Neuenburgersee

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Nöiäburgersee
Abestimmig am Nöieburgersee. Blick vor Arteplage Richtig Auvernier
Date
Name: Nöieburgersee
Lac de Neuchâtel
Lage: Romandie
Flächi 217,9 km²
maximale Tiefi: 152 m
Ruminhalt 14 km³
Zueflüss: Zihl,
La Mentue,
L'Areuse,
Broyekanal
Abflüss: Zihlkanal
Höchi über NN: 429 m
Grösseri Stedt
am Ufer:
Yverdon-les-Bains,
Nöieburg,
Estavayer-le-Lac
Bsungerheite: gröschter rein schwyzerischer See
Charte
Nöieburgersee

Dr Nöieburgersee, oder Lac de Neuchâtel, isch mit erer Flächi vo 217,9 km² dr gröschti See wo vouständig ir Schwyz ligt. Är ligt i de Schwyzer Kantön Nöieburg, Fryburg, Waadt u Bärn.

D’Houptzueflüss sy d Areuse, d Zihl (französisch Thielle), u der Broyekanal us em Murtesee. Dr Abfluss (Canal de la Thielle/Zihlkanal) mündet i Bielersee. Zäme mit em Murtesee dient der See aus Usglychsbecki für d Aare wo i Bielersee mündet. Wenn der Bielersee ufgstout wird, fliesse dr Broyekanal u dr Seeabfluss deshaub rückwärts.

Dr Nöieburgersee isch 38,3 km lang u maximau 8,2 km breit. Dr See isch maximal 152 m tief u sy Wasserinhaut betreit rund 14,0 km³. Ds Yzugsgbiet isch 2670 km² gross.

A sym nördliche Ufer ligt d Stadt Nöieburg wo nem der Name het ggä, am weschtliche Ände d’Stedtli Yverdon-les-Bains u Grandson. Am Südufer ligt ds mittuauterliche Stedtli Estavayer-le-Lac.

Turismus[ändere | Quälltäxt bearbeite]

Turistisch attraktiv isch d’Region vom Nöieburgersees insbsungeri wäge de Wybärge am Jura-Südfuess. Aapflanzt wärde Chasselas u Pinot Noir (Blauburgunder) u hier entsteit dr internationau bekannti Oeil-de-Perdrix. Wanderwäg u Radwanderwäg führe dür d’Wybärge u di chlyne Winzerdörfer oder direkt am Seeuefer entlang. Ou kulinarisch het d’Region öppis z biete.

Sehenswürdigkeite (Uswau):

  • Menhire vo Clendy (Yverdon)
  • Pfaubouerdorf (Gletterens)
  • Naturschutzgebiet "La Sauge" (Cudrefin)
  • Centre Dürrenmatt (Nöieburg, erbout vom Mario Botta)
  • Musée de l'Areuse (Boudry)
  • Laténium (Hauterive)
  • Fröschmuseum (Estavayer)

Verwandti Theme[ändere | Quälltäxt bearbeite]

Lueg ou: Lischte vo de Schwyzer Seeä

Weblink[ändere | Quälltäxt bearbeite]