Travers NE
Travers isch es Dorf i der Gmeind Val-de-Travers im Kanton Nöieburg.
Bis zum 31. Dezämber 2008 isch s en eigeti Gmeind gsi, und dänn het s zäme mit acht andere Gmeinde im Bezirk di nöi Gmeind Val-de-Travers gründet.
S Dorf lyt im Jura und am Fluss Areuse. Im Südoschte chunt s ehemolige Gmeindpiet vo Travers bis ad Felsenarena vom Creux du Van ufe.
S Dorf het chly meh weder tuusig Ywooner. Sin Ortsname isch s erschte Mol im ene Dokumänt vo ane 1202 z lääse; er isch dört Transversum gschribe. Die Bezeichnig chunt vom Name vom Tal, em Val de Travers.
Literatur
[ändere | Quälltäxt bearbeite]- Jean-Pierre Jelmini: Travers (NE). In: Historisches Lexikon vo dr Schwiiz.
