La Grande Béroche

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
La Grande Béroche
Wappe vo La Grande Béroche
Basisdate
Staat: Schwiiz
Kanton: Nöieburg (NE)
Region: See
Bezirk: (Dr Kanton Nöieburg kännt sit 2018 kä Bezirk me.)
BFS-Nr.: 6417i1f3f4
Poschtleitzahl: 2022 Bevaix
2023 Gorgier
2024 Saint-Aubin-Sauges
2027 Fresens
2027 Montalchez
2028 Vaumarcus
Koordinate: 548547 / 19529446.9067536.763292469Koordinate 46° 54′ 24″ N, 6° 45′ 48″ O; CH1903: 548547 / 195294
Höchi: 469 m ü. M.
Flächi: 42.21 km²
Iiwohner: 8964 (31. Dezämber 2017)[1]
Website: www.lagrandeberoche.ch
Charte
NöieburgerseeBielerseeMurteseeFrankriichKanton BärnKanton BärnKanton BärnKanton FriburgKanton FriburgKanton JuraKanton WaadtKanton WaadtKanton WaadtBoudryLa BrévineBrot-PlambozLe Cerneux-PéquignotLa Chaux-de-FondsLa Chaux-du-MilieuCorcelles-CormondrècheCornauxCortaillodLa Côte-aux-FéesCressier NEEngesLa Grande BérocheHauterive NELe LanderonLignières NELe LocleLes BrenetsMilvignesNeuenburg NEPeseux NELes PlanchettesLes Ponts-de-MartelRochefort NELa SagneSaint-Blaise NELa Tène NEValanginVal-de-Ruz NEVal-de-Travers NELes VerrièresCharte vo La Grande Béroche
Iber des Bild
ww

La Grande Béroche isch e Gmaind im Kanton Nöieburg i de Schwiz.

Gschicht[ändere | Quälltäxt bearbeite]

D Gmaind La Grande Béroche isch am 1. Jänner 2018 dur d Fusion vo de ehmolige Gmainde Bevaix, Fresens, Gorgier, Montalchez, Saint-Aubin-Sauges und Vaumarcus entstande. Si hät de Name vo de Region La Béroche öbernoo, wo uf di alti regionali Pfarrei vo Saint-Aubin verwiist (Béroche vom latiinparochia, wa sövil wie «Pfarrei» bedüted). Lueg do dezue au im Artikel baroche vom Wälschschwiizer Mundartwörterbuech Glossaire des patois de la Suisse romande.[2] S nöie Gmeindwappe vo La Grande Béroche wird vo der Stiftig für Schwiizer Wappen ud Fääne so beschribe: es isch gspalte und zwar nid i der Middi, sondern chly nach rächts verschobe, die rächti Helfti isch föifmol deilt vo Wyss und Root, die linggi het uf Wyss über eme töife blaue Balke e rooti Roose. D Stiftig isch mit der Gstaltig vo däm Wappebild nid zfride und mit däm sinere ofizielle Beschrybig bi der Gmeind gar nid yverstande.[3] I das nöie Wappe sind divärsi Elimänt vo de alte Wappe vo de früenere Gmainde übernoo worde, öppe d Farbe Root und Wyss und Blau und d Spaltig oder au d Roose und d Deilig vo der einte Syte.

Anne 1083 het der Bischof Burkhard vo Basel s Chlooschter vo Saint-Aubin gstiftet. 1433 isch d Kaschtlanei Saint-Aubin zu Nöieburg cho. D Herrschaft Vaumarcus het sid em Middelalter de Grafe vo Nöieburg ghört, d Herrschaft Gorgier herscht de Herre vo Stäffis und denn sid anne 1344 au de Nöieburger. D Burg vo Gorgier isch anne 1299 s erschte Mol erwäänt.

Geografii[ändere | Quälltäxt bearbeite]

D Gmaind liit im Süde vom Kanton Nöieburg. Si goot vom Nöieburgersee bis uf d Kreete vo der erschte Bärgchetti vom Jura ufe. Dört ghört de wiit Talchessel vom Creux du Van zum Gmaindbann. Anderi Jurabärg vo de Gmaind sind d Crêt Teni, d Crêt aux Moines, de Soliat, wo mit 1464 Meter über Meer de höchscht Punkt vo de Gmaind isch, d La Chaille und s Signal de Lessy. Es het es baar Bärggaschthööf dört obe uf am Bärgplatoo vom Soliat und uf der Alp Montagne de Boudry.

D Dörfer vo de Gmaind sind äntwäder am See unde oder uf em breite Platoo, wo 200 Meter höcher uf de Hügel under em Jurafuess ligt. Näbe de grössere Ortschafte sind im grosse Gmaindbann au no d Wyler Les Prises, Vernéaz und Chez-le-Bart.

Nochbergmainde vo La Grande Béroche sind im Weste d Waadtländer Gmainde Provence, Mutrux und Concise, im Norde d Nöieburger Gmainde Val-de-Travers, im Oschte Boudry und Cortaillod.

Em See noo laufe d Kantonsstrooss, d Autobaan und d Ysebaan. D Baan und d Autobaan sind in es baar Dunäll.

Der höch Bärghang vom Jura het grossi Wälder und d Gmaind het am Port überem See vil Räbbärg. Dur die schöni Wylandschaft goot der «Nöieburger Wyywäg» vo Neuchâtel Tourisme.[4]

Politik[ändere | Quälltäxt bearbeite]

S Gmeindhuus vo de Gmaind isch z Saint-Aubin-Sauges.

Lüüt[ändere | Quälltäxt bearbeite]

Literatur[ändere | Quälltäxt bearbeite]

Weblink[ändere | Quälltäxt bearbeite]

 Commons: La Grande Béroche – Sammlig vo Multimediadateie

Fuessnoote[ändere | Quälltäxt bearbeite]

  1. Ständige und nichtständige Wohnbevölkerung nach Jahr, Kanton, Bezirk, Gemeinde, Bevölkerungstyp und Geschlecht (Ständige Wohnbevölkerung). In: bfs.admin.ch. Bundesamt für Statistik (BFS), 31. August 2018, abgerufen am 30. September 2018.
  2. Artikel baroche bim Glossaire des patois de la Suisse romande
  3. Gemeindefusion im Kanton Neuenburg: La Grande Béroche uf stiftungswf.ch
  4. Route du vignoble uf neuchateltourisme.ch