Unterentfelden

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Unterentfelden
Wappe vo Unterentfelden
Basisdate
Staat: Schwiiz
Kanton: Aargau (AG)
Bezirk: Aarauw
BFS-Nr.: 4013i1f3f4
Poschtleitzahl: 5035
Koordinate: 645549 / 24668647.3694388.041671417Koordinaten: 47° 22′ 10″ N, 8° 2′ 30″ O; CH1903: 645549 / 246686
Höchi: 417 m ü. M.
Flächi: 2.87 km²
Iiwohner: 4011 (31. Dezämber 2012)[1]
Website: www.unterentfelden.ch
Karte
Hallwilersee Kanton Basel-Landschaft Kanton Solothurn Bezirk Bremgarten Bezirk Brugg Bezirk Kulm Bezirk Laufenburg Bezirk Lenzburg Bezirk Rheinfelden Bezirk Zofingen Aarau Biberstein Buchs AG Densbüren Erlinsbach AG Gränichen Hirschthal AG Küttigen Muhen Oberentfelden Suhr AG UnterentfeldenKarte von Unterentfelden
Iber des Bild
ww
Dialäkt: Aargauerdüütsch

Onderäntfälde esch en Gmeind met rond 3300 Iiwohner em Kanton Aargau ond liit em Suhretal.

Geographischs ond Allgemeins[ändere | Quälltäxt bearbeite]

Es gränzt a Aarou, Oberäntfälde, Suhr, Schönewerd ond Eppeberg-Wöschnau. Us dem chamer folgere, dases ganz em Weschte vom Aargau esch ond dorom au zum Bärner Aargau ghört. D Verbindige send exzellänt, es get sowohl en Regionalzugverbindig (AAR), als au es usprägts Strossenetz ond en Aschloss ad Autobahn. D' Höchi öber em Meer betreit öppe 415 Meter. 'S Dorfbeld esch starch vom Deschtelbärg prägt, wo aber eher en Högel als en rechtige Bärg darstellt. Hüüfig redt mer vo 'Äntfälde', demet meint mer 'd Gmeinde Onder- ond Oberäntfälde, wo mettlerwiile veli Verwaltigsarbete gmeinsam verrechtet. Zom Bischpel de Zivilschotz ond 's Schuelsystem. Au send die beide Gmeinde so zämegwachse, dasmer si praktisch ned cha usenand halte. Beidi Gmeinde zäme hend rond 10'000 Iwohner ond jewiils en Änte em Wappe, wobi mer sich zemli secher esch, dass de Name 'Unterentfelden' ned wörkli vo de Änte stammt, sondern vom Ändi vom Fäld.

Schuele ond Religion[ändere | Quälltäxt bearbeite]

'Z Onderäntfälde sälber gets nor en Primarschuel ond en Realschuel. Beidi send e zwoi Schuelhüüser onderbrocht. Oberstuufeschüeler wo entweder ed Sekondar- oder Bezerksschuel wend go, müend die 'z Oberäntfälde mache. Aber well 'd Verbendige entweder per AAR (Regionalzug) oder Stross gröschteteils guet send, esch das för 'd Schüeler keis Problem. Au 'd Chendergärte ond 'd Musigschuel ghöred zo de Chreisschuel Äntfälde. Onderäntfälde esch en reformierti Gmeind, die reformierte Gottesdienscht fendet em Chelegmeindshuus (e de Nöchi vom Gmeindshuus) statt. Katholischi Gläubigi müend nach Oberäntfälde e d' Chele, was aber chum es Problem darstellt. Set em Johr 965 het Onderäntfälde zor Chelegmeind Suhr ghört, was sich aber set 1959 gänderet het ond si esch eigeständig worde. Näbem Chelegmeindshuus, wo au zu andere Aläss gnötzt werd, stoht en höche, markante Cheletorm. Met sine sächs Glogge lüütet er zo allne wechtige Aläss e de Gmeind.

Bekannts[ändere | Quälltäxt bearbeite]

Vorallem de Landehof ond de Bösner send öber 'd Gränze vo Onderäntfälde bekannt. Bem Landehof handlets sich um en Schwerhörige Schuel. Mer fendet si of em Deschtelbärg, 'd Schüeler wohnet meischtens met Betreuer em Dorf sälber. De Bösner kenned wahrschinli vorallem 'd Könschtler, wo e dem Lade wörkli alles fendet, wos Härz begehrt. Au 'd Cardag, en Produzänt vo Kreditcharte het sin Setz en Onderäntfälde. De Coop Bau ond Hobbymärt esch ebefalls öppis, wo vell Lüüt nach Äntfälde lockt.

Fuessnote[ändere | Quälltäxt bearbeite]

  1. Bevölkerungsbestand per Ende Dezember 2012, Statistisches Amt des Kantons Aargau

Weblink[ändere | Quälltäxt bearbeite]

 Allmänd (Commons): Onderäntfälde – Album mit witere Multimediadateie