- und RB-Halt mit me große Parkblatz. An de Werchdäg verchehre d Züg do stündlig. De Bahnhof im Ortsdeil Grieße wird sporadish bedient, vor allem für de Schielerverchehr. Di beide Bahnhöf lyge an de Hochrhybhn Basel - Singe (- Ulm/Chonstanz).
[ändere] Bildig
'S hät zwei Grundschüele in de Ortsdeil Erzige und Grieße und e Hauptschüel mit Werkrealschüel z Erzige. Höcheri Schüele stönn under anderem in de Chreisstadt Waldshüet-Dienge, Bad Säckinge und z Singe a. H. zur Verfiegig. Dezüe chunnt d Mögligkeit, e Schwizer Fachschüel oder Universität z bsüeche.
[ändere] Verein
In de Gmeind hät's über 100 Verein. Si deile sich i Fastnachts-, Fraue-, Musik-, Gsang- und Sportverein uff. De gröscht Verein isch de Durnverein Erzige mit über 800 Mitglyder.
[ändere] Zum Läse
- Waisch es no? - Klettgau-wie es früher einmal war; ISBN:978-3892640141; Geiger Verlag (1986) 154 Site; vo Johannes Meier un Hubert Roth (waret beidi mol de Präsi vo Chlettgau)
- So isch es gsii! Das Leben im Klettgau; ISBN:3-89570-691-4; Geiger Verlag (2000) 307 Site; vo Hubert Roth
[ändere] Weblink
Allmänd (Commons): Klettgau (Gemeinde) — Witeri Mulitimediadateie zum Artikel
| Dä Artikel basiert uff ere fräie Übbersetzig vum Artikel „Klettgau_(Gemeinde)“ vu de dütsche Wikipedia.
E Liste vu de Autore un Versione isch do z finde. |
