Kanton Linth

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Übersichtscharte vo der Helvetische Republik 1798

Dr Kanton Linth isch e Kanton vo dr Helvetische Republik 1798-1803 gsi.

S Wappe vo Linth

Noch em Zsämmebruch vo dr alten Eidgenosseschaft 1798 hai sich verschiidnigi ehemoligi Gmeini Herrschafte und zuegwandti Ort in dr Ostschwiiz zu eigeständige Kantön erklärt. Mit dr Schaffig vo dr Helvetische Republik si die Gebild wider ufglöst und in de Kantön Linth und Säntis zsämmegfasst worde. Noch em Vorbild vo de französische Departemänt si Fluss- (Linth) bzw. Bärgnäme (Säntis) zur Bezeichnig usgwehlt worde.

Dr Kanton Linth isch am 4. Mai 1798 gründet worde. Er het us em ehemolige eidgenössischen Ort Glarus und siim Undertanegebiet Wärdebärg, ehemolige Undertanegebiet vom Ort Schwyz (Höf, March, Eisiidle) und vom Ort Züri (Sax), den ehemolige gmeine Herrschafte Uznach, Gaster, Sargans, dr Stadt Rapperswil und em Obertoggeburg bestande, wo vorhär zur Fürstabtei Sanggalle ghört het. Dr Hauptort isch zerst Glarus gsi, denn noch dr Widerhärstellig vom Kanton Glarus Rapperswil.

D Kantön Säntis und Linth mit ihre Distrikt

Dr Kanton Linth het siibe Distrikt umfasst: (lueg Charte)

  • Wärdebärg; Hauptort Wärdebärg, 30 Wahlmanne, öbbe 10 500 Iiwohner
  • Neu St. Johann; Hauptort Neu St. Johann, 30 Wahlmanne, öbbe 11 600 Iiwohner
  • Mels; Hauptort Mels, 25 Wahlmanne, ca. 9800 Iiwohner
  • Schwande; Hauptort Schwande, 29 Wahlmanne, öbbe 10 100 Iiwohner
  • Glarus; Hauptort Glarus, 38 Wahlmanne, 12 700 Iiwohner
  • Schänis; Hauptort Schänis, 29 Wahlmanne, 11 900 Iiwohner
  • Rapperswil; Hauptort Rapperswil, 29 Wahlmanne, 11 800 Iiwohner

Dr Kanton Linth isch in dr Mediationsakte vom Napoleons vo 1803 wider ufglöst worde. Si Gebiet isch uf d Kantön Schwyz (Höfe, March, Eisiidle), Glarus und Sanggalle (Rapperswil, Uznach, Gaster, Sargans, Wärdebärg, Sax, Obertoggeburg) ufdeilt worde.

Literatur[ändere | Quälltäxt bearbeite]


Dä Artikel basiert uff ere fräie Übersetzig vu dere Version vum Artikel „Kanton_Linth“ vu de dütsche Wikipedia.

E Liste vu de Autore un Versione isch do z finde.