Obersäckingen
| Obersäckige (Obersäckingen) |
||
|---|---|---|
| Wappe | Charte | |
 Hilfe zue Wappe |
|
|
| Dialekt: Alemannisch | ||
| Hauptvariante: | Hochalemannisch | |
| Regionalvariante: | Hotzewälderisch | |
| Lokalvariante: | {{{DIALOC}}} | |
| Verbreitig: | {{{DIAACT}}} | |
| politischer Status | ||
| Ortsdeil vo Bad Säckige | ||
| igmeindet sit 1935 | ||
| Basisdate | ||
| Staat: | Dütschland | |
| Bundesland: | Bade-Württeberg | |
| Regierigsbezirk: | Fryburg | |
| Chreis: | Waldshüet | |
| Gmei: | Bad Säckige | |
| Geographischi Lag: | 47° 34′ N, 7° 58′ O | |
| Höchi: | 290 m ü. NN | |
| Iwohner: | … [1] | |
| Boschtleitzahl: | 79713 | |
| Vorwahl: | 07761 | |
| Nummereschild: | WT | |
| Ortsdeilgliderig: | keini Ortsdeil oder Wyler | |
| Topographi | ||
|
|
||
| Luftbild | ||
|
|
||
Obersäckige isch e ehemoligi Gmeind im Landchreis Waldshüet und sit 1935 e Ortsdeil vo de Stadt Bad Säckige. Es hät ca. 2000 Ywohner.
De Ortsdeil gränzt im Oste diräkt an de Ortskärn a und litt uff 290 Meter über em Meerspiegel.
Obersäckige isch dütlig älter wie de benochbert Ortskärn vo Säckige. Sini Lag in de Rhyebeni hät scho in de Stei- und Bronzezit Mänsche Sydligsruum botte und spöter hän sich d'Alemanne dört nyderglo.
De Bau vo-n-re Chirch z Obersäckige durch de Chonschtanzer Bischof Ulrich II. im Johr 1135[1] isch schriftlig nochgwyse. D'Grichtbarkeit hän d'Grafe vo Habsburg usgiebt, bis sich im 14. Johrhundert s Hus Schönau-Wehr als Herrscher hät chönne behaupte. 1628 isch d'Ortschaft an s Hus Schönau-Oeschge gfalle, wo in de Stadt asässig gßi isch. Sälli Züeghörigkeit, wo bis zum Ussterbe vom Hus Schönau-Oeschge im 19. Johrhundert durt hät, wird im Wappe durch zwei Ring under re Danne vermittelt.
Im 19. Johrhundert hät d'Industry an Bedütig gwunne; vo sällemols 64 Hushalt ßin numme no 11 landwirtschaftlig gßi. D'Ywohnerzahl vo de Stadt isch schnäll agstyge. Im glyche Johrhundert, nämlig 1863, isch noch me afänglige Konflikt mit de Bezirksbürokrate vo Bade di alti Chirch uss em 12. Johrhundert bis uff de Chor vo 1490 abgrisse worre. Di jetzigi Chirch isch s Werk vom Heinrich Hübsch und gältet als eini vo de beste Chirche am Hochrhy uss em 19. Johrhundert.
Wyl Obersäckige immer meh mit em benochberte Säckige zämmegwachse isch und di beide Ort au vyli wirtschaftligi Beziehige mitenand gha hän, hät mer's 1935 uff Säckige ygmeindet. Es isch dodemit de ältst Ortsdeil vo Säckige.
