Regierigsbezirk Friburg

Us der alemannische Wikipedia, der freie Dialäkt-Enzyklopedy
Wappe Karte
Lag vum Regierigsbezirk Friburg in Dytschland
Basisdate
Bundesland: Bade-Württeberg
Verwaltigssitz: Friburg im Brisgau
Flächi: 9.347 km²
Iwohner: 2.185.027 (31. Dezember 2004)
Bevölchrigsdichti: 234 Iwohner je km²
Bezirksgliderig: 1 Stadtchreis un
9 Landchreise mit
insgsamt 294 Gmeinde
Regierigspräsidium
Regierigspräsident: Julian Würtenberger
Adress vu de
Bezirksregierig:
Bissierstraße 7
79114 Freiburg
Website: www.rp.baden-wuerttemberg.de
eMail-Adress: poststelle@rpf.bwl.de
Charte
Lag vum Regierigsbezirk Friburg in Bade-Württeberg
Dialäkt: Markgräflerisch (Ebringe)

Dr Regierigsbezirk Friburg isch ein vu vier Regierigsbezirke im Bundesland Bade-Württeberg (Dytschland). Er stoht in dr Hierarchi zwische dr Landchreise einersits un dr Landesregierig andrersits.

Geographi[ändere | Quälltäxt bearbeite]

Dr Regierigsbezirk Friburg lit im Südweschte vu Bade-Württeberg un het bis 31. Dezember 1972 Regierigsbezirk Südbade gheisse. Allerdings het er domols noch e andere Zueschnitt gha. Im Süde grenzt er an d'Schwyz, im Weschte an s'Elsiss (Frankriich), im Norde an dr Regierigsbezirk Charlsrueh un im Oschte an dr Regierigsbezirk Tübinge. In sinere hütige Usdähnig got er uf d'Verwaltigs- und Biitsreform vu anno 1973 zruck.

Gschichte[ändere | Quälltäxt bearbeite]

Dr Regierigsbezirk Friburg bestoht sit dr Bildig vum Südweschtstaat Bade-Württeberg anno 1952. Si Behörde, s Regierigspräsidium, isch sit sällem Zittpunkt fier s Biit vum ehemolige Bundesland Bade (Hauptstadt Friburg) zueständig gsi, wo nochem Zweite Weltchrieg us dr französische Besatzigszone hervorgange isch. Dr Verwaltigsbezirk het doher zuenächscht Regierigsbezirk Südbade gheisse.

Bi dr Biitsreform, wo zum 1. Jänner 1973 in Kraft trätte isch, sin Biite um Rastatt un Bade-Bade (an dr Regierigsbezirk Charlsrueh) un Messchilche sowie Yberlinge (an dr Regierigsbezirk Tübinge) abträtte worre. Dodefir isch dr Zueständigkeitsberiich vum Regierigspräsidium Friburg ums Biit vu dr Landchreise Rottwil un Duttlinge usdähnt worre. Wil d'Behörde sither au fier ehemols württebergische Biite zueständig isch, het mer dr Namme sinerzitt in Regierigsbezirk Friburg gänderet.

Organisation[ändere | Quälltäxt bearbeite]

Oberschti Behörde isch s Regierigspräsidium mit Sitz im Basler Hof z Friburg im Brisgau. Chef vum Regierigspräsidium isch dr Regierigspräsident, wo als politischer Beamter vum Ministerpräsident ernennt wird.

D Regierigspräsidente (sit 1952):

Ufgabe vum Regierigspräsidium[ändere | Quälltäxt bearbeite]

S Regierigspräsidium isch fier d Umsetzig vu dr gsetzliche Ufgabe un landespolitische Zile im Regierigsbezirk verantwortlich. Zue dr Ufgabe zelle insbesundere:

Verwaltigsgliderig[ändere | Quälltäxt bearbeite]

D'Regione mit ihrene Stadt- und Landchreise:

Region Hochrhi-Bodesee
KN - Landchreis Konstanz
LÖ - Landchreis Lörrch
WT - Landchreis Waldshuet
Region Südlicher Oberrhi
FR - Stadtchreis Friburg im Brisgau
FR - Landchreis Brisgau-Hochschwarzwald
EM - Landchreis Emmedinge
OG - Ortenauchreis
Region Schwarzwald-Baar-Haiberg
RW - Landchreis Rottwil
VS - Schwarzwald-Baar-Chreis
TUT - Landchreis Duttlinge.

Die 19 Grosse Chreisstädt (understehn in dr Fachufsicht vum Regierigspräsidium):

  1. Achere
  2. Doneeschinge
  3. Emmedinge
  4. Kehl
  5. Konstanz
  6. Lohr
  7. Lörrch
  8. Oberkilche, sit 1. Jänner 2004
  9. Offeburg
  10. Radolfzell am Bodesee
  11. Rhifelde (Bade)
  12. Rottwil
  13. Schramberg
  14. Singe (Hohetwil
  15. Duttlinge
  16. Villinge-Schwennige
  17. Waldkilche
  18. Waldshuet-Tinge
  19. Wil am Rhi



Dä Artikel basiert uff ere fräie Übersetzig vum Artikel „Regierungsbezirk_Freiburg“ vu de dütsche Wikipedia. E Liste vu de Autore un Versione isch do z finde.