Hochrhein

Hochrhy

Als Hochrhy bezeichnet ma de Verlauf vum Rhy vo Schaffhuuse bis Basel-Schtadt. Vum Rhyfall bi Schaffhuuse fliesst dr Rhy zerscht nôch Süede un schpöter nôch Weschte bis Basel; dort dreht nôch Norde un wird als Oberrhy bezeichnet. Dr Hochrhy isch zumene teil dr grenzfluss zwische Dütschland un dr Schwyz. 'D zwei Flüss Aare un Töss münde in de Hochrhy.

Geografy

Geografisch gseh bezeichnet mer mit em Begriff Hochrhy

1. des, was Dütschland und d Schwiz trännt
2. d Region vom Bodesee bis Basel

Im Fluss entlang ßin vyli Wasserchraftwerch baut worre, wo für d Industry wichtig worre ßin. Säll chunnt vom große Gfälle, wo d Schifffahrt uff em Hochrhy erschwert.

Folgendi Regione hän Adeil am Hochrhy.

• Thurgau
• Hegau
• Reiat
• Zürcher Wyland
• Rande
• Zürcher Underland
• Region Schaffhuse
• Chleggau
• Zurzibiet
• Hotzewald
• Fricktal
• Dinkelberg
• Baselbiet

E Betrachter merkt nit, dass s Gebiet vom Hochrhy züe zwei verschydene Länder ghört; d Landschafte verfließe inenand.

Organisatione

Hochrhykommission

D Hochrhykommission hät s Zyl, d Zämmearbet vo de Regione nördlig und südlig vom Rhy z fördre. Des goht sie durch d Betreuig vo verschydene Projekt a. Vo de Gründig (1997) bis 2006 hän numme Bade-Württeberg und de Kanton Aargau de Kommission aghört, sit 2006 ghört aber au de Kanton Schaffhuse dezüe.

Agentur Hochrhy (AHR)

Wie d Hochrhykommission hät sich au d Agentur Hochrhy de Zämmearbet vo allne Regione am Hochrhy gwidmet. Züe-n-re ghöre d Kantön Aargau, Schaffhuse, s Land Bade-Württeberg, d EU und de Schwizer Bund. D AHR soll d Identifikation und d Wahrnehmig vom gmeinsame Grenzland am Hochrhy gege inne und usse stärke.

D AHR understützt zum Bispyl

• Begegnigsaläss uff beide Site vo de Gränze
• Projekt, Verastaltige und Veröffentlichige uff beide Site vo de Gränze
• Netzwerkarbet im Ruum und drüber use.

Weblinks

• Offizielli Website vom Hochrhy
•  Allmänd (Commons): Hochrhy — Witeri Mulitimediadateie zum Artikel