Eglisau
Us der alemannische Wikipedia, der freie Dialäkt-Enzyklopedy
| Wappe | |
|---|---|
 |
|
| Basisdate | |
| Kanton: | ? |
| Bezirk: | Bülach |
| BFS-Nr.: | 0055 |
| PLZ: | 8193 |
| Koordinate: | 47° 57' n. Br. 8° 52' ö. L. |
| Höchi: | 355 m ü. M. |
| Flächi: | 9.07 km² |
| Iwohner: | 3581 (31. Dezember 2007) |
| Websyte: | www.eglisau.ch |
| Charte | |
 |
|
 |
Dialäkt: Züridütsch (See) |
Eglisau isch ä politischi Gmeind im Bezirk Bülach vom Kanton Züri i dä Schwiiz.
Inhaltsverzeichnis |
[ändere] Wappe
Blasonierig: I Gold en schwarze Hirsch wo ufeme grüene Drüüberg staat
[ändere] Geographi
S Städtli liit am Nordufer vom Rhii, näch vode dütsche Grenze. Zu Eglisau ghöred d Ortsteil Seglinge und Tössriedere. Obwohl Eglisau nur biz meh als 3000 Iwohner het, besitzt Eglisau immer na s alte Stadträcht, wo s im Mittelalter übercho hät.
[ändere] Bevölkerig
| Bevölkerigsentwicklig | |
|---|---|
| Jahr | Iwohner |
| 1488 | 650 |
| 1588 | 860 |
| 1634 | 998 |
| 1689 | 1494 |
| 1796 | 1578 |
| 1850 | 1612 |
| 1880 | 1449 |
| 1900 | 1175 |
| 1950 | 1603 |
| 2000 | 2893 |
| 2003 | 3318 |
| 2005 | 3401 |
Nach de Konfessionszueghörigkeit sind reformiert 52%, katholisch 24% und 24% vode Iwohner ghöred anere andere oder keinere Glaubenszueghörigkeit aa.
[ändere] Politik
De Gemeindpräsident isch de Peter Keller (SVP, 2008).
[ändere] Wirtschaft
[ändere] Vercheer
Bi Eglisau füert e Isebahnbrugg über de Rhii, wo vor 1897 erbaut worde isch (Eröffnig vode hütige SBB-Strecki Büüli–Schaffhuuse). Dä Viadukt hät en 90 m lange Fachwerkträger miteme Gleis wo drüber liit. Siitlich dra schlüssed d Vorbrugge mit 12 bzw. 9 Steiboge a. Di südlich Vorbrugg isch krümmt. D Brugg hät ä Gsamtlängi vo 440 m. Wäge de S-Bahn isch mer in chürzester Ziit in Züri (S5), Winterthur (S41) oder Schaffhuuse (S22).
D Strassebrugg wo im Jaar 1918, wägem Bou vom Chraftwerk Rhiisfäldä, bout worde isch, wird hüt täglich vo tuusige Fahrzüüg befahre, will si di einzig Strasseverbindig is Rafzerfäld und über de Jestetter Zipfäl uf Schaffhuuse darstellt.
[ändere] Gschicht
Di eltischt erhalteni urkundlichi Erwähnig vo Seglingens Owe datiert is Jaar 893. Di mittelalterlichi Altstadt isch i ihre Grundaalaag na hüt erchennbar und guet erhalte.
Eglisau isch im Jahr 1463 under d Herrschaft vom Freiherr Bernhard Gradner cho. 1489 isches e Zürcherischi Landvogtei worde, mitem Sitz uf em 1810 abbrochene Schloss. Legendär isch de letscht Landvogt Salomon Landolt gsi, wo 1798 zruggträte isch.
[ändere] Weblinks
- Offizielli Website vode Gmeind Eglisau
- Wichtigi Känngrössene vode Gemeind Eglisau
- Artikel Eglisau im Historische Lexikon vo dr Schwiiz
