Wikisource
Us der alemannische Wikipedia, der freie Dialäkt-Enzyklopedy
D Wikisource (Ussproch [ˌvɪkiˈsɔːɹs], uss hawaiisch wiki "schnäll" und änglisch source "Quälle") isch e freis Online-Projäkt zur Sammlig und Bearbeitig vo Tekscht, wo äntweder gmeinfrei ßin oder under re freie Lizänz stönn. Wie s Schwösterprojäkt Wikipedia wird's vo de Wikimedia Foundation betrybe und verwändet als Software MediaWiki.
S Alemannisch Wikisource isch noch Bschluss vo de Gmeinschaft mit em Alemannische Wiktionary, de Wikipedia, de Wikibooks und de Wikiquote verschmulze. Mer findet's uff de Wikipedia im Namesruum Text.
[ändere] Gschicht
S Projäkt isch am 24. Novämber 2003 under de temporäre Internetadräss sources.wikipedia.org agfange worre, spöter hät's sy eigene Domain-Name wikisource.org kriegt. 'S hät am Afang "Project Sourceberg" gheiße, wo e Alähnig an s Project Gutenberg und em änglische Wort Iceberg isch. Noch re Abstimmige hän si de Name am 6. Dezämber 2003 in "Wikisource" gändert.
Innerhalb vo de zwei Wuche noch em offiziälle Start vom mehrsprochige Projäkt ßin 1000 Site gschrybe worre. Afang 2004 hät's 100 agmäldeti Nutzer ge, bis zum April 2005 hän über 2500 Nutzer über 17'000 Artikel ygstellt.
D Tekscht ßin zerscht emol under ps.wikipedia.org (ps für "Project Sourceberg" oder "primary sources") gspeichert worre. D Adräss isch aber mit siner offiziälle Eröffnig uff wikisource.org verschobe worre, wyl dodurch d Adräss für d Wikipedia uff Paschtu bsetzt worre isch.
S Projäkt isch mehsprochig, 's hät aber scho Usglyderige in einzelni Sprochversione ge. Di erschti isch di hebräischi vom August 2004 gßi, wyl Hebräisch vo rächts noch links gschrybe wird. Im Dezämber vom glyche Johr hät's e Abstimmig über no meh Sprochusglyderige ge, aber erscht im August 2005 isch e zweiti Abstimmig positiv gßi. Sit em Änd 2006 isch d Wikimedia Foundation stränger, was d Yrichtig vo neue Sprochversione in de einzelne Projäkt betrifft.
Ähnlig wie bi de Wikipedia werre uff inhaltiger Ebeni di einzelsprochlige Wikisource-Projäkt trännt verwaltet. Säll zeigt sich in de verschydene Standards, was d Uswahl, Uffbereitig und Widdergab vo de E-Tekscht betrifft. De dütschsprochig Projäktzwyg wott sit siner Neukonzipierig (Friejohr 2006) sini E-Tekscht wüsseschaftlig verwändbar präsentiere. Säll schließt korräkti Agabe vo de Tekschtquälle y, genauso s Bereitstelle vo gscannte Vorlage. D Rohtekscht, wo durch Tekschterkännig (ORC) entstönn, werre vo de Mitschaffer vom Projäkt korrigiert, si erlaube au im spötere Läser e züesätzligi Kontrolle. Eso soll d Zitierfähigkeit vo de Tekscht gwährleistet werre. Als Tekschtgrundlag solle numme maßgebligi Usgabe verwändet werre.
Am 11. Novämber 2006 isch mit de Zimmerische Chronik s erschte Großprojäkt vo de dütschsprochige Wikisource volländet worre, wenig spöter, am 14. Dezämber 2006, mit de s:Martina vom Hugo von Langenstein s zweite. Di andere Schwerpünkt lyge uff de Transkription vo friehneuzitlige Flugschrifte und Yblattdruck und uff de Allgemeine Dütsche Biografy.
[ändere] Netzgleicher
Dr Artikel basiert uf ´ra freie Ibersetzung vum Artikel „Wikisource“ us dr dytsche Wikipedia.
E Lischte mit de dörtige Autore kasch dörte aluege
