Stein AG
 |
Dä Artikel behandlet d Ortschaft Stei im Aargau. Für andere Bedütige vo «Stei» (hochdütsch «Stein») lueg Stein (Begriffsklärung) |
| Wappe | |
|---|---|
 |
|
| Basisdate | |
| Kanton: | Aargau |
| Bezirk: | Rhyfälde |
| BFS-Nr.: | 4260 |
| PLZ: | 4332 |
| Koordinate: | 47.544443 n. Br. 7.951392 ö. L. |
| Höchi: | 299 m ü. M. |
| Flächi: | 2.83 km² |
| Iwohner: | 2.818 (31. Dezämber 2010) [1] |
| Website: | www.gemeinde-stein.ch |
| Karte | |
 |
|
Stei (amtlig Stein)[1] isch en Iiwohnergmeind im Bezirk Rhiifälde vom Schwiizer Kanton Aargau. Si lit im Zentrum vo dr Region Frickdaal am Hochrhii, an dr Gränze zu Dütschland.
Inhaltsverzeichnis |
[ändere] Geographii
S Dorf lit am Ufer vom Rhii, schreg gegenüber dr dütsche Stadt Bad Seckinge. Es het dört ywei Brugge über e Fluss, wo uf ere Strecki vo nume zwei Kilometer zweimol si Fliessrichdig änderet, zerst vo Weste uf Süde und denn wider uf Weste. S alte Dorfzentrum lit am zweite Flusschneu. Die neuere Dorfdeil göhn Richdig Oste und Norde in s flache Sisslerfäld. Südlig vom Dorfkärn, uf dr andere Site vo dr Iisebahnlinie und Autibahn, isch dr Eickerbärg. Dä Hügel vom Dafeljura het sehr steili Abhäng, und oobe nooche isch e flachi und usdehnti Hochebeni.[2]
D Flechi vom Gmeindigebiet bedräit 283 Hektare, drvo si 62 Hektare bewaldet und 110 Hektare überbaut. Dr höggsti Punkt lit uf 490 Meter uf dr Hochebeni vom Eickerbärg, dr diefsti uf 285 Meter am Rhii.
Nochbergmeinde in dr Schwiiz si Mumpf im Weste, Obermumpf im Süde, Münchwile im Südoste und Sissle im Nordoste. Im Norde gränzt Stei an die dütschi Stadt Bad Seckinge.
[ändere] Bevölkerig
Bevölkerigsentwicklig:[3]
| Johr | 1803 | 1900 | 1930 | 1950 | 1960 | 1970 | 1980 | 1990 | 2000 |
| Iiwohner | 234 | 566 | 738 | 756 | 1060 | 1763 | 1798 | 1891 | 2414 |
Am 31. Dezember 2010 hai 2818 Lüt z Stei gwohnt, drvo si 34,1 % Usländer gsi. Bi dr Volkszelig 2000 si 45,6 % römisch-katholisch, 28,5 % reformiert, 10,5 % muslimisch, 1,6 % christlich-orthodox und 1,2 % christkatholisch gsi; 1,1 % hai en anderi Religion aagee. 86,6 % hai Dütsch as ihri Hauptsprooch bezeichnet, 3,6 % Italiänisch, 3,0 % Albanisch, 2,0 % Serbokroatisch, 0,9 % Türkisch.[4]
[ändere] Bildig
In dr Gmeind het s drei Chindergärte und zwei Schuelhüüser für d Primarschuel, d Realschuel und d Sekundarschuel. Wär uf d Bezirksschuel will, muess uf Rhiifälde go. Dank ere interkantonale Veriibarig chönne Jugendligi us Deil vom Frickdaal uf s Gymnasium z Muttez (Kanton Basel-Landschaft) go.
[ändere] Weblingg
Allmänd (Commons): Stein — Witeri Mulitimediadateie zum Artikel[ändere] Fuessnote
- ↑ Beat Zehnder: Die Gemeindenamen des Kantons Aargau. In: Historische Gesellschaft des Kantons Aargau (Hrsg.): Argovia. Band 100, Verlag Sauerländer, Aarau 1991, ISBN 3-7941-3122-3, S. 408–409.
- ↑ Landescharte vo dr Schwiiz, Blatt 1049 und 1069, Swisstopo
- ↑ Bevölkerungsentwicklung der Gemeinden im Bezirk Rheinfelden, Statistischs Amt vom Kanton Aargau
- ↑ Gemeindeporträt, Statistischs Amt vom Kanton Aargau
