Lignières NE

S NE im Lemma isch s offiziell Chürzel vom Kanton Nöueburg und wird bruucht, zum Verwächslige mit Yträäg vom Name Lignières vermyde, wo öppis anders meined.

Lignières
Wappe vo Lignières
Basisdate
Staat:	Schwiiz
Kanton:	Nöieburg (NE)
Bezirk:	(Dr Kanton Nöieburg kännt sit 2018 kä Bezirk me.)
BFS-Nr.:	6456i1f3f4
Poschtleitzahl:	2523
Koordinate:	571755 / 21477047.0833377.066679802
Höchi:	802 m ü. M.
Flächi:	12.51 km²
Iiwohner:	1006 (31. Dezämber 2022)
Website:	www.lignieres.ch
Lignières Lignières
Charte
Charte vo Lignières w

Lignières (frankoprovenzalisch [a lˈniər / ləniːər] – uf Düütsch früener: Linieri) isch e Gmai vom Kanton Nöueburg.

Geografi

D Gmai umfasst näb em glychnamige Dorf no dr Wyler Le Moulin (815 m ü. M.). Dr Bann, wo am südleche Hang vom Jurabärg lit, umfasst 44,5 Prozänt landwirtschaftligi Flechi, 49,5 Prozänt Wald un 6 Prozänt Sidligsflechi. Ufem Bärg obe chunt dr Gmeindbann fasch bis zum Chasseral ufe.

Lignières isch ganz im Nordoschte vom Kanton Nöueburg am Jurafuess. D Nochbergmaine vu Lignières sin Le Landeron, Enges un Val-de-Ruz im Kanton Nöueburg un Nods, Prêles un La Neuveville im Kanton Bärn.

Gschicht

Im Piet vo Lignières het me Räschte von ere Römersidlig gfunde.

S Dorf Lignières isch zum erschte Mol gnännt wore anne 1179 as Linieres, 1212-20 in Linieres.

Syt 1648 isch Nöueburg Firschtetum un ab 1707 dur Personalunion mit em Chenigrych Preuße verbunde gsii. Anne 1806 isch s Biet an Frankrych unter em Napoleon I. abdrätte wore. Im Zug vum Wiener Kongress isch s anne 1815 an d Schwyz chuu, doderby sin d Chenig vu Preuße aber bis zum Nöueburgerhandel 1857 au Firschte vu Nöueburg blibe.

Bevelkerig

Quälle: Bundesamt für Statistik 2005

Johr	1850	1860	1870	1880	1888	1900	1910	1920
Yywohner	686	703	706	694	677	693	637	660
Johr	1930	1941	1950	1960	1970	1980	1990	2000
Yywohner	596	540	521	519	498	573	697	914

Dr Uusländeraadail isch 2010 bi 10,1 Prozänt gläge.

Religion

51,1 Prozänt vo dr Yywooner sin evangelisch-reformiert, 21,6 Prozänt sin römisch-katholisch (Stand 2000).

Bolitik

Bi dr Nationalrootswahle 2011 het s des Ergebnis gee: BDP 1,0 %, CVP 2,8 %, FDP 37,7 %, Grüeni 8,7 %, PdA 1,2 %, SP 18,5 %, SVP 24,7 %.

Wirtschaft

Lignières isch früener es Puuredorf gsi; im Dorfzäntrum het’s no schöni alti Puurehüüser. Es het e Chäsi, Gwärb und e Holzerbetriib. Hüt isch s Dorf immer meh e Woongmeind worde.

Sproch un Dialäkt

Bi dr Volkszellig 2000 hän vu dr 914 Yywohner 93,2 % Franzesisch as Hauptsproch aagee, 3,5 % Dytsch, 0,4 % Italienisch un 2,9 % anderi Sproche.

Dr alt frankoprovenzalisch Patois isch wahrschyns Ändi 19./Aafangs 20. Jh. uusgstorbe. Ergebnis us dr Volkszellige vu 1990 un 2000, wu zum Dail Lyt Patois as Sproch aagchryzlet hän, gälte in dr Sprochwisseschaft as Artefakt un hän ihre Ursprung ender in statistische Fähler oder ass d Lyt unter „Patois“ ihr Regionalfranzesisch verstehn

Lüüt

• Louis Gauchat, Romanischt

Literatur

• Olivier Girardbille: Lignières. In: Historisches Lexikon vo dr Schwiiz.

Weblink

 Commons: Lignières, Switzerland – Sammlig vo Multimediadateie