Sottoceneri

Us der alemannische Wikipedia, der freie Dialäkt-Enzyklopedy

De Sottoceneri isch de südlichi Teil vom Schwiizer Kanton Tessin, em nördliche Teil seit me Sopraceneri. De Name Sottoceneri heisst uf Dütsch «niidsi vom Monte Ceneri», von ere Hügelchetti, wo d Magadinoebene vom Vedeggiotal tuet trenne.

Geografii[ändere | Quälltäxt bearbeite]

Zum Sottoceneri ghört de Bezirk Lugano und de Bezirk Mendrisio (de letschti nännt me au Mendrisiotto). Di gröscht Stadt isch Lugano und ganz im Süde liit de grossi Gränzort Chiasso, wo s uf Como (Italie) übere goht. D Gegend wird prägt vom Luganersee und es paar bekannte Bärg rundumme. Südlich vom See liit de Monte San Giorgio, wo wäg de Fundstelle vo Fossilie sit em Joor 2003 uf de UNESCO-Lischte vom Wältnaturerb isch.

Geologii[ändere | Quälltäxt bearbeite]

Im Sottoceneri bestoot de Bode meischtens us Chalk und us Härd, wo alkalisch und tonhaltig isch. S Chlima isch mild und fascht scho wiä am Mittelmeer.

Weblink[ändere | Quälltäxt bearbeite]

Koordinate: 45° 59′ N, 8° 57′ O; CH1903: 717774 / 93095

Dä Artikel basiert uff ere fräie Übersetzig vu dere Version vum Artikel „Sottoceneri“ vu de dütsche Wikipedia. E Liste vu de Autore un Versione isch do z finde.