Buttes

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
d Laag vo der Gmeind Buttes im ehemolige Bezirk Val-de-Travers vor der Fusion am 1. Jänner 2009

Buttes isch en Ortschaft i der nöieburgische Gmeind Val-de-Travers.

Si lyt im Nöieburger Jura. Früener isch s en eigeni Gmeind im ehemolige nöieburgische Bezirk Val-de-Travers gsi, bis si sech uf afangs 2009 mit de Nochbergmeinde Boveresse, Couvet, Fleurier, Les Bayards, Môtiers, Noiraigue und Saint-Sulpice zu der nöie grosse Gmeind Val-de-Travers zämetoo het, wo jetz was d Flechi agoot die gröschti Gmeind im Kanton isch.

S Dorf Buttes, wo öppe sächshundert Ywooner het, lyt im Buttes-Taal; dur das flüsst der Bach Le Buttes, wo bi Fleurier id Areuse mündet.

Dur das Tal und wyter im Südweschte dur die änggi Juraschlucht Vallon de Noirvaux goot d Strooss usem Val de Travers über d Kantonsgränze uf Sainte-Croix im Wadtland.

Der Ort Boutes isch öppe anne 1300 s erschte Mol in ere Urkunde erwäänt.

Literatur[ändere | Quälltäxt bearbeite]