Milvignes
| Milvignes | |
|---|---|
 | |
| Basisdate | |
| Staat: | Schwiiz |
| Kanton: | Nöieburg (NE) |
| Bezirk: | (Dr Kanton Nöieburg kännt sit 2018 kä Bezirk me.) |
| BFS-Nr.: | 6416 |
| Poschtleitzahl: | 2012 Auvernier 2013 Colombier 2014 Bôle |
| Koordinate: | 556155 / 201894 |
| Höchi: | 457 m ü. M. |
| Flächi: | 8.79 km² |
| Iiwohner: | 9183 (31. Dezämber 2021)[1] |
| Website: | www.milvignes.ch |
| Charte | |
 | |
Milvignes isch e Gmaind im Kanton Nöieburg i de Schwiz.
Si isch Aafangs 2013 dur d Fusion vo de Gmainde Auvernier, Bôle und Colombier entstande.
Eren Name chunnt vom grosse Wybärg, wo sich über s Gebiet vo allne drü fusionierte Gmainde zücht.
Im nöie Gmeindwappe sind d Hauptfarbe vo de drü früenere Gmeindwappe ufgnoo: s Root für Colombier, s Blau für Auvernier und s Grüen für Bôle; und drüber isch en stilisierte Wytrübel in Gääl. D Stiftig Schwizer Wappe und Fahne isch nöd so glücklich gsi über s Projekt för das nöi Wappe.[2]
Geografii[ändere | Quälltäxt bearbeite]
D Nochbergmainde vo Milvignes sind im Süde Boudry, im Weste Rochefort und im Norde Corcelles-Cormondrèche, Peseux und d Stadt Nöieburg.
D Gmaind gränzt diräkt an Nöieburgersee. Z Auvernier het’s en grosse Hafe für privati Schiffli.
Gschicht[ändere | Quälltäxt bearbeite]
Am See het’s i der Urgschicht Seeufersidlige gha, und bi Colombier isch e ganz e grossi römeschi Villa gstande.
S Dorf Auvernier isch s erschte Mol als Averniacum im ene Dokumänmt vo anne 1011 erwäänt, Bôle als Boule anne 1346 und Colombier als Columbier anne 1228.
Z Colombier stoot es Schloss us em Middelalter, und au z Auvernier isch es chlyses alts Schlössli.
Em See noo goot d Autobaan und uf halber Höchi kwer dur d Räbbärge d Ysebaanlinie vo Nöieburg uf Lausanne.
Sprooch[ändere | Quälltäxt bearbeite]
Z Milvignes rede d Lüüt Französisch.
Lüüt[ändere | Quälltäxt bearbeite]
- Isabelle de Charrière, Dichterin
Literatur[ändere | Quälltäxt bearbeite]
- Redaktion: Milvignes In: Historisches Lexikon vo dr Schwiiz.
- Michel Egloff und Germain Hausmann: Auvernier. In: Historisches Lexikon vo dr Schwiiz.
- Germain Hausmann: Bôle. In: Historisches Lexikon vo dr Schwiiz.
- Germain Hausmann: Colombier. In: Historisches Lexikon vo dr Schwiiz.
Weblink[ändere | Quälltäxt bearbeite]
Commons: Milvignes – Sammlig vo MultimediadateieFuessnoote[ändere | Quälltäxt bearbeite]
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 13. März 2023
- ↑ Stiftung Schweizer Wappen und Fahnen - Milvignes
