Kanton Rhätien

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Kanton Rhätie oder Rätie isch e Kanton in dr Helvetische Republik gsi.

Übersichtscharte vo der Helvetische Republik 1798
S Wappe vo Rhätie

D Republik vo de Drei Bünd wo im Gebiet vom hütige Kanton Graubünde bestande het, het sich 1799 dr Helvetische Republik verdraglig agschlosse, ohni ihri Underdanegebiet Chiavenna, Valtellina and Bormio, wo sich in ere französisch inspirierte Revolte vo de Bünd glöst und sich am 10. Oktober 1797 dr Cisalpinische Republik agschlosse hai.

S rätisch Parlamänt isch vo Elektore und noch Distrikt gwehlt worde und het 35 Abgeordneti gha. Es isch im August 1801 zum erste Mol zsämmedräte. D Regierig het us eme Prefekturroot und ere fümfchöpfige Administration bestande. Dr Kanton isch in elf Distrikt iideilt gsi, wo vo Prefekte verwaltet worde si. Am 22. Jänner 1802 isch dr Prefekturroot abgschafft und mit ere Verwaltigskammere ersetzt worde.

Dr erst helvetisch Kommissär z Chur isch dr Zuger Joseph Leonz Andermatt gsi und dr Kanton het sächs Abgeordneti an d Dagsatzig gschiggt, aber dr Zentralismus vo dr Helvetische Republik isch nie beliebt worde. Wo d Franzose 1802 us Rätie abzooge si, isch im August en Ufstand usbroche und im Moned druf isch die alti republikanischi Verfassig wider iigfüehrt worde, isch aber scho im Oktober vom gliiche Johr wider abgschafft worde. Mit dr Mediationsakte vom 2. Februar 1803 isch dr modärn Kanton Graubünde erschaffe worde.

Quelle[ändere | Quälltäxt bearbeite]

Artikel Rätien im Historische Lexikon vo dr Schwiiz