Häusern

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Wappe Dütschlandcharte
Wappe vo dr Gmei Hüsere
Häusern
Dütschladcharte, Position vo dr Gmei Hüsere fürighobe
47.7538888888898.1694444444444889Koordinaten: 47° 45′ N, 8° 10′ O
Basisdate
Dialekt: Alemannisch
Hauptvariante: Hochalemannisch
Regionalvariante: Hotzewälderisch
Bundesland: Bade-Württebärg
Regierigsbezirk: Fryburg
Landkreis: Waldshüet
Höchi: 889 m ü. NHN
Flächi: 8,88 km²
Iiwohner:

1239 (31. Dez. 2012)[1]

Bevölkerigsdichti: 140 Iiwohner je km²
Poschtleitzahl: 79837
Vorwahl: 07672
Kfz-Chennzeiche: WT
Gmeischlüssel: 08 3 37 045
Adress vo dr
Gmeiverwaltig:
St.-Fridolin-Straße 5
79837 Hüsere
Webpräsenz: www.haeusern.de
Burgermeischter: Thomas Kaiser
Lag vo dr Gmei Hüsere im Waldshüet
Charte
Dialäkt: Markgräflerisch

Hüsere, hochdütsch Häusern, isch e Gmeind im Landchreis Waldshüet, Bade-Württeberg. Si ghört im Gmeindeverwaltigsverband St. Blasie a.

Lag[ändere | Quälltäxt bearbeite]

Hüsere, als Luftkurort staatlig aerkännt, litt im südlige Hochschwarzwald, sechs Kilometer südlig vom Schluchsee, uff 700 bis 1113 Meter Höchi uff me Höcherucke zwüsche de Däler vo de Alb und de Schwarza.

D Gmeind gränzt im Norde und Oste an d Gmeind Schluchsee (FR), im Süde an Höcheschwand und im Weste an St. Blasie.

Gmeindeglyderig[ändere | Quälltäxt bearbeite]

Zu de Gmeind Hüsere ghöre s Dorf Hüsere und de Wyler Schwarzabruck. Im Gmeindegebiet litt d Wiestig Wittlisbärg.

Gschicht[ändere | Quälltäxt bearbeite]

Keimzälle vo Hüsere isch e großer Maierhof uff em Gießbacher Chopf gsi (1087 Meter über NHN), wo im Johr 1087 zum erschte Mol urkundlig erwähnt worre isch. Mit de Zit sin am Füeß vom Bärg no meh Höf dezüecho, wo deno s Dorf Hüsere bildet hän. Vo Afang a hät e ängi Verbindig zum Chloster St. Blasie bstande, wo jo numme güet drei Kilometer entfernt gsi isch. Mit de Säkularisierig vom Chloster (1806) isch d Gmeind zum Großherzogtum Bade cho.

Wirtschaft und Infrastruktur[ändere | Quälltäxt bearbeite]

D Gmeind isch friehner landwirtschaftlig prägt gsi, hüt läbt si vor allem vo de lokale Industry wie im örtlige Schluchseewerch, private Handwerchsbetrieb oder de Firma Schmidt z St. Blasie; de Tourismus hät in de letschte Johr immer meh an Bedütig verlore. De letscht "Boom" hät Hüsere am Afang vo de 90er-Johr erläbt, wyl sällemols vyli Lüt uss de ehemolige DDR noch de Wändi de Schwarzwald bsüecht hän und Hüsere und sini nöcheri Umgebig als relativ schneesicher golte hät.

In de Gmarchig lyge au de Stausee Schwarzabruck und s Bump-Speicherchraftwerch Hüsere, wo s Wasser vom Schluchsee sini Arbet in de Turbine verrichtet. Beidi sin Deil vom Bumpspeicher-Netzwerch vo de Schluchseewerche-AG.

Verchehr[ändere | Quälltäxt bearbeite]

Hüsere litt an de Bundesstroß 500 zwüsche Titisee-Neustadt und de Chreisstadt Waldshüet-Dienge. E Landesstroß fiehrt uff St. Blasie und anderi Chreisstroße verbinde s Dorf mit de Nochberört.

Gmeinderot[ändere | Quälltäxt bearbeite]

Zämmesetzig vum Gmeinderot
Partäi Wahle vu 2009 Wahle vu 2004
CDU 3 Sitz 3 Sitz
Wehlervereinigunge 7 Sitz 7 Sitz
Gsamt 10 Sitz 10 Sitz
Quälle: Statisdischs Landesamt vu Bade-Württebärg

Fueßnote[ändere | Quälltäxt bearbeite]

  1. Statistisches Bundesamt – Gemeinden in Deutschland mit Bevölkerung am 31.12.2012 (XLS-Datei; 4,0 MB) (Einwohnerzahlen auf Grundlage des Zensus 2011)

Weblink[ändere | Quälltäxt bearbeite]

 Allmänd (Commons): Häusern – Sammlig vo witere Multimediadateie