Wutöschingen

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Wappe Dütschlandcharte
Wappe vo dr Gmei Öschige
Wutöschingen
Dütschladcharte, Position vo dr Gmei Öschige fürighobe
47.6636111111118.3688888888889393Koordinaten: 47° 40′ N, 8° 22′ O
Basisdate
Bundesland: Bade-Württebärg
Regierigsbezirk: Fryburg
Landkreis: Waldshüet
Höchi: 393 m ü. NHN
Flächi: 26,5 km²
Iiwohner:

6456 (31. Dez. 2012)[1]

Bevölkerigsdichti: 244 Iiwohner je km²
Poschtleitzahl: 79793
Vorwahl: 07746
Kfz-Chennzeiche: WT
Gmeischlüssel: 08 3 37 123
Adress vo dr
Gmeiverwaltig:
Kirchstraße 5
79793 Öschige
Webpräsenz: www.wutoeschingen.de
Burgermeischter: Georg Eble
Lag vo dr Gmei Öschige im Waldshüet
Charte
Dialäkt: Markgräflerisch (Lörrach)

Öschige (dt. Wutöschingen) isch e Gmeind im Landchreis Waldshüet.

Geografy[ändere | Quälltäxt bearbeite]

Lag[ändere | Quälltäxt bearbeite]

Öschige litt am südöstlige Rand vom Schwarzwald zwüsche 365 und 583 Meter über em Meer. D'Chreisstadt Waldshüet-Düenge isch numme e baar Kilometer devo eweg. Im Oste gränzt Öschige an de Chleggi (Schaffuse, Schwiz). De Verchehr vo de ganze Region verlauft hauptsächlig em Wütachdal entlang, wo noch Südsüdweste zum Rhy ane fließt. Im Dal lyge d'Ortschafte, Obschtwyse und Gwärbfläche; de Astyg zu de höchere Fläche mit Fälder, einzelne Höf und Wälder isch steil.

Nochbergmeinde sin Egginge im Norde, Chlettgau im Oste, Lauchringe im Süde und Waldshüet-Düenge und Üehlige-Birkedorf im Weste.

Gmeindeglyderig[ändere | Quälltäxt bearbeite]

Im Gmeindegebiet lyge di ehemolige Gmeinde Dègèrnau, Horrè, Ofteringè un Schwerzè. Es ghöred insgsamt 15 Dörfer, Wyler, Zinkè, Hööf un Hüser dezüè.

Zu de ehemolige Gmeind Degernau ghöre s glychnamig Dorf, s Ghöft Vogelhof/Vogelhöf und s Hus Schattemiehli. Zu de ehemolige Gmeind Horrè ghöre s glychnamig Dorf, de Zinke Höf (Horrèer Höf) und d'Höf Hölzlihöf (Linsebodehof) und Löchlihof (Hofgüet Dörneck). Zu de ehemolige Gmeind Ofterige ghöre s glychnamig Dorf und s Hus Rewedal (Reuedal). Zu de ehemolige Gmeind Schwerze ghöre s glychnamig Dorf und s Dorf Willmendige und s Ghöft Bohlhof. Zu de Gmeind Öschige mit de Gränze vor de Gmeindereform (1. Januar 1975) ghöre s glychnamig Dorf, d'Sydlig Silberwyse und d'Hüser Wohnhäuser an der Bundesstraße.

Gschicht[ändere | Quälltäxt bearbeite]

S Großsteigrab z Öschige

Zämme mit em Umland vom Hochrhy und em Chlettgau isch au s under Wüetachdal scho frieh besydelt worre. Säll isch am günschtige Chlima gläge. D'Sydler hän an de Stroß zwüsche Dägernau und Erzige e Großsteigrab hinderlo.

Di hüttigi Gmeind Öschige isch am 1. Januar 1975 durch d'Gmeindereform enstande; sällemols sin d'Gmeinde Öschige, Horrè und Schwerze zämmeglegt worre. Ygmeindige hät's am 1. Januar 1971 (Ofterige) und am 1. Januar 1975 (Dägernau) gee.

Wappe[ändere | Quälltäxt bearbeite]

Uff em Wappe siht vor me goldige Hindergrund e Mihlerad mit fümf Speiche; drunder isch e hällblaue Fluss. Sälli Objäkt verwyse uff d'Wüetach, d'Mihle, wo's friehner vyli devo gee hät, und d'fümf Deilgmeinde.

D'Wappe vo de ehemolige Gmeinde

Gmeinderot[ändere | Quälltäxt bearbeite]

Zämmesetzig vum Gmeinderot
Partäi Wahle vu 2009 Wahle vu 2004
SPD 1 Sitz 1 Sitz
CDU 6 Sitz 8 Sitz
Wehlervereinigunge 12 Sitz 12 Sitz
Gsamt 19 Sitz 21 Sitz
Quälle: Statisdischs Landesamt vu Bade-Württebärg

Wirtschaft[ändere | Quälltäxt bearbeite]

Z Öschige hät d'Aluminiumindusty im Hochrhygebiet agfange: do isch 1902 s Aluminiumwalzwärk gründet worre. Hütt werre vom "Härz vo de Aluminiumregion" diversi Aluminiumbrodukt in di ganzi Wält exportiert.

Verchehr[ändere | Quälltäxt bearbeite]

Öschige litt an de Wüetachdalbahn vo Waldshüet uff Immedinge. Im Momänt goht dört aber numme de Glägeheitsverchehr ane, wo als Aschluss an d'Museumsbahn vo de Wüetachdalbahn ab Weize diene.

Fueßnote[ändere | Quälltäxt bearbeite]

  1. Statistisches Bundesamt – Gemeinden in Deutschland mit Bevölkerung am 31.12.2012 (XLS-Datei; 4,0 MB) (Einwohnerzahlen auf Grundlage des Zensus 2011)

Weblink[ändere | Quälltäxt bearbeite]

 Allmänd (Commons): Wutöschingen – Sammlig vo witere Multimediadateie



Dä Artikel basiert uff ere fräie Übersetzig vum Artikel „Wutöschingen“ vu de dütsche Wikipedia.

E Liste vu de Autore un Versione isch do z finde.