Bürgerlich-Demokratische Partei

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Di Bürgerlich-Demokratischi Partei (BDP) isch e schwiizerischi Partei gsi. Sie isch am 1. November 2008 gründet worden und het dur e Fusion mit de CVP uf de 1. Jänner 2021 ihres Ändi gfunde. Si isch us de drei kantonale Parteie vo Graubünde, Bärn un us em Glarnerland entschtande, wo mim gliiche Näme scho im Lauf vom Johr 2008 gründt worde sin.

Vorgschicht[ändere | Quälltäxt bearbeite]

Nach de Wahl vo de Eveline Widmer-Schlumpf i de Bundesrot am 12. Dezämber 2007 het ihri damaligi Partei, d SVP welle, dass sie usgschlosse wird. S Recht uf de Usschluss von erem Parteimitgliid hät aber nach de Parteistatute numme e kantonali Sektion. D SVP Graubünde het sich aber gweigeret, d Eveline Widmer-Schlumpf uszschliesse und so het d SVP Schwiiz am 1. Juni 2008 die ganz Bündner Kantonalpartei usgschlosse[1]. D Bündner hei uf en Rekurs verzichtet un de Name vo de Kantonalpartei zunächscht in Bürgerlichi Partei gändret. Obwohl de Entscheid, d Bündner us de SVP uszschliesse mit ere grosse Mehrheit gfallen isch, het de Usschluss in Bärn un Glarus zu Abspaltige vo de SVP gführt. Wil s aber scho e Partei mit em Name Bürgerpartei git, het me sich für de Name Bürgerlich-Demokratische Partei entschiide, wo denn au d'Bündner Partei aagnoh het.

Parteileitig[ändere | Quälltäxt bearbeite]

De erscht Präsident vo de BDP isch de Martin Landolt gsi, Vizepräsident de Lorenz Hess. Doderzu sind d Bündner Regierigsrätin Barbara Janom Steiner, de Bärner Kantonalpräsident Heinz Siegenthaler, d Zürcher Nationalrätin Rosmarie Quadrantide und de Bärner Ständerat Werner Luginbühl im Gründigsvorstand gsi.

Mandatsträger[ändere | Quälltäxt bearbeite]

Ehemoligi Mandatsträger (in Uswahl):

Bundesrat:

Ständerat:

Nationalrat:

Regierigsrat Bärn:

Regierigsrat Glaris:

Regierigsrat Graubünde:

Bi de Gründig het d BDP folgendi Parlamentssitz uf kantonaler Ebeni gha:

  • 17 Grossrät z Bärn
  • 8 Landrät z Glaris
  • 32 Grossrät z Graubünde

Weblink[ändere | Quälltäxt bearbeite]

Einzelnachwiis[ändere | Quälltäxt bearbeite]

  1. SVP Schwiiz schliesst Bündner Sektion us, NZZ Online, 2. Juni 2008