Politischi Gmeind

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Eidgenössisches Wappe
Gmainde i de Schwiz
Dialäkt: Züritüütsch (See)
Politischi oder Iiwonergmeinde i de Schwiiz per 5. April 2020

Di politisch Gmeind isch die wichtigscht Gmeindsform i dr Schwiiz.

I de Kantön Aargau, Appezäll Usserrhode, Basel-Landschaft, Basel-Stadt, Bärn, Obwalde, Soleturn, Uri und Zug gheisst si Iiwohnergmeind, i de Kantön Jura und Wallis Munizipalgmeind, i de Kantön Friburg, Gämf, Luzern, Nöieburg, Schaffhuse, Schwyz, Tessin und Waadt eifach Gmeind, im Kanton Appezäll Innerrode Bezirk, und bis Ändi 2010 hät mer ere im Kanton Glaris Ortsgmeind gseit.

Wänn vo dr Gmeind d Reed isch, dänn isch i dr Regle di politisch Gmeind gmeint. Au die Ort, wo en Stadt sind, händ als Gebietskörperschafte d Rächtsform von ere Gmeind. E Stadt isch i dr Schwiiz also immer au e politischi Gmeind.

Di politisch Gmeind verfüegt über di sogenannt allgemein Kompetänz i kommunale Aaglägeheite. Si ninnt alli kommunale Uufgabe wahr, wo s übergordnet Rächt nöd em Würkigschreis vomene andere Gmeindstyp (z. B. Chilegmeinde, Schuelgmeinde) zuewiist. Für bsunderi Uufgabe, wo mer besser im überkomunale Rahme chan lööse, bildet d Gmeinde spezielli Zwäckverbänd.

Pildet worde sind di politische Gmeinde, wo me di alte Gmeinwäse vom Ancien Régime im früene 19. Jaarhundert uufteilt hät i Gmeinde, wo all Iiwoner dezueghööred (politischi Gmeinde oder Iiwonergmeinde), und Gmeinde für di Altiigsässene, wo denen iri Güeter verwalted (Bürgergmeinde).

Literatur[ändere | Quälltäxt bearbeite]



Information icon.svg Dä Artikel basiert uff ere fräie Übersetzig vum Artikel „Politische_Gemeinde“ vu de dütsche Wikipedia. E Liste vu de Autore un Versione isch do z finde.