Dachsberg (Südschwarzwald)

Dachsberg (Dachsberg)
Wappe	Charte
Dialekt: Alemannisch
Hauptvariante	Hochalemannisch
Regionalvariante	Hotzewälderisch
Basisdate
Staat:	Dütschland
Bundesland:	Bade-Württeberg
Regierigsbezirk:	Fryburg
Chreis:	Waldshüet
Geographischi Lag:	47° 44′ N, 8° 6′ O
Höchi:	842 m ü. NN
Flächi:	35,6 km²
Iwohner:	1.403 (31. Dezember 2010) [1]
Bevölcherigsdichti:	39 Iwohner je km²
Boschtleitzahl:	79875
Vorwahle:	07672, 07755
Nummereschild:	WT
Gmeischlüssel:	08337027
Adress vu dr Gmeiverwaltig:	Wittenschwand 82 79875 Dachsberg
Internetuftritt:	www.dachsberg.de
Burgemeischter:	Helmut Kaiser
Lag vu dr Gmei Dachsberg im Landchreis Waldshüet

Dialäkt: Markgräflerisch (Lörrach)

Dachsberg (Südschwarzwald) isch e Gmeind im Landchreis Waldshüet z Bade-Württeberg.

Geografy

Dachsberg isch als Erholigsort staatlig aerkännt und litt im Hotzewald im Südschwarzwald uff de Westsite vom Albdal in 543 bis 1105 Meter Höchi. D Dachsberglandschaft isch durch Hochebene kennzeichnet, wo verschyde groß ßin und in Richtig Süde wie-n-e Terrasse abgstuft ßin. Di meiste Ortsdeil lyge uff sonige Hochebene. E Usnahm bildet de Ortsdeil Oberkutterau, wo im Albdal litt und vo Dachsberg mit em Audo numme über d Stroße vom Nochberort St. Blasie erreichbar isch.

63 Prozänt vo de Gmeindeflächi bstönn uss Wald.

D Gmeind gränzt im Norde und Oste an d Stadt Stl Blasie, im Süde an Albbruck, im Südweste an Görwihl und im Nordweste an Ybach.

Glyderig

D Gmeind Dachsberg isch 1971 uss de Gmeinde Urberg, Witteschwand, Wolpadinge und Wilfinge und sälle ihre vyle Ortsdeil gschaffe worre. De Namme Dachsberg chunnt vo me Gebietsnamme, wo s scho johrhundertlang vorher ge hät.

	Urberg mit Schmaleberg, Rüttewys, Oberbildstei, Schwand, Oberkutterau, Urbergersäge und Höll
	Witteschwand mit Horbach, Laithe, Arnoldsloch und Rucheschwand
	Wolpadinge mit Hierholz, Fröhnd, Finschterlinge und Ennerschbach
	Wilfinge mit Happinge, Vogelbach und Hierbach

Gschicht

D Besydlig vom Gmeindegebiet isch im 11. Johrhundert vom Chloster St. Blasie usgange. Di vyle chleine Orte und Wyler ßin meistens uss Einzelghöft füregange, wo vo Laiebrieder vom Chloster bewirtschaftet worre ßin. D Dörfer hän über Johrzähnt zum Chloster St. Blasie und dodemit züe Vorderöstrych ghört. 1806 ßin si zum neue Großherzogtum Bade cho.

Politik

D Gmeind Dachsberg ghört zum Gmeindeverwaltigsverband St. Blasie. De Sitz vo de Gmeindeverwaltigsverband isch im Ortsdeil Witteschwand.

Gmeinderot

Zämmesetzig vum Gmeinderot Partäi Wahle vu 2009 Wahle vu 2004 CDU 8 Sitz 9 Sitz Wehlervereinigunge 5 Sitz 3 Sitz

Gsamt 13 Sitz 12 Sitz

Quälle: Statisdischs Landesamt vu Bade-Württebärg

Wirtschaft

D Landwirtschaft hät kei großi Rolle meh, 2003 hät s no sybe Haupterwerbsbetrieb und 88 Näbeerwerbslandwirt ge. D Mehrheit vo de Arbetnehmer verdient ihr Läbensunderhalt usserhalb vo de Gmeind. Mehreri qualifizierti Handwerchsbetrieb (Schryner, Eläktriker, Murer, Zimmerer, Sanitärtechnik, KFZ-Meisterbetrieg, Metallbearbeitig und anderi) und Dienschtleister (Stürberoter, Rächtsawalt, Architäkte, Planigsbüro für Gebäudesüstemtechnik, Fuhrundernähmer, ...) stelle in de Gmeind öbbe 70 Arbetsplätz. Denäbe git s de Tourismus, wo im witste Sinn yschließlig Gastronomy 30 Arbetsplätz bietet. Z Dachsberg git s jöhrlig rund 60'000 Übernachtige, dodevo ßin 35'000 die vo Touriste. S stönn öbbe 570 Gastbette zur Verfiegig. 25'000 Übernachtige gönn uff Dauercamper uff em Campingplatz, Zweitwohnsitz, de Jugendzältplatz, betriebligi oder chirchligi Erholigs- und Seminarhüser und Familiebsüecher zruck. Dachsberg isch e Mitglyd in de Tourismus-Marketing-GmbH "St. BlasierLand". Säll isch e Kooperation vo de Kur- und Ferieort St. Blasie, Höcheschwand, Hüsere, Dachsbeerg, Wylheim und Ybach.

Weblink

 Allmänd (Commons): Dachsberg (Südschwarzwald) — Witeri Mulitimediadateie zum Artikel

• www.dachsberg.de - Internetufftritt

Dä Artikel basiert uff ere fräie Übbersetzig vum Artikel „Dachsberg_(Südschwarzwald)“ vu de dütsche Wikipedia. E Liste vu de Autore un Versione isch do z finde.