Les Brenets

Les Brenets
S Wappe vo Les Brenets
Basisdatä
Staat:	Schwiiz
Kanton:	Nöieburg (NE)
Bezirk:	-w
Gmeind	Le Locle
PLZ	2416
Koordinate:	544319 / 21342047.0694476.70557849
Höchi:	849 m ü. M.
Flächi:	11.53 km²
Website	www.lesbrenets.ch
Les Brenets Les Brenets
Charte
Charte vo Les Brenets w

Les Brenets (frankoprovenzalisch [ɛ bœrˈnɛ]) isch es Dorf i der Gmeind Le Locle im Kanton Nöieburg. Bis 2020 isch Les Brenets e eigeni bolitischi Gmeind gsi.

Geografi

Les Brenets lyt am Doubs am nordweschtlige Jurahang. Es isch die erschti Schwiizer Gmeind a däm Fluss, wo us Frankrych chunt. Zue Les Brenets ghere näb em glychnamige Dorf d Ortsdail Bourg-Dessous (788 m ü. M.) un Le Châtelard (914 m ü. M.). Dr Bann umfasst 61,1 Prozänt landwirtschaftligi Flechi, 32,6 Prozänt Wald, 6 Prozänt Sidligsflechi un 0,4 Prozänt sunschtigi Flechi.

E Sehenswürdikeit isch der Wasserfall Saut du Doubs. S Schlittschuefaare uf em gfroorene Doubs stoot uf der Lischte vom Immaterielle Kulturguet vo der Schwiiz.

Der Durm Tour Jürgensen isch en Uussichtsdurm uf der Jurahöchi.

Gschicht

Les Brenets isch zum erschte Mol gnännt wore anne 1325 as chiez le Bruignet.

Syt 1648 isch Nöieburg Firschtetum un ab 1707 dur Personalunion mit em Chenigrych Preuße verbunde gsii. Anne 1806 isch s Biet an Frankrych unter em Napoleon em Erschte abdrätte wore. Im Zug vum Wiener Kongress isch s anne 1815 an d Schwyz chuu, doderby sin d Chenig vu Preuße aber bis zum Nöieburgerhandel 1857 au Firschte vu Nöieburg blibe.

Bevelkerig

Quälle: Bundesamt für Statistik 2005

Johr	1850	1860	1870	1880	1888	1900	1910	1920
Yywohner	1172	1547	1528	1456	1367	1420	1455	1386
Johr	1930	1941	1950	1960	1970	1980	1990	2000
Yywohner	1404	1267	1381	1288	1327	1111	1118	1164

Dr Uusländeraadail isch 2010 bi 10,2 Prozänt gläge.

Religion

50,1 Prozänt vo dr Yywooner sin evangelisch-reformiert, 21,3 Prozänt sin römisch-katholisch (Stand 2000).

Bolitik

Bi dr Nationalrootswahle 2011 het s des Ergebnis gee: BDP 2,4 Prozänt, CVP 1,3 Prozänt, FDP 31,3 Prozänt, Grüeni 13,0 Prozänt, PdA 16,7 Prozänt, SP 23,3 Prozänt, SVP 21,0 Prozänt.

Dr Gmaindsbresidänt isch dr Gilbert Hirschi (Stand 2019).

Wirtschaft

Z Les Brenets git’s es baar Gwärbbetriib und au verschideni Reschtaurant, öpe s Les Rives du Doubs am Fluss unde.

D Schiffgselschaft NLB SA macht Bootsfahrte uf em See Lac des Brenets.

Sproch un Dialäkt

Bi dr Volkszellig 2000 hän vu dr 1164 Yywohner 92,6 % Franzesisch as Hauptsproch aagee, 3,1 % Dytsch, 0,7 % Italienisch un 3,6 % anderi Sproche.

Dr alt frankoprovenzalisch Patois isch wahrschyns Ändi 19./Aafangs 20. Jh. uusgstorbe. Ergebnis us dr Volkszellige vu 1990 un 2000, wu zum Dail Lyt Patois as Sproch aagchryzlet hän, gälte in dr Sprochwisseschaft as Artefakt un hän ihre Ursprung ender in statistische Fähler oder ass d Lyt unter „Patois“ ihr Regionalfranzesisch verstehn

Lüüt

• Louis Gauchat, Romanischt und Dialäktoloog

Bilder

• 
  Gmaindsverwaltig
• 
  Dorfzäntrum
• 
  Chilche
• 
  See vu Les Brenets (Doubs)

Literatur

• Christine Müller: Les Brenets.. In: Historisches Lexikon vo dr Schwiiz.

Weblink

 Commons: Les Brenets – Sammlig vo Multimediadateie