René Felber

Us der alemannische Wikipedia, der freie Dialäkt-Enzyklopedy
Dialäkt: Züritütsch (See)
René Felber

De René Felber (* 14. März 1933 z Biel; † 18. Oktober 2020) isch en Schwiizer Politiker (SP) gsii.

Uspildet isch er as Primarlehrer gsii. Vo 1965 bis 1976 isch er Neueburger Grossrat gsii, von 1967 bis 1981 Nationalrat und dänn vo 1981 bis 1987 Neueburger Staatsrat.

Am 9. Dezember 1987 isch er in Bundesrat gwählt worde. Währed siinere Amtsziit isch er em Eidgenössische Departement für usswärtigi Aaglägeheite vorgstande. Sis gross Thema isch di europäisch Integration gsii, er hett gärn gseh, wänn d Schwiiz der EG oder em EWR biiträtte wär – dademit isch er aber gschiiteret. Am 31. März 1993 isch er zruggträtte, wil er Chräbs überchoo hät.

Er isch im Jahr 1992 Bundespresidänt und im Jahr 1991 Vizepresidänt gsii.

Weblink[ändere | Quälltäxt bearbeite]




Dä Artikel basiert uff ere fräie Übersetzig vum Artikel „René_Felber“ vu de dütsche Wikipedia. E Liste vu de Autore un Versione isch do z finde.